2 ಸ್ವರ್ಗಾತ್ ಮೀ ಯೊಕ್ ಸಬ್ಪ ಐಕ್ಲಾ. ತ್ಯೊ ಪಾನ್ಯಾಚಾ ಆನಿ ತಡಾಸಾಚಾ ಆವಾಜಾ಼ಚೆಗತ್ ಹುತಾ. ಲೊಕ ಆಪ್ಲಿ ತಾರಚಿ ವಾಜ್ಪ ವಾಜಿವತ್ಯಾಚೆಗತ್ ತ್ಯೊ ಸಬ್ದ ಮನಾ ಐಕು ಆಲಾ. 3 ತಿ ಸಿಂಹಾಸನಾಚೆ ಮೊರ್ಹ ತ್ಯಾ ಚಾರ್ ಜೀವ್ ಆನಿ ಜಾಂತ್ಯಾಂಚಾಪ್ನಿ ನವ ಗೀತ್ ಮನ್ಹಿತಿತ. ಹೆ ದುನೆತ್ಲಿ ರಕ್ಷನೆ ಗೆತಲ್ಯಾಲಿ 1,44೦೦೦ ಲೊಕಾ ಸಿವಾರ್ ದುಸ್ರ್ಯಾನಾ ಸಿಕಾಯಾ ಜಾ಼ಲ್ಹನಾಹಿ.
4 ಸಗ್ಳ್ಯಾ ಮಾನ್ಸಾಚಾ ಕುಳಾತ್ನಿ ತ್ಯನಾ ಸುಟ್ನುಕ್ ಕರುನ್ ನಿವ್ಡುನ್ ಗಿಹುನ್ ದೇವಾಲಾ ಆನಿ ಮೆಂಡ್ರಾಲಾ ಪೈಲ ಫಳ್ ದಿಲ್ಯಾ. 5 ತ್ಯಂಚಾ ತೊಂಡಾತ್ನಿ ಕಾಯ್ ಲಬಾಡ್ ಆಲನಾಹಿ, ತೀ ನಿಶ್ಕಳಂಕ್ ಹುತ್ತಿತ.
8 ನಂತರ್ ದೊನ್ವಾ ದೇವ್ದುತ್ ಯವುನ್ ಪಡ್ಲಿ ಬಾಬಿಲೊನ್ ಪಡ್ಲಿ ಕಾ ಮಂಜೆ ತಿನಿ ಸಗ್ಳ್ಯಾ ರಾಶ್ಟ್ರಾನಾ ವ್ಯಬಿಚಾರಾಚಾ಼ ದರಾಕ್ಷಿಚಾ಼ ರಸ್ ಪ್ಯಾಜ ಮನ್ಹುನ್ ಸಾಂಗ್ಲ.
9 ನಂತರ್ ಪೈಲ್ಯಾ ದೊನ್ ದೇವ್ ದುತಾಂಚೆಗತ್ ತಿನವ್ಯಾ ದೇವ್ ದುತಾನಿ ಜೊ಼ರಾನಿ ಆಸ ಸಾಂಗ್ಲ ಜ಼ನಾವಾರ್ ಆನಿ ತ್ಯಚಿ ಪಾಶಾನ ವವ್ಯಾಳ್ತ್ಯಾಲ್ಯಾಲಾ ಆನಿ ಜ಼ನಾವಾರಾಚಿ ಕಪಾಳಾವ ನಾಹಿತ ಆಪ್ಲ್ಯಾ ಹಾತಾವ ವಳಕ್ ಕಿಲಿತ, 10 ತ್ಯೊ ದೇವಾಚಾ಼ ರಾಗ್ ಮಂಥ್ಯಾಲಾ ದರಾಕ್ಶಿಚಾ಼ ರಸ್ ಪಿನಾರ್. ದೇವಾಚಾ಼ ರಾಗಾಚೆ ತಾಟಿತ್ ಹ್ಯೊ ದರಾಕ್ಶಿಚಾ಼ ರಸ್ ತ್ಯಚಾ ಪುರ್ಯಾ ಬಳಾನಿ ಬನಿವ್ಲ್ಯಾ. ತ್ಯಲಾ ಪರಿಶುದ್ದ ದೇವ್ದುತ್ ಆನಿ ಮಿಂಡುರ್ ಜಾ಼ಲ್ಯಾಲ್ಯಾಚೆ ಮೊರ್ಹ ಪೇಟ್ಯಾಲ್ಯಾ ಇಸ್ಥ್ಯಾಚಾ಼ ಪಿಡಾ ಗೆನಾರ್. 11 ತ್ಯೊ ಪಿಡಾ ಮಂಥ್ಯಾಲಾ ಧುರ್ ಖಾಯಿಮ್ ವರ್ ಜಾ಼ಯಿತುಸ್ ರಾನ್ಹಾರ್ ತ್ಯ ಜ಼ನಾವಾರ್ ಆನಿ ತ್ಯಚ಼ ಪಾಶಾನ ವವ್ಯಾಳ್ತ್ಯಾಲ್ಯಾನಾ ಆನಿ ತ್ಯಚಾ ನಾವಾಚಿ ವಳಕ್ ಗಾಲ್ಹುನ್ ಗೆಥ್ಯಾಲ್ಯಾ ಲೊಕಾನಾ ರ್ಯಾತ್ ದೀಸ್ ಇಸ್ರಾಮಾ ಗಾವ್ನಾರ್ ನಾಹಿ.
12 ದೇವಾಚಿ ಲೊಕ ಥಂಡ್ ಫನಾನಿ ರಾಹ್ಯಾ ವ್ಹಯಿತ ತೀ ದೇವಾಚಾ ಆಜ್ಞಾಚೆಗತ್ ಚಾ಼ಲಾಯಾ ವ್ಹಯಿತ. ಆನಿ ಯೇಸುವ ಇಸ್ವಾಸ್ ಥೆವಾಯಾ ವ್ಹಯಿ.
13 ನಂತರ್ ಮೀ ಸ್ವರ್ಗಾತ್ ಯೊಕ್ ಆವಾಜ಼್ ಐಕ್ಲಾ ತ್ಯಾ ಆವಾಜಾ಼ನಿ ಆಸ ಸಾಂಗ್ಲ. ಹ್ಯ ಲೀವ್ ಆತಾಚೆದರ್ನಿ ಪ್ರಭುಚ಼ ಬಘತ್ ವ್ಹವುನ್ ಮರ್ತ್ಯಾಲಿ ಲೊಕ ತುಮಿ ಸಂತೊಶಾನಿ ರಾವ್ಹಾ.
14 ಮೀ ಬಗ್ಲತವಾ ಮಾನ್ಸಾಚಾ ಲೇಕಾಚೆಗತ್ ದಿಸ್ನಾರಾ ತ್ಯಾ ಪಾಂಡರ್ಯಾ ಡಘಾವ ಬಸ್ಲಾ ಹುತ್ತಾ. “ತ್ಯಚೆ ಡುಯಿವ ಸೊನ್ಯಾಚ಼ ಕಿರಿಟ ಹುತ್ತ. ಆನಿ ತ್ಯಚಾ ಹಾತಾತ್ ದಾರ್ಹಚಿ ಕುಂಗ್ಳಿ ಹುತ್ತಿ. ” 15 ತವಾ ಸ್ವರ್ಗಾತ್ನಿ ಆನಿ ಯೊಕ್ ದೇವ್ ದುತ್ ಯವುನ್. ಹ್ಯೊ ದೇವ್ದುತ್ ಡಘಾವ ಬಸ್ಲ್ಯಾಲ್ಯಾಲಾ ತುಜಿ ಕುಂಗ್ಳಿ ಗಿಹುನ್ ದರ್ಥಿವ್ಲ ಪೀಕ್ ಗೊಳಾಕರ್ ಕಾ ಮಂಜೆ ಲ್ಯಾನ್ ಜ಼ವಳ್ ಆಲೆ ದರ್ಥಿವ್ಲ ಪೀಕ್ ಕಾಪಾಯಾ ಆಲ್ಯಾ ಮನ್ಹುನ್ ಜೊ಼ರಾನಿ ಸಾಂಗ್ಲ. 16 ಮನ್ಹುನ್ ಡಘಾವ ಬಸ್ಲ್ಯಾಲ್ಯಾನಿ ಆಪ್ಲಿ ಕುಂಗ್ಳಿ ದರ್ಥಿವ ಟ್ಯಾಕ್ಲಿ. ತವಾ ದರ್ಥಿವ್ಲ ಪೀಕ್ ಕ್ಯಾಪ್ಲ.
17 ನಂತರ್ ಆನಿ ಯೊಕ್ ದೇವ್ದುತ್ ಸ್ವರ್ಗಾಚಾ ದೇವ್ಳಾತ್ನಿ ಬಾಹಿರ್ ಯವುನ್ ತ್ಯಾ ದೇವ್ದುತಾಪಬಿ ದಾರ್ಹಚ಼ ಖುರ್ಪ ಹುತ್ತ.
18 ನಂತರ್ ಆನಿಯೊಕ್ ದೇವ್ದುತ್ ಯಜ್ಞವೇದಿಪ್ನಿ ಆಲಾ ತ್ಯಲಾ ಇಸ್ಥ್ಯಾವ ಹುಕುಮ್ ಹುತ್ತಾ, “ತ್ಯನಿ ದಾರ್ಹಚ಼ ಖುರ್ಪ ಆಸ್ಲ್ಯಾಲ್ಯಾ ದೇವ್ದುತಾಲಾ ಹಾಕಟ್ಲಾ. ತುಜ಼ ದಾರ್ಹಚ಼ ಖುರ್ಪ ಗಿಹುನ್ ದರ್ಥಿವ್ಲ ದರಾಕ್ಶಿಚಾ ಮಳ್ಯಾತ್ನಿ ದರಾಕ್ಶಿಚ಼ ಘಸ್ ಗೊಳಾಕರ್. ದರ್ಥಿವ್ಲ್ಯಾ ದರಾಕ್ಷಿ ಸಗ್ಳ್ಯಾ ಕಾಪಾಯಾ ಆಲ್ಯಾತಾ” ಮನ್ಹುನ್ ಜೊ಼ರಾನಿ ವರ್ಡುನ್ ಸಾಂಗ್ಲ. 19 ತವಾ ತ್ಯಾ ದೇವ್ದುತಾನಿ ಆಪ್ಲ ಖುರ್ಪ ಜಿಮ್ನಿವ ಟಾಕುನ್ ದರಾಕ್ಷಿ ಸಗ್ಳ್ಯಾ ಗೊಳಾ ಕರುನ್ ದೇವಾಚಾ಼ ಮೊಟಾ ರಾಗ್ ಮಂಥ್ಯಾಲ್ಯಾ ಖಢ್ಯಾತ್ ಟ್ಯಾಕ್ಲಾ. 20 ತ್ಯೊ ದರಾಕ್ಷಿಚಾ಼ ಖಢಾ ನಗರಾಚೆ ಬಾಹಿರ್ ಹುತ್ತಾ ತ್ಯೊ ತುಡಿವ್ಲಾತವಾ ತ್ಯಾತ್ನಿ ರಗಾತ್ ಆಲ ತ್ಯ ವಾರ್ವಾಂಚಾ ಡುಯಿಯವ್ಡ ವರ್ ಚ಼ಡುನ್ ದೊನ್ಸೆ ಮೈಲ್ ದುರ್ ವ್ಹಾವ್ಲ.
<- ದರ್ಶಾನ್ 13ದರ್ಶಾನ್ 15 ->