“Werrk yirrolka wanjh yidjalkelerlobmen yiman mayhmayh karrolkan, dja yiwarlkarrimen kore kuwarddekimuk!

2 Yina! Nawu birriwarre bininj ngokko birriyingkihmarnbom manbu mankole bedberre, dja kabirriwarlkkayindi kore kubolkmunun bu kabindiyamekenh nawu birrimak bininj.

3 Nawu nawoyhbuk bininj, nakka baleh kakurduyime bu kunwarre kawernhmerren?”

Nawu ngarrdabbolk kore yiyime minj kunukka kunmak.

4 Ngad karriburrbun, Yawey kahni kore throne, kaddum kore manrurrkdjamun nuye. Nungka wanjh kabenkurdunan bininj nawarlahkenh kondah kanjdji kore kurorre, nungka kaburrbun rowk kore bedda kabirrikurduyime. 5 Nawu Yawey kabenrohrokme bininj nawu birrimak dja nawu birriwarre bininj rowk kabenwidnan kore kunwarre munguyh kabirrikurduyime. 6 Nakka kaluk kabenmarneburriwe kunyirrke dja manbirlukimuk bu kabenkinje birrimekbe nawu birriwarre bininj, dja mak kabenmarnemunkewe kunmayorrkwarre bu kabenkukbukwon kabirrikukdarlemen.

7 Nungka Yawey nakka nadjalkudji nadjalmak duninjh. Nungka kabendjalmarnedjare bininj kabirrimarneyimerren kunmak bu djal mandjad duninjh. Birrimekbe bininj nawu kunmak kabirrikurduyime wanjh kaluk kabirrinan kunmakmak nuye.

<- Psalms 10Psalms 12 ->