1 Ma'e kwaw 'ymar uze'eg nezewe uzeupe wà.

— Tupàn na'ikàg kwaw a'e, i'i wà.

Upaw rupi wiko ikatu 'ym ma'e romo wà.

Uzapo iaiw ma'e oho waiko wà.

Naheta kwaw ni pitài ikatu ma'e iapo har wà.

2 Tupàn Tuweharupi Wiko Ma'e wapyk ywak rehe teko paw wanehe ume'e pà.

— Aipo heta amo ikatu ma'e wà, i'i uzeupe.

— Aipo heta amo hemuwete katu har wà, i'i uzeupe.

3 Teko paw upiaw wà. Iaiw upaw rupi wà.

Wakatu 'ymaw zuawyawygatu wà.

Naheta kwaw ikatu ma'e iapo har wà.

Azeharomoete naheta kwaw wà.

4 Tupàn Tuweharupi Wiko Ma'e upuranu wemiruze'eg wanehe.

— Aipo a'e teko ikatu 'ym ma'e paw nukwaw pixik kwaw ma'e wà. Aipo wiko ma'e kwaw par 'ym romo upaw rupi wà.

Tuweharupi imunar heremiaihu wama'e rehe wà.

Nuze'eg kwaw ihewe wà, i'i wanupe.

5 Uryryryryz putar ukyze pà a'e wà nehe.

Amo weruzar ize'eg wà. Tupàn wiko a'e teko wamyrypar romo a'e.

6 Ma'e hereko 'ymar wàro ikatu ma'e wà. Ikatu 'ym ma'e umuaiw wanemiàro wà.

Tupàn Tuweharupi Wiko Ma'e upyro teko ikatu ma'e a'e wà, katu 'ymaw wi a'e wà.

7 Tuwe Tupàn uputar Zeruzarez wi purupyro haw Izaew wanupe tur àwàm a'e.

Tupàn Tuweharupi Wiko Ma'e umukatu putar Zako izuapyapyr waneko haw a'e nehe.

Hurywete a'e ma'e izeapo mehe wà nehe. Wiko putar hurywete ma'e romo a'e mehe wà nehe.

<- ZEGAR HAW 13ZEGAR HAW 15 ->