54
1 Xeruete, xereraa jepe ke nderery rupi,
xemboeko porã guive ndepo'akaa rupi.
2 Xeruete, endu ke anhembo'e ramo,
ejapyxaka ayvu xejuru gui oẽ va'e re.
3 Mba'eta xere opu'ã okuapy porojojai va'e kuery,
jojuka va'ety kuery xejukaxe okuapy.
Ha'e kuery ma Nhanderuete re ima'endu'aa rupi nda'ikuai.
4 Ha'e rã xee ma Nhanderuete oiko xepytyvõarã.
Senhor oiko xemoingovearã.
5 Ombopaga 'rã heko vai va'e xemoingo axyague re.
Ojeroviapy reikoa rupi remomba 'rã.
6 Ndevy ame'ẽxea'i py ame'ẽ 'rã ome'ẽmby.
Senhor, aporaei 'rã nderery rupi iporã ramo.
7 Mba'eta xereraa jepe ajexavaia ha'e javi gui.
Ha'e ramo aexaa py xerovaigua kuery okanhymba.
Joapo vai va'e kuery omombaa aguã re ojerurea ague
Jogueroporaei va'e pe nhombo'e aguã Davi ombopara va'ekue mbaraka py ombojoguy aguã.