12-17 Elimu kangkal-bulal jambul, burri Hophni, Phinehas. Bula yalarrku priestman Godundumunbu bayanba townbu Shiloh. Yamba bula buyunman Godundumunbu miyilba, bula jumbunmanya minyaka bamangka Godundu dajinka. Bamangka minya wundin, Godundu dajinka, bula kanbal jumbunduku manin, bulangaku.

22-25 Nyulu Elingka kuku nyajin nyunguwunku kangkal-bulalanka, nyulu bulanda yalaman, “Yubal wanyurrinku yalaku balkal? Bamangka ngaykundu balkal yubal buyun-daman-damal. Kari yalaku buyun-dama baja. Godumu bama yubalanka balkan-balkaway. Kaki bamangka yindu bama buyun-damal, Godungku nyungun helpim-bungal. Kaki yubal God buyun-damal, wanjungku baja yubalin helpim-bungal? Yubal kari buyunmaka baja.” Yamba bula nganjananda kari milka-janan. Yinyaynka Godungku bulanin juma yarkin-bunganka. 26 Nyulu Samuel jirraymalman, jana bama and God wawurr-wawurrmanda nyungunku.