75
1 Oreruete, roguerovy'a.
Roguerovy'a, rojapukai 'rã nderery rupi,
ha'e roikuaa ukapa 'rã nerembiapo porãa.
2 Mba'eta aipo're: “Xee ma ambojeupity 'rã ára aa'angaague
ha'evea rupi anhomboayvu aguã.
3 Yvy omyĩmba, hexe ikuai va'e ha'e javi guive.
Ha'e rami teĩ xee amoĩ atãve 'rã ijytarã.*“Yvy yta” he'ia ma ha'evea rami joguerekoa re ijayvu vy (Salmo 11.3, 82.5).
4 Aipoa'e ojee ae ojerovia va'e pe: ‘Penhemboyvate eme.’
Ha'e opa marã rei ikuai va'e pe voi: ‘Peropu'ã eme penembaraetea.
5 Peropu'ã rive eme penembaraetea pendeyvatea py,
pendeayvu vaikue eme guive itaova aiko va'e re.’ ”
6 Mba'eta kuaray oua katy gui e'ỹ ou nhanepytyvõarã,
kuaray oikea katy e'ỹ, neĩ tekoa e'ỹa gui e'ỹ guive.
7 Nhanderuete ae joe oikuaa pota va'erã oiko.
Amongue ma ha'e omomba 'rã,
ha'e rã amboae kuery ma omboyvate 'rã.
8 Mba'eta Senhor po py ma oĩ peteĩ karo.
Ha'e va'e py ma oĩ vinho yjui va'e opa marãgua re omoirũ mbyre.
Ha'e va'e gui ome'ẽ 'rã oy'ua aguã.
Ha'e ramo heko vai va'e yvy re ikuai va'e ha'e javi
oy'upa 'rã iky'akue reve.†Ha'e va'e karo re ijayvu ju Apocalipse 14.9-10 ha'e 16.19 py.
9 Ha'e rã xee ma raka'e rã peve 'rã aroporaei.
Arovy'aa rupi aporaei 'rã Jacó Ruete pe.
10 Amomba 'rã heko vai va'e mbaraetea.
Ha'e rã heko porã va'e mbaraetea ma omboyvatea 'rã.
Nhanderuete yvatea ha'e ipo'akaa re ijayvua
Jogueroporaei va'e pe mboraeirã Asafe ombopara va'ekue mbaraka py ombojoguy reve oporaei aguã.