ಮಿ ಹ್ಯಾ ಸಗ್‍ಳ್ಯಾ ಗುಶ್ಟಿ ತುಮಾನಾ ಆಂದಿಸ್ ಸಾಂಗ್‌ಲ್ಯಾ ನಾಹಿತಾ ಕಾಮಂಜೆ ತವಾ ಮಿ ತುಮ್ಚೆ ಸಂಗ ಹುತ್ತೊ.

5 ಆತಾತರಿ ಮನಾ ಲಾವುನ್ ದಿಲ್ಯಾಲ್ಯಾಪ ಜಾ಼ತೊ ಖರ ತುಮ್ಚಿಪ್‌ಲ್ಯಾ ಯಕಾನಿ ತರಿ ತು ಕುಂಡ ಜಾ಼ತ್ಯೊಸ್? ಮನ್ಹುನ್ ಮನಾ ಇಚಾರ್ಲ ನಾಹಿ. 6 ಮಿ ತುಮಾನಾ ಹ್ಯಾ ಗುಶ್ಟಿ ಸಾಂಗ್‌ಲ್ಯಾ ಮನ್ಹುನ್ ತುಮ್ಚಿ ಮನ ದುಖಾನಿ ಬರ್ಲ್ಯಾತ 7 ಫನ್ ಮಿ ತುಮಾನಾ ಖರ ತ್ಯ ಸಾಂಗ್ತೊ ಮಿ ಜಾ಼ಯಾಚ಼ ತುಮ್ಚಾ ಬರ‍್ಯಾಲಾಸ್ ಕಾಮಂಜೆ ಮಿ ಜಾ಼ವುನ್ ಮಜ಼ತ್ ಕರ್ತ್ಯಾಲ್ಯಾಲಾ ತುಮ್ಚಿಪ ಲಾವುನ್ ದೆತೊ ಮಿ ಗೆಲೊ ನಾಹಿತ ಮಜ಼ತ್ ಕರ್ತ್ಯಾಲಾ ತುಮ್ಚಿಪ ಯನಾರ್ ನಾಹಿ 8 ಕವಾ ತ್ಯೊ ಯನಾರ್, ಪಾಪ್, ನಿಯತ್, ನ್ಯಾಯಿ ತೀರ್ಮಾನಾಚೆ ಗುಶ್ಟಿತ್ ದುನೆಚಾ಼ ಅನ್ಮಾನ್ ದುರ್ ಕರ್ನಾರ್. 9 ಪಾಪಾಚೆ ಗುಶ್ಟಿತ್ ತೆ ಚುಕ್‌ಲ್ಯಾತ ಕಾ ಮಂಜೆ ಮಾಜಿವ ಇಸ್ವಾಸ್ ಥೆವ್ಲಾ ನಾಹಿ. 10 ಮಿ ಬಾಪ ಜಾ಼ತ್ಯೊ ಆನಿ ತುಮಿ ಮನಾ ಖುಬ್ ಯೊಳ್ ಬಗ್ನಾರ್ ನಾಹಿಸಾ ಹ್ಯಚಿಸಾಟಿ ತೆ ನಿಯತಿಚೆ ಗುಶ್ಟಿತ್ ಚು಼ಕ್‌ಲ್ಯಾತ. 11 ನ್ಯಾಯಿನಿವ್ಡಾಚೆ ಗುಶ್ಟಿತ್ ತೇ ಚುಕ್‌ಲ್ಯಾತ ಕಾ ಮಂಜೆ ಹೆ ದುನೆಚಾ ಅಧಿಪತಿಲಾ ಆಂದಿಸ್ ನ್ಯಾಯಿ ತಿರ್ಮಾನ್ ಜಾ಼ಲ್ಯಾ.

12 ಮಿ ತುಮಾನಾ ಸಾಂಗಾಯಾ ಪಾಯ್ಜೆತ್ಯಾ ಆನಿಕ್ ಖುಬ್ ಗುಶ್ಟಿ ಹಾತ್ತಾ. ಫನ್ ಆತಾ ತ್ಯಾ ಗುಶ್ಟಿ ತುಮಾನಾ ಸೊಸ್ನಾರ್ ನಾಹಿತಾ. 13 ಫನ್ ಖರ‍್ಯಾಚ಼ ಆತ್ಮ ಆಲಕಿ ತ್ಯೊ ತುಮಾನಾ ಸಗ್ಳೆ ಗುಶ್ಟಿತ್ನಿ ಖರ‍್ಯಾತ್ ಚಾ಼ಲಿವ್ನಾರ್. ಖರ‍್ಯಾಚ಼ ಆತ್ಮ ಸಾಂಗ್‌ತ್ಯಾಲ ಆಪ್‌ಲ್ಯಾ ಸ್ವತಾಚಾ ಬೊಲ್ಯಾ ನವ್ಹತಾ ಆಪ್ನು ಐಕ್‌ಲ್ಯಾಲ ತ್ಯವ್ಡಸ್ ತ್ಯೊ ಸಾಂಗ್ತೊ ವ್ಹತ್ಯಾಲ್ಯಾ ಗುಶ್ಟಿತ್ ತ್ಯೊ ತುಮಾನಾ ಸಾಂಗ್ನಾರ್. 14 ಮಿ ಸಾಂಗಲ್ಯಾಲ್ಯಾ ಗುಶ್ಟಿ ಗಿಹುನ್ ತುಮಾನಾ ಸಾಂಗ್‌ತ್ಯಾಲಾಸ್ ಮನಾ ಮೈಮಾ ಕರ್ನಾರ್. 15 ಮಾಜಾ ಬಾಪ ಆಸ್‌ಲ್ಯಾಲ ಸಗ್ಳ ಮಾಜ಼ಸ್ ಮನ್ಹುನ್ ಪವಿತ್ರಾತ್ಮ ಮಾಜಿಪ್‌ಲ್ಯಾ ಗುಶ್ಟಿ ಗಿಹುನ್ ತುಮಾನಾ ಸಾಂಗ್ನಾರ್.

16 ಥೊಡಾ ಯೊಳ್ ಜಾ಼ಲ್ಯಾನಂತರ್ ತುಮಿ ಮನಾ ಬಗ್ನಾರ್ ನಾಹಿಸಾ ತ್ಯಾ ನಂತರ್ ಥೊಡದೀಸ್ ಜಾ಼ಲ್ಯಾವ ತುಮಿ ಮನಾ ಆನಿಕ್ ಬಗ್ನಾರ್

17 ಶಿಶಾತ್ಲ ಥೊಡ ಥೊಡ್ಯಾಯಳಾ ನಂತರ್ ತುಮಿ ಮನಾ ಬಗ್ನಾರ್ನಾಹಿಸಾ ಫನ್ ತ್ಯಾ ನಂತರ್ ಥೊಡ್ಯಾಯಳಾ ನಂತರ್ ಆನಿಕ್ ಬಗ್ನಾರ್ ಕಾಮಂಜೆ ಮಿ ಬಾಪ ಜಾ಼ತ್ಯೊ ಮನ್ಹುನ್ ತ್ಯನಿ ಸಾಂಗ್‌ಲ್ಯಾಲ ಅರ್ಥ ಕ್ಯಾ? ಮನ್ಹುನ್ ಯಕಾಮಕಾಲಾ ಬುಲುನ್ ಗೆತ್ಲ 18 ತ್ಯಂಚಾನಿ ಇಚಾರ್ಲ, “ಥೊಡಾ ಯೊಳ್ ಮಂಜೆ ಕ್ಯಾ? ತ್ಯಚ಼ ಬೊಲ್ನಸ್ ಆಮಾನಾ ಸಮಾಜ಼್ಲ ನಾಹಿ.

19 ಶಿಶಾ ಹ್ಯಚ಼ ಆಪ್‌ಲ್ಯಾಲಾಸ್ ಇಚಾರಾಚ಼ ಹಾತ್ತ ಮನ್ಹುನ್ ಯೇಸುಲಾ ಸಮಾಜ಼್ಲ ಹುತ್ತ ಮನ್ಹುನ್ ತ್ಯನಿ ಥೊಡಾ ಯೊಳ್ ಜಾ಼ಲ್ಯಾ ನಂತರ್ ತುಮಿ ಮನಾ ಬಗ್ನಾರ್ ನಾಹಿಸಾ ಫನ್ ತ್ಯಾ ನಂತರ್ ಥೊಡಾಯೋಳ್ ಜಾ಼ಲ್ಯಾನಂತರ್ ಮನಾ ಬಗ್ನಾರ್ ಮನ್ಹುನ್ ಮಿ ಸಾಂಗ್‌ಲ್ಯಾಲ್ಯಾಚಾ಼ ಅರ್ಥ ಕ್ಯಾ ಮನ್ಹುನ್ ತುಮಿ ಯಕಾಮಕಾಲಾ ಇಚಾರ್ತ್ಯಾಸಾ? 20 ತುಮಾನಾ ಖರ‍್ಯಾನಿ ಸಾಂಗ್ತೊ. ತುಮಿ ರಡ್ನಾರ್. ಕಳ್ವಳ್ನಾರ್ ದುಖ್ ವ್ಹನಾರ್ ಆನಿ ತುಮ್ಚ ದುಖ್ ಜಾ಼ವುನ್ ಸಂತೊಶ್ ವ್ಹನಾರ್. 21 ಗರ್ವಾರ್ ಬಾಯಿಲ್ ಮಾನುಸ್ ಬಾಳತ್ ಫನಾಚ಼ ಯಾಗ್ ಯತಾನಾ ತಿಲಾ ತರಾಸ್ ವ್ಹತ್ತೊ. ಮುಲ್ ಜ಼ಲಾಮ್ಲಕಿ ದುನೆತ್ ಯಾಕ್ ಮುಲ್ ಜ಼ಲಾಮ್‌ಲ್ಯಾಲೆ ಹೌಸನಿ ತೀ ತ್ಯೊ ತರಾಸ್ ಇಸ್ರುನ್ ಜಾ಼ತಿ. 22 ಹ್ಯ ತುಮಾನಾಬಿ ಠಾವ ಹಾ ಆತಾ ತುಮಿ ತರಾಸಾನಿ ಹಾಸಾ. ಫನ್ ತುಮಿ ಮನಾ ಆನಿಕ್ ಬಗ್ತಾನಾ ಸಂತೊಶ್ ವ್ಹನಾರ್ ತ್ಯೊ ಸಂತೊಶ್ ಕೊನ್ ತುಮ್ಚಿಪ್ನಿ ಕಾಡುನ್ ಗಿಹಿತ್ನಾಹಿ.

23 ತ್ಯಾ ದಿಸಾತ್ ತುಮಿ ಮನಾ ಕಸ್ಲಿಸ್ ಪ್ರಶ್ನೆ ಇಚಾರ್ನಾರ್ ನಾಹಿಸಾ ಮಿ ತುಮಾನಾ ಖರ ಸಾಂಗ್ತೊ ತುಮಿ ಮಾಜಾ ನಾವಾನಿ ಕ್ಯಾ ಮಾಗ್ಲಸಾ ತರಿ ಬಾ ತ್ಯ ತುಮನಾ ದೇನಾರ್ 24 ತುಮಿ ಮಾಜಾ ನಾವಾನಿ ಕಾಯೇಕ್ ಮಾಗ್ಲ ನಾಹಿಸಾ ಮಾಗಾ ತವಾ ತುಮಾನಾ ಗಾವ್ನಾರ್ ಆನಿ ತುಮಚಾ಼ ಸಂತೊಶ್ ಪುರ್ನ ವ್ಹನಾರ್.

25 ಮಿ ತುಮಾನಾ ಹ್ಯಾ ಗುಶ್ಟಿ ಕ್ಯಾಯ್ನಿಚಿಗತ್ ಸಾಂಗ್‌ಲ್ಯಾ. ಫನ್ ಯೊಳ್ ಯನಾರ್ ತವಾ ಮಿ ಕ್ಯಾಯ್‌ನ್ಯಾ ದಿಯಾಚೆ ಆಂದಿ ಮಾಜಾ ಬಾಚೆ ಗುಶ್ಟಿತ್ ಉಗ್ಡುನ್ ನಿಟ್ ಸಾಂಗ್ನಾರ್. 26 ತವಾ ತುಮಿ ಮಾಜಾ ನಾವಾನಿ ಬಾಪ ಮಾಗ್ನಾರ್ ಮಿ ತುಮ್ಚಿ ಸಾಟಿ ಬಾಪ ಇಚಾರಾಚ಼ ವ್ಹಯಿ ಜಾ಼ಲ ನಾಹಿ. 27 ಬಾ ಸ್ವತಾ ಆಪ್ನು ತುಮ್ಚಿ ಮಾಯಾ ಕರ್ತೊ. ತುಮಿ ಮಾಜಿ ಮಾಯಾ ಕಿಲಿಸಾ ಮನ್ಹುನ್ ಆನಿ ಮಿ ದೇವಾಪ್ನಿ ಆಲ್ಯೊ ಮನ್ಹುನ್ ತುಮಿ ಇಸ್ವಾಸ್ ಥೆವ್‍ಲ್ಯಾಸಾ ಮನ್ಹುನ್ ತ್ಯೊ ತುಮ್ಚಿ ಮಾಯಾ ಕರ್ತೊ. 28 ಮಿ ಬಾಪ್ನಿ ಹೆ ದುನೆತ್ ಆಲೊ ಆತಾ ಮಿ ಹಿ ದುನ್ಯಾ ಸುಡುನ್ ಬಾಪ ಮಾಗಾರಾ ಜಾ಼ತ್ಯೊ ಮನ್ಹುನ್ ಸಾಂಗ್ಲ

29 ತವಾ ಶಿಶಾಂಚಾನಿ ಯೇಸುಲಾ ಆತಾ ತು ಆಮ್ಚಿ ಸಂಗ ಶಾರ್ಕ ಬೊಲ್‌ತ್ಯೊಸ್ ಸಮಜ಼ತ್ ನಸ್‌ಲ್ಯಾಲ್ಯಾ ತರಾಸಾಚಾ ಬೊಲ್ಯಾ ಬೊಲತ್ ನಾಹಿಸ್. 30 ತುಲಾ ಸಗ್‌ಳ್ಯಾ ಗುಶ್ಟಿ ಠಾವ್ಯಾ ಹಾತ್ತಾ ಮನ್ಹುನ್ ಆತಾ ಆಮಾನಾ ಸಮಾಜ಼್ಲ. ಆನಿ ತುಲಾ ಕುನಿ ಪ್ರಶ್ನೆ ಇಚಾರಾಚಿ ಗರಜ಼್ ನಾಹಿ ತು ದೇವಾಪ್ನಿ ಆಲ್ಯಾಲಾ ಮನ್ಹುನ್ ಖರ ವ್ಹತ್ತ.

31 ಯೇಸುನಿ ತ್ಯನಾ ಇಚಾರ್ಲ, “ಆತಾ ತುಮಿ ಇಸ್ವಾಸ್ ಥೆವ್ತಾಸಾ ಕ್ಯಾ? 32 ಐಕಾ ತ್ಯೊ ದೀಸ್ ಆತಾಸ್ ಆಲ್ಯಾ ತವಾ ತುಮಿ ಪರತೆಕ್‍ಜಾ಼ನ್ ಆಪ್‌ಲ್ಯಾ ಆಪ್‍ಲ್ಯಾ ಗರ‍್ಹಾತ್ನಿ ಪಳುನ್ ಜಾ಼ನಾರ್ ಆನಿ ಮಿ ಯಕ್ಲಾಸ್ ವ್ಹನಾರ್ ಖರ ಮಿ ಯಕ್ಲಾ ನವ್ಹ ಮಾಜಾ಼ ಬಾ ಮಾಜಿ ಸಂಗ ಹಾ 33 ತುಮಿ ಮಾಜಿಪ ಸಮಾದಾನಾನಿ ರಾಹ್ಯಾ ವ್ಹಯಿಸಾ ಮನ್ಹುನ್ ಮಿ ತುಮಾನಾ ಹ್ಯಾ ಸಗ್‌ಳ್ಯಾ ಗುಶ್ಟಿ ಸಾಂಗ್‌ಲ್ಯಾ ಹೆ ದುನೆತ್ ತುಮಾನಾ ತರಾಸ್ ಹಾ ಫನ್ ಧಿರ‍್ಹಾನಿ ರಾವ್ಹಾ ಮಿ ಹಿ ದುನ್ಯಾ ಜಿತಲ್ಯೊ. ಮನ್ಹುನ್ ಸಾಂಗ್ತೊ.

<- ಯೊಹಾನ್ 15ಯೊಹಾನ್ 17 ->