Deuteronomy

Jana Israel-warra jaba-jabaku Egyptmun kadan, yinyarrin wubulku wularin, yamba Joshua, Caleb, Moses juranku, jana God kuku-nyajinya.

23-28 Moses Godundu babajin, “Maja, nganya naka-naka wawubajanga Jordanba yunga. Ngayu bubu Canaan nyajinka, bubu ngulkurr-ngulkurr bajaku.” Yamba Godungku nyungundu yalaman, “Kari. Kari babajika baja. Jarra-jarranga wuburrbu Mount Pisgahmunbu dungay, yinyamun bubu wubulku walu-wukurrika. Bubu mumbarabuku nyaka, yundu yinyaymba bubungu kari dungay. Joshuanda kuku daya. Nyungun junkurrji-bunga, nyuluda jananin Israel-warra yinyaymba bubungu wundil.”

<- Deuteronomy 2Deuteronomy 4 ->