Davidamu kangkal Absalom, nyulu ngulkurrijin. Yamba nyulu bulmbuyman, kingmanka. Nyulu nyungu nganjan David karrnga-dajinka. Yinyaynka nyulu yiringkurrku dungan, bamanji ngulkurrku balkawan, yamba nyulu David binda-daman bamanda. Nyulu wawu jana nyungunku kurrkal-warrinka. Juma soldier-soldier wubul nyungunku kurrkal-warrin. Yinyamun nyulu and nyungu soldier-soldier kadan, Davidanji kuniwanka. Yamba Davidangka kuku nyajin, nyulu and nyungu soldier-soldier townmun Jerusalemmun warririn. Jana bubungu yuba wawubajanga Jordan balnji wunan, readyman, kuniwanka jananji Absalomanji. Absalomandamundu soldier-soldierangka David wukurrin, yamba Davidamu soldier-soldier jarra junkurrji, jananin beatim-bungan. Joab, nyulu maja Davidandamunku soldier-soldieranka. Nyulu Absalom yarkinkaku kunin. Yinyamun jana soldier-soldier and Israel-warra wubulku Davidandaku jurrkijin baja. Nyulu nyunguwunbuku bayanbaku dungan baja, bundan baja townbu Jerusalem.

<- 2 Samuel 13