85
1 Senhor, remoingo porã va'ekue ndeyvy,
Jacó kuery guive remoingo porã ju.
2 Ndevygua kuery ojejavyague remboguepa va'ekue,
heko vaiague rejao'ipa.
3 Ndepoxya nderexa ukai orevy,
ndepoxya rupi e'ỹ orerereko va'ekue.
4 Oreruete orereraa jepea, peteĩgue ju ke oremoingo porã,
oregui eipe'a ju ndepoxya.
5 Tyrã ndepoxy riae 'rã teve orevy?
Raka'e rã peve 'rã nda'u ndepoxy?
6 Noremoingo porãve jevyi 'rã ri ty'y,
ndevygua kuery ndererovy'a aguã?
7 Senhor, exa uka ndeporayvua orevy,
ejapo roo jepe aguã rami.
8 Ajapyxaka 'rã Senhor ijayvua re,
mba'eta ijayvu ojeupegua iky'a e'ỹ va'e kuery omoingo porã aguã re,
o'arandu e'ỹa py ho'a ve'ỹ aguã.
9 Ou ma oiny henonde ojererokyjea rupi ikuai va'ea py, ogueraa jepe aguã,
nhandeyvy re hexakãa ojekuaa aguã.
10 Mborayvu nhomoirũ anhetẽ va'e reve,
teko porã ha'e jaiko porãa oje'a jova pyte va'e rami.
11 Yvy gui henhoĩ 'rã anhetẽ va'e,
ha'e teko porã oma'ẽ 'rã yva gui.
12 Senhor ome'ẽ 'rã iporã va'e,
ha'e nhandeyvy re oiko 'rã mba'emo'a.
13 Teko porã oo 'rã henonde,
oguereko katu aguã haperã oo aguã.
Ojerure ha'e ojerovia etea
Davi onhembo'eague.