150
Oguerovy'aa opa vygua
1 Aleluia!
Peroporaei Nhanderuete, ixupegua henda iky'a e'ỹ va'e py!
Peroporaei yvate ipo'akaa oĩa rupi!
2 Peroporaei opo'akaa rupi ojapo va'ekue re!
Peroporaei, yvate ete va'e ramo!
3 Peroporaei mimby guaxu pu rupi!
Peroporaei mbaraka ha'e mba'epu ixã reta va'e reve!
4 Peroporaei pandeiro py ha'e pejeroky reve!
Peroporaei mba'epu ixã va'e ha'e mimby reve!
5 Peroporaei hy'a pu reve!
Peroporaei hy'a pu onhendu ratãve va'e reve!
6 Ipytuẽ va'e ha'e javi togueroporaei Senhor!
Aleluia!