1 ಕ್ರಿಸ್ತಾಪ್ನಿ ಉಮೇದ್, ಮಾಯೆಚ಼ ಸಮಜಾವ್ನ, ಪವಿತ್ರಾತ್ಮಾಚಿ ಯಕಿ, ಕನಿಕರಾ, ಗಾವ್ಹಾಚಿ ಜಾ಼ಲ್ಯಾವ 2 ತುಮಿ ಸಗ್ಳಿ ಯಕಾ ಮನಾನಿ, ಯಕ ಮಾಯೆನಿ, ಯಕ ಬಾವ್ನಾನಿ ಆಸ್‌ಲ್ಯಾಲಿ ರಾಹುನ್ ಆನಿ ಯೆಕುಸ್ ಮುಜ಼ರಾ ಥಿವುನ್ ಮಾಜಿ ಹಾವುಸ್ ಪುರಾ ಕರಾ. 3 ಆನಿ ಇರೊದಾನಿ ನಾಹಿತ ಫಕಳ್ಯಾಫನಾನಿ ಕಾಯೇಕ್ ಕರಾಚೆ ಆಂದಿ ಪರತೇಕ್ ಯೊಕ್ ನ್ಹಾನ್ ವ್ಹವುನ್ ಆನಿ ಯಕಾಲಾ ಆಪ್ಲಿವ್ನಿ ಮೊಟಾ ಮನ್ಹುನಿ. 4 ತುಮ್ಚಾತ್‌ಲ್ಯಾ ಪರತೇಕ್ ಯಕಾನಿ ಸ್ವತಾ ಆಪ್ಲಿ ತ್ಯವ್ಡಿಸ್ ನವ್ಹ ಆಂದಿ ದುಸ್‌ರ‍್ಯಾಂಚಿಬಿ ಚಿಂತಾ ಕರುನಿ. 5 ಕ್ರಿಸ್ತ ಯೇಸುಪ ಆಸ್‌ಲ್ಯಾಲ ಮನ್ ತುಮ್ಚಿಪಬಿ ರಾಹುನಿ.

6 ತ್ಯೊ ದೇವಾಸಾರಾ ಆಸ್ಲಾತರಿ ದೇವಾಚೆ ಸರೊಸರ್ ರಾನ್ಹಾರಿ ಮುಟಿ ಪದ್ವಿ ಸುಡಿತ್ನಾಹಿ ಮನ್ಹುನ್ ಯವಜಾ಼ಚೆ ಆಂದಿ,

7 ಆಪ್‌ಲ್ಯಾಲಾ ರಿಕ್ಕಾಮಾ ಕರುನ್ ಸೇವಕಾಚ಼ ರುಪ್ ಗಿಹುನ್ ಮಾನ್ಸಾಚೆಗತ್ ಜಾ಼ಲ್ಹಾ. ಮಾನ್ಸಾಚಾ ಆವ್ತಾರಾತ್ ದಿಸ್ಲಾ.

8 ತ್ಯನಿ ಆಪ್‌ಲ್ಯಾಲಾ ಖಾಲ್ ಕರುನ್ ಮರಾನ್ ಮಂಜೆ ಶಿಲುಬೆಚ಼ ಮರಾನ್ ಗಿಹಿಸಾರ ವಿಧೆಯ್ ಜಾ಼ಲ್ಹಾ.

9 ಹ್ಯಾ ಕಾರ್ನಾನಿ ದೇವಾನಿ ತ್ಯಲಾ ಸಗ್‌ಳ್ಯಾತ್ ಮೊಟ್ಯಾ ಜಾ಼ಗ್ಯಾವ ಚ಼ಡುವುನ್, ಸಗ್‌ಳ್ಯಾ ನಾವಾವ್ನಿ ಚಾ಼ಂಗ್ಲ ಜಾ಼ಲ್ಯಾಲ ನಾವ್ ತ್ಯಲಾ ದಿಲ.

10 ಮನ್ಹುನ್ ಸ್ವರ್ಗಾತ್ ದರ್ಥಿವ ಆನಿ ಪಾತಾಳಾತ್ ಆಸ್‌ಲ್ಯಾಲಿ ಸಗ್ಳಿ ಯೇಸುಚಾ ನಾವಾನಿ ನಡ್ಗ ಗಾಲ್ನಾರ್ ,

11 ಬಾ ಜಾ಼ಲ್ಯಾಲ್ಯಾ ದೇವಾಚೆ ಮೈಮೆ ಸಾಟಿ ಪರತೇಕ್ ಯೊಕ ಆಪಲ್ಯಾ ತೊಂಡಾನಿ ಯೇಸು ಕ್ರಿಸ್ತುಸ್ ಪ್ರಭು ಮನ್ಹುನ್ ಕಬುಲ್ ವ್ಹನಾರ್.

12 ಆಸ ಆಸ್ಥಾನಾ ಮಾಜೆ ಮಾಯೆಚಾನು, ತುಮಿ ಮಾಜಾ ಸಾಂಗ್‌ನ್ಯಾ ಸಾರಿ ಚಾ಼ಲ್ಯಾಸಾ ತಸಿಸ್ ಆತಾಬಿ ಚಾ಼ಲಾ. ಮಿ ತುಮ್ಚಿಪ ಆಸ್ಥಾನಾ ತ್ಯವ್ಡಸ್ ನವ್ಹ ಮಿ ನಸ್ಥಾನಾಬಿ ಖುಬ್ ಮನಾಚಾ ಭ್ಯಾನಿ ವಾಡತ್ ತುಮ್ಚಿ ತುಮ್ಚಿ ರಕ್ಷೆನ್ ಸಾದುನ್ ಗೆವ್ಹಾ. 13 ಕಾ ಮಂಜೆ ದೇವಾನಿಸ್ ಆಪ್‌ಲ್ಯಾ ಮನಾಚೆಗತ್ ಕರಾಯಾ ವ್ಹಯಿ ಮನ್ಹುನ್ ತುಮ್ಚಿಪ ಉದ್ದೆಶ್ ಆನಿ ಯತ್ನ ಕೆಲ್ಯಾಲಾ ಜಾ಼ಲ್ಯಾ.

14 ಟುರ್ಟುರಾಚೆ ಆಂದಿ ವಾದ್ ವಿವಾದ್ ನಸ್ಥಾನಾ ಸಗ್ಳ ಕರಾ. 15 ಆಸಿ ತುಮಿ ಚು಼ಕ್ ಕೆಲ್ಯಾ ನಸ್‌ಲ್ಯಾಲಿ ಆನಿ ಖರ ಮನ್ ಆಸ್‌ಲ್ಯಾಲಿ ವ್ಹವುನ್ ವಾಕ್ಡಿ ಬುದ್ ಆಸ್‌ಲ್ಯಾಲೆ ಮುರ್ಖ ಜಾ಼ತಿಚೆ ಮದ್ದಿ ಕಳಂಕ್ ನಸ್‌ಲ್ಯಾಲಿ ದೇವಾಚಿ ಪೊರ ವ್ಹನಾರ್. [a] 16 ಹ್ಯಂಚಾತ್ ತುಮಿ ಸಗ್‌ಳ್ಯಾನಾ ಜೀವಾಚಾ ವಾಕ್ಯಾ ದ್ಯಾವ್‌ತ್ಯಾಲಿ ವ್ಹವುನ್, ದುನೆತ್ ಚ಼ಮಕತ್ಯಾಲ್ಯಾ ಚಾನ್ಯಾಂಚೆಗತ್ ದಿಸ್ತಾಸಾ. ತುಮಿ ಆಸಿ ಚಾ಼ಲ್ಲಾಸಾತ ಮಿ ಬರೆ ಖಬರಿಸಾಟಿ ಪಳಾಲ್ಯಾಲೊ ಉಗಸ್ ನವ್ಹ, ಮಿ ತರಾಸ್ ಖಾಲ್ಯಾಲಾ ಉಗಸ್ ನವ್ಹ ಮನ್ಯಾಚ಼ ವವ್ಯಾಳ್ನ ಕ್ರಿಸ್ತಾಚಾ ದಿಸಾತ್ ಮನಾ ಗಾವ್ನಾರ್.

17 ತುಮಚಾ಼ ಇಸ್ವಾಸ್ ಮಂಥ್ಯಾಲಾ ಯಜ್ಞ ದೇವಾಲಾ ದಿತ್ಯಾಲೆ ಸೆವೆತ್ ಮಿಸ್ ಪಾನದ್ರವ್ಯ ವ್ಹವುನ್ ಅರ್ಪನ್ ವ್ಹಯಾವ್ಹಯಿ ಜಾ಼ಲ್ಹತರಿ ಮನಾ ಸಂತೊಶ್ ಹಾ, ತುಮ್ಚೆ ಸಗ್‌ಳ್ಯಾಂಚೆ ಸಂಗ ಸಂತೊಶ್ ವ್ಹತ್ತೊ. 18 ತಸಿಸ್ ತುಮಿಬಿ ಸಂತೊಶ್ ವ್ಹವಾ, ಮಾಜಿ ಸಂಗಬಿ ಸಂತೊಶ್ ವ್ಹವಾ.

19 ಫನ್ ಮಿ ತಿಮೊಥೆಲಾ ಬಿಗಿನಿ ತುಮ್ಚಿಪ ಲಾವುನ್ ದಿಯಾ ವ್ಹಯಿ ಮನ್ಹುನ್ ಪ್ರಭು ಜಾ಼ಲ್ಯಾಲ್ಯಾ ಯೇಸುಪ ಆಶಾ ಕರ್ತೊ. ತ್ಯಚಿಸ್ ಲಾಗುನುಸ್ ತುಮ್ಚಾ ಖನ್ಕತಿ ಸಮಜು಼ನ್ ಮಿಬಿ ಉಮೇದ್ ಗೆನ್ಹಾರ್. 20 ತ್ಯಂಚಿಗತ್ ತುಮ್ಚೆ ಚಾ಼ಂಗ್ಲೆ ಗುಶ್ಟಿತ್ ಉಗಡಲ್ಯಾಲ್ಯಾ ಮನಾನಿ ಯವಸ್‌ತ್ಯಾಚೆಗತ್ ಮಾಜೆ ಸಂಗ ಆನಿ ಕೊನ್ ನಾಹಿ. 21 ಬಾಕಿಚಿ ಸಗ್ಳಿ ಸ್ವತಾಚಾ ಕಾಮಾವಸ್ ಮನ್ ಥೆವ್‌ತ್ಯಾತ ಖರ ಯೇಸು ಕ್ರಿಸ್ತಾಚಾ ಕಾಮಾವ ಮನ್ ಥಿವಿತ್ನಾಹಿತ. 22 ಫನ್ ತಿಮೊಥೆ ಕ್ಯವ್ಡಾ ಚಾ಼ಂಗ್ಲಾ ಮನ್ಹುನ್ ತುಮಾನಾ ಠಾವಾ ಹಾ. ಲ್ಯೊಕ್ ಬಾಲಾ ಕಸಾ ತಸಾಸ್ ತ್ಯನಿ ಮಾಜಿ ಸಂಗ ಬರಿ ಖಬರ್ ಸಾಂಗಾಯಾ ಸಾಟಿ ಸೇವಾ ಕೆಲೆ ಮನ್ಹುನ್ ತುಮಾನಾ ಠಾವ ಹಾ. 23 ಮನ್ಹುನ್ ಮಾಜೆ ಗುಶ್ಟಿತ್ ಕಸ ವ್ಹಯಾಚ಼ ತ್ಯ ಸಮಾಜ಼ಲ್ಯಾ ಬರ್ಬರ್ ತ್ಯಲಾ ಲಾವುನ್ ದಿಯಾ ಮನ್ ಕರ್ತೊ. 24 ಯವ್ಡಸ್ ನವ್ಹ ಮಿ ಸಾಹಿತ್ ಬಿಗಿನಿ ಯನಾರ್ ಮನ್ಹುನ್ ಪ್ರಭುವ ಘಟ್ ಇಸ್ವಾಸ್ ಹಾ.

25 ಮಾಜಿ ಗರಾಜ಼್ ಕಾಡಾಯಾ ತುಮಿ ಲಾವುನ್ ದಿಲ್ಯಾಲಾ, ಮಾಜಾ಼ ಬಾಹು, ಸಂಗಚಾ಼ ಸೇವಕ್ ಜಾ಼ಲ್ಯಾಲಾ ಎಪೊಪ್ರೊದೀತಲಾ ತುಮ್ಚಿಪ ಲಾವುನ್ ದಿಯಾಚ಼ ಅವಶ ಹಾ. 26 ತ್ಯನಿ ತುಮ್ಚೆ ಸಗ್‌ಳ್ಯಾಂಚೆ ಗುಶ್ಟಿತ್ ಆಶಾ ಆನಿ ಆಪ್ನು ಬರಾ ನಸ್‌ಲ್ಯಾಲಿ ಬಾತ್ನಿ ತುಮಿ ಐಕ್ಲಿಸಾ ಮನ್ಹುನ್ ತ್ಯಲಾ ಹುರ್ವುರಾ ಲಾಗುನ್ ಚಿಂತನಿ ಠಕ್ಲಾ.

27 ತ್ಯೊ ರೊಗ್ಡಾ ವ್ಹವುನ್ ಮರಾಯಾ ಠಕ್ಲಾ ವ್ಹತ್ತಾ ತ್ಯ ಖರಸ್, ಫನ್ ದೇವಾನಿ ತ್ಯಚಿವ ದಯಾ ದ್ಯಾವ್ಲಿ. ತ್ಯಲಾ ತ್ಯವ್ಡಸ್ ನವ್ಹ ಮನಾ ದುಖಾವ ದುಖ್ ಯವು ನಾಹಿ ಮನ್ಹುನ್ ಮಾಜಿವ ದಯಾ ದ್ಯಾವ್ಲಿ. 28 ಮನ್ಹುನ್ ತುಮಿ ತ್ಯಲಾ ಪರತ್ ಬಗುನ್ ಸಂತೊಶ್ ವ್ಹಯಾವ್ಹಯಿಸಾ ಮನ್ಹುನ್ ಮಾಜ಼ ದುಖ್ ಕಮ್ಮಿ ವ್ಹಯಾ ವ್ಹಯಿ ಮನ್ಹುನ್ ಮಿ ತ್ಯಲಾ ಖುಬ್ ಆಶಾನಿ ಲಾವುನ್ ದಿಲ್ಯಾ. 29 ತಸ ಆಸ್ಥಾನಾ ತುಮಿ ತ್ಯಲಾ ಪುರ‍್ಯಾ ಮನಾನಿ ಸಂತೊಶಾನಿ ಪ್ರಭುಚಾ ನಾವಾನಿ ಮಿಳ್ವುನ್ ಗೆವ್ಹಾ ಆನಿ ತಸ್‌ಲ್ಯಾನಾ ಮರ‍್ಯಾದ್ ದೇವಾ. 30 ಆಸ ಆಸ್ಥಾನಾ ತುಮಿಸ್ ಮನಾ ಕರಾಯಾ ವ್ಹಯಿ ಮಂಥ್ಯಾಲ್ಯಾ ಉಪ್ಕಾರಾಚೆ ಗುಶ್ಟಿತ್ ಕಮ್ಮಿ ಜಾ಼ಲ್ಯಾಲ ಪುರ ಕರಾಯಾ ತ್ಯೊ ಆತ್‌ಲ್ಯಾ ಜೀವಾಚೆ ಆಶೆಲಾ ದ್ಯಾನ್ ದಿಯಾಚೆ ಆಂದಿ ಕ್ರಿಸ್ತಾಚಾ ಕಾಮಾಸಾಟಿ ಮೆಲ್ಯಾಚೆಗತ್ ಜಾ಼ಲ್ಥಾ.

<- ಪಿಲಿಪ್ಪಿ 1ಪಿಲಿಪ್ಪಿ 3 ->