120
1 Ajexavaia py ajapukai Senhor pe.
Ha'e ramo oendu xeayvu.
2 Senhor, xereraa jepe ke apu rupi ijayvu va'e gui,
nhombotavypaa rupi ijayvu va'e kuery gui.
3 Nhombotavypaa rupi ndeayvu va'e,
mba'e 'rã tu ndereko rekovia ome'ẽa,
mba'e 'rã tu ndevy guarã omboua?
4 Nembopagaa 'rã ipy'a guaxuve va'e ru'y hakua va'e py,
tapyĩ hexakã va'e zimbro guigua py guive.
5 Xevy pe nda'evei ete yvy mboae regua Meseque,
Quedar pygua kuery rekoa rupi aikoa.
6 Yma ete ma ha'e py aiko,
peteĩ rami nda'ikuaixei va'e kuery mbyte.
7 Xee ma peteĩ rami orekuai aguã re xeayvu teĩ
ha'e kuery ma joe opu'ã aguã re anho onhea'ã okuapy.
Nhandere Nhanderuete onhangarekoa re ijayvua
Oguataa rupi ikuai va'e oporaei aguã.