43
Henda iky'a e'ỹ va'e py ooxea rami ijayvua ague
1 Xeruete, xemboeko porã ke
xere opu'ã va'e kuery gui.
Xereraa jepe avakue nhombotavy ha'e ijapu va'e gui.
2 Mba'eta Xeruete, ndere ae anhemi.
Mba'e re tu naxepytyvõi?
Mba'e re tu ajexavai aikovy xerovaigua kuery xeavyky rei rã?
3 Emboguejy nerexakã ha'e anhetẽ va'e,
xereraa aguã ndevygua yvyty iky'a e'ỹ va'e áry
nembojeroviaaty oĩ va'e py.
4 Ha'e ramo aa aguã Xeruete pegua altar oĩa py,
Xeruete arovy'a va'e renonde.
Xeruete, rogueroporaei 'rã mba'epu ixã reta va'e amonhendu reve.
5 Xenhe'ẽ, mba'e re tu ndeporiau ri?
Mba'e re tu nda'evei rei reĩ xepy'apy py?
Earõ Nhanderuete, mba'eta aroporaei nho 'rã.
Ha'e ma Xeruete xepytyvõa oiko.
Nhanderuete pe ojepy ukaa ague
Jogueroporaei va'e pe Coré ra'y kuery nhombo'e aguã ombopara va'ekue.