33
Opa mba'e moingoare ha'e opena va'e pe oporaeia
1 Pendereko porã va'e, perovy'a Senhor!
Anhetẽ rupi ikuai va'e ogueroporaeia ma ha'eve va'e.
2 Penema'endu'a Senhor re ixã reta va'e reve pembojoguy vy.
Ixupe peporaei mbaraka dez ixã va'e reve.
3 Pemonhendu mboraei pyau,
pembopu ke pevy'aa rupi.*Apocalipse 5.9, 14.3
4 Mba'eta Senhor ayvu ma anhetẽ ete va'e,
ha'e mba'emo ojapoa ha'e javi rupi ojeroviapy oiko.
5 Oguerovy'a 'rã heko porã ha'e ha'evea rami joguereko va'e.
Yvy jave re oĩ Senhor porayvua.
6 Yva ma oayvu py rive ojapo raka'e,
ijayvuẽ gui yva regua ha'e javi ikuai.
7 Yy avi omboaty raka'e ye'ẽ tuvixa va'erã,
ono'õ reta vy omonyẽ hendarã va'ekue.
8 Yvy jave re pendekuai va'e, pemboete Senhor.
Yvy re pendekuai va'e ha'e javi, henonde pejererokyjea rupi pendekuai.
9 Mba'eta ijayvu ramo rive opa mba'e ojekuaa,
ha'e ijayvua rupi opa mba'e oiko raka'e.*Hebreus 11.3
10 Senhor omboaxa rivepa 'rã yvy regua kuery onhembopy'a okuapya,
ombovaipa 'rã ha'e kuery ojapoxe va'e.
11 Ha'e rã Senhor onhembopy'aa ma ndoaxa rivei 'rã raka'e rã peve guarã,
opy'a re omoĩ va'e oĩ 'rã ta'y jevy-jevy ikuaia peve.
12 Senhor pe “Oreruete” he'i va'e regua ma ovy'a ete 'rã,
ojeupe guarã ae oiporavo rire.
13 Yva gui Senhor oma'ẽ oiny vy
oexapa 'rã avakue ra'y kuery ikuaia.
14 O'amba gui oexapa yvy regua kuery.
15 Peteĩ-teĩ kuraxõ apoare
oexapa ha'e kuery ojapo va'e ha'e javi.
16 Nda'ipoi huvixave oxondaro kuery po'akaa rupi oo jepe va'erã,
ojerovia rei va'e teĩ ombaraetea py rive ndoo jepei 'rã.
17 Kavaju voi nanhombopo'akai 'rã.
Imbaraete teĩ ndogueraa jepei 'rã avave rei.
18 Ha'e rã Senhor ma oma'ẽ 'rã oiny henonde ojererokyjea rupi ikuai va'e re,
omboaxy aguã oarõ okuapy va'e re.
19 Ha'e kuery rekovea ogueraa jepe 'rã omanoa gui,
karuai jave voi opena 'rã okuave aguã rami.
20 Nhanenhe'ẽ py nharõ Senhor nhanepytyvõ aguã,
nhanderepya ha'e mba'emo vai jokoa oiko ramo.
21 Hexe ae nhanekuraxõ ovy'a 'rã,
hery iky'a e'ỹ va'e re jajerovia ramo.
22 Senhor, orerereko ke oremboaxya rupi,