Luke
2
Meri biyawmey wurdyaw Jesus
6-7 Benewam benebolkyawan kure benediwirriminj benebolkngalkang kure Bethlehem. Benewam kure mayh yoy manme bedberre. Wanjh wurdyaw mahmi danginj. Bikarrmeng ngalbadjan mayhmayh birriyawnang. Wanjh bibarrkbom bikurrmeng kungarre.
8 Nungka minj rayi djarre, manekke rerrih kunkak kamwam, birriwern bininj bindinahnan mayhmayh. 9 Kumekke rerrih birrinang angel kumwam kunwok kumkang kaddumbeh. Ngabbard bolkwarlkang birrinang birriwern. Bedda birrikelehminj.
10 Angel benmarneyimeng, “Minj ngurrikukkele. Ngayi ngakang kunwok namakkayken ngudberre ngurriwern. 11-12 Bolkkime ngalyawk kabikarrme wurdyaw narangem kure kumekke Bethlehem kure David djordminj. Ngurriray, ngurriyawan. Nungka birriyawdukkang kunmadj kure mayhmayh kabirriyo. Ba ngudda ngurribengkan kunwok manwoybuk ngayolyolme.