1 ನಂತರ್ ಥೊಡಜಾ಼ನ್ ಯುದಾಯಾತ್ನಿ ಅಂತಿಯೊಕ್ಯಾತ್ ಯವುನ್; “ತುಮಿ ಮೊಶೆಚಾ ಧರ್ಮಶಾಸ್ತಾರಾತ್ ಸಾಂಗ್‌ಲ್ಯಾಲ್ಯಾ ನೆಮಾಚೆ಼ಗತ್ ಮುಂಜಿ಼ ಕರುನ್ ಗೆತಲ್ಯಾ ನಸ್‌ಲ್ಯಾವ ತುಮಾನಾ ರಕ್ಶನ್ ವ್ಹನಾರ್ ನಾಹಿ” ಮನ್ಹುನ್ ಬಾವ್ಹಾನಾ ಸಿಕ್ವಿತ. 2 ತ್ಯಂಚಿ ಸಂಗ ಪೌಲ್ ಆನಿ ಬಾರ್ನಬಾಂಚಾ಼ ಚರ್ಚಾ ಆನಿ ಮೊಟಾ ವಾದ ಲಾಗ್ಲಾ ತವಾ ಪೌಲ್, ಬಾರ್ನಬಾ ಆನಿ ಆಪ್ಲಿಪ್ಲ ದುಸ್ರ ಥೊಡಜಾ಼ನ್ ಯೆರುಸಲೇಮಾತ್ ಆಸ್‌ಲ್ಯಾಲ್ಯಾ ಸಭೆಚಾ ಜಾಂತ್ಯಾಚಾಂಪ್ನಿ ಆನಿ ಅಪೊಸ್ತಲಾಂಚಾಪ್ನಿ ಜಾ಼ಯಾವ್ಹಯಿ ಮನ್ಹುನ್ ಬಾವ್ಹಾಂಚಾನಿ ತಿರ್ಮಾನ್ ಕೆಲಾ.

3 ಆನಿ ಸಭೆತ್‌ಲ್ಯಾಂಚಾನಿ ತ್ಯನಾ ಲಾವುನ್ ದಿಲ ತವಾ ತ್ಯೆ ಪೊಯಿನಿಕೆ ಆನಿ ಸಮಾರ‍್ಯಾ ಸೀಮಾ ವಲ್ಯಾಂಡುನ್ ಜಾ಼ತಾನಾ ಯೆಹುದಿ ನಸ್‌ಲ್ಯಾಲಿ ಪ್ರಭುಕ್ಡ ಪರಾತ್‌ಲ್ಯಾಲ್ಯಾ ಖನ್ಕತಿ ತಿತಲ್ಯಾ ಇಸ್ವಾಸಿನಾ ಉಗ್ಡುನ್ ಸಾಂಗಲ್ಯಾ ತವಾ ತ್ಯನಾ ಸಗ್‌ಳ್ಯಾನಾ ಖುಬ್ ಸಂತೊಶ್ ಜಾ಼ಲ್ಹಾ. 4 ತ್ಯೆ ಯೆರುಸಲೇಮಾತ್ ಆಲ್ಯಾ ನಂತರ್ ಸಭೆತ್ಲ ಅಪೊಸ್ತಲ್ ಸಭೆಚಾ ಜಾಂತ್ಯಾಂಚಾನಿ ತ್ಯನಾ ಮಿಳ್ವುನ್ ಗೆತಲ್ಯಾ ನಂತರ್ ದೇವಾನಿ ಆಪ್ಲಿ ಸಂಗ ರಾಹುನ್ ಕೆಲ್ಯಾಲಿ ಕಾಮ ತ್ಯನಾ ಸಾಂಗ್ಲಿತ. 5 ಫನ್ ಪರಿಸಾಯ ಧರ್ಮಾತ್ಲಿ ಯೇಸುವ ಇಸ್ವಾಸ್ ಥೆವ್‌ಲ್ಯಾಲಿ ಥುಡಿ ಉಟುನ್; “ದೇವಾಕ್ಡ ಪರಾತ್‌ಲ್ಯಾಲ್ಯಾ ಯೆಹುದಿ ನಸ್‌ಲ್ಯಾಲ್ಯಾನಾ ಮುಂಜಿ಼ ಕರಾಯಾವ್ಹಯಿ, ಆನಿ ಮೊಶೆಚಾ ಧರ್ಮಶಾಸ್ತಾರಾಚೆಗತ್ ಚಾ಼ಲಾಯಾ ತ್ಯನಾ ಆಜ್ಞೆ ದಿಯಾವ್ಹಯಿ” ಮನ್ಹುನ್ ಸಾಂಗ್‌ತ್ಯಾತ.

6 ಫನ್ ಅಪೊಸ್ತಲ್ ಸಬೆಚ಼ ಜಾಂತ ಹೆ ಗುಶ್ಟಿತ್ ಯವಜಾ಼ಯಾ ಮಿಳುನ್ ಆಲ್ಲ ತವಾ, ತ್ಯಂಚಾತ್ ಖುಬ್ ಚರ್ಚಾ ಚಾ಼ಲ್ಯಾ ನಂತರ್ ಪೇತ್ರಾ ಉಟುನ್ ತ್ಯನಾ; 7 “ಬನ್ಹಿ ಬಾವ್ಹಾನು, ದುಸರ‍್ಯಾ ಲೊಕಾಂಚಾನಿ ಮಾಜಾ ತೊಂಡಾನಿ ಬರೆ ಖಬ್ರಿಚಾ ವಾಕ್ಯಾ ಐಕುನ್ ಇಸ್ವಾಸ್ ತೆವಾಯಾವ್ಹಯಿ ಮನ್ಹುನ್ ದೇವಾನಿ ಖುಬ್ ದಿಸಾಚೆ಼ ಮಾಗ ತುಮ್ಚೆ ಮದ್ದಿ ಮನಾ ನಿವಡ್‌ಲ್ಯಾಲ ತುಮಾನಾ ಠಾವ ಹಾ. 8 ಆನಿ ಮನ್ ಸಮಜು಼ನ್ ಗೆತಲ್ಯಾಲ್ಯಾ ದೇವಾನಿ ಕಸ ಪವಿತ್ರಾತ್ಮ ಆಮಾನಾ ದಿಲ್ಯಾ ತಸಸ್ ತ್ಯನಾ ದಿವುನ್ ಸಾಕ್ಷಿ ದಿಲಿ. 9 ಯವ್ಡಸ್ ನವ್ಹ ತ್ಯೊ ಆಮಾನಾಬಿ, ತ್ಯನಾಬಿ ಕಾಯೆಕ್ ಬುರ್ಸ ಕರಾಚೆ ಆಂದಿ ತ್ಯಂಚಿ ಮನ ಇಸ್ವಾಸಾಸ್ ಲಾಗುನ್ ಚಾ಼ಂಗ್ಲಿ ಕಿಲಿತ. 10 ಆಸ ಆಸ್ಥಾನಾ ಆಮ್ಚ಼ ವಡಿಲ್ ವ್ಹವುನ್ತ, ಆಮಿವ್ಹವುನಿ ನಿಹ್ಯಾ ವ್ಹಯಿತ್ ನಸ್‌ಲ್ಯಾಲ ವಜ಼ ತುಮಿ ಇಸ್ವಾಸಿಂಚಾ ಖಾಂದ್ಯಾವ ದಿವುನ್ ದೇವಾಚಿ ಪಾರಕ್ ಕರಾಚಿ ಕಾ? 11 ಪ್ರಭು ಯೇಸು ಕ್ರಿಸ್ತಾಚೆ ಕ್ರಪಾನಿಸ್ ಆಮಿ ರಕ್ಶನ್ ಗೆನಾರ್ ಮನ್ಹುನ್ ಇಸ್ವಾಸ್ ಥೆವ್ತಾವ್ ನವ್ಹ; ತಸಸ್ ತೇ ಗೆನಾರ್” ಮನ್ಹುನ್ ಸಾಂಗ್ಲ.

12 ಜ಼ಮಲ್ಯಾಲ್ಯಾ ಸಗಳ್ಯಾಂಚಾನಿ ಹ್ಯಾ ಬೊಲ್ಯಾ ಐಕುನ್ ಗಪ್ ರಾವುನ್ ಬಾರ್ನಬ ಆನಿ ಪೌಲ್ ಆಪ್ಲಿಪ್ನಿ ದೇವಾನಿ ದುಸರ‍್ಯಾ ಲೊಕಾಂಚೆ ಮದಿ ಕೆಲ್ಯಾಲಿ ಸಗ್ಳಿ ಚಮತ್ಕಾರಾಚಿ ಕಾಮ, ಚಾ಼ಂಗ್ಲಿ ಸಗ್ಳಿ ಕಾಮ ಸಾಂಗ್‌ಲ್ಯಾಲಿ ಧ್ಯಾನ್ ದಿವುನ್ ಐಕ್ಲ. 13 ತ್ಯಂಚಾನಿ ಬೊಲ್ನ ಸಪಿವ್‌ಲ್ಯಾ ನಂತರ್ ಯಾಕೊಬಾನಿ ತೆ ಗುಶ್ಟಿಚ಼ ಸಾಂಗ್‌ಲ್ಯಾಲ ಕ್ಯಾ ಮಂಜೆ; “ಬನ್ಹಿ ಬಾವ್ಹಾನು, ಮೀ ಸಾಂಗತ್ಯಾಲ ಐಕಾ. 14 ದೇವಾನಿ ಆಂದಿ ಯೆಹುದಿ ನಸ್‌ಲ್ಯಾಲ್ಯಾನಾ ಕ್ರಪೆನಿ ಬಗುನ್ ಆಪ್‌ಲ್ಯಾ ನಾವಾಸಾಟಿ ತ್ಯಂಚಾತ್ನಿ ಯಕಾಲಾ ನಿವಡ್‌ಲ್ಯಾಲಿ ರಿತ್ ಸಿಮೆಯೊನಾನಿ ಸಾಂಗ್‍ಲ್ಯಾ ತ್ಯವ್ಡಸ್. 15 ಪ್ರವಾದಿಚಾ ಬೊಲ್ಯಾ ಸಾಹಿತ್ ಹ್ಯಲಾ ವ್ಹಯ್ ಮಂತ್ಯಾತಾ. ಕಶಾ ಮಂಜೆ ಪವಿತ್ರ ಪುತಿಕಾತ್ ಲಿವ್‌ಲ್ಯಾಚೆಗತ್;

16 “ಹ್ಯ ಜಾಲ್ಯಾ ನಂತರ್ ಮೀ ಮಾಗಾರಾ ಪರ್ತುನ್ ಯವುನ್ ದಾವೀದಾಚ಼ ರಾಜ ಪಡಲ್ಯಾಲ ಪರ್ತುನ್ ಬ್ಯಾನ್ನಾರ್. ಹಾಳ್ ಪಡ್ಯಾಲ ಬರಕರುನ್ ಶಾರ್ಕ ಬ್ಯಾನ್ನಾರ್ ಆನಿ ತ್ಯ ಘಟ್ ಕರ್ನಾರ್.

17 ಉರ್ಲ್ಯಾಲಿ ಸಗ್ಳಿ ಮಾನ್ಸಾಚಿ ಜಾತ್ ಮಾಜಿಕ್ಡ ಯಯಿಲ್ ಯೆಹುದ್ಯ ನಸ್‌ಲ್ಯಾಲ್ಯಾ ಲೊಕಾನಾ ಸಾಹಿತ್ ಹಾಕ್ಟುನ್ ಮಾಜಾ ಸ್ವತಾಚಾ ಲೊಕಾಂಚೆಗತ್ ಕರ್ನಾರ್ ಮನ್ಹುನ್ ಪ್ರಭು ಸಾಂಗ್‌ತ್ಯೊ.

18 ಪೈಲೆದರ್ನಿ ಹ್ಯೀ ಕಾಮ ಸಾಂಗುನ್ ದಿಲ್ಯಾತ, [a]

19 “ಆಸ ಆಸ್ತಾನಾ ಮಾಜ಼ ಮನ್ಹ ಕ್ಯಾ ಮಂಜೆ; ದುಸರಿ ಲೊಕಾ ದೇವಾಕ್ಡ ಪರಾತಾನಾ ತರಾಸ್ ಕರಾಚಾ಼ ನಾಹಿ. 20 ಫನ್ ಪಾಶಾನಾನಾ ಥೆವಲ್ಯಾಲಾ ನಿವದ್ ಖಾವುನಾಹಿ, ವ್ಯಭಿಚಾರ್, ಮಾನ್ ಆವಳುನ್ ಮ್ಯಾರ್ಲ್ಯಾಲ, ರಗಾತ್ ಖಾಯಾಚ಼ ನಾಹಿ ಆಸ ಆಮಿ ತ್ಯನಾ ಪತ್ರ ಲಿವುಯಾ ಮನ್ಹುನ್ ನಿರ್ದಾರ್ ಕರ್ತ್ಯಾತ. 21 ಕಾ ಮಂಜೆ ಪೈಲೆಠವ್ನಿ ಸಗ್ಳೆ ಪೆಠತ್ನಿ ಮೊಶೆಚ಼ ಧರ್ಮಶಾಸ್ತಾರಾಚ಼ ಶಿಕಿವ್‍ತ್ಯಾಲ ಹಾತ್ತ; ತ್ಯ ಪರ್ತೆಕ್ ಸಬ್ಬತ್ ದಿಸಾಸಿದಿ ಸಭಾಸ್ಥಾನಾತ್ನಿ ವಾಚಿವ್‍ತ್ಯಾತ” ಮನ್ಹುನ್ ಸಾಂಗ್ಲ.

22 ತವಾ ಅಪೊಸ್ತಲ್, ಸಬೆಚ಼ ಜಾಂತ ಸಗ್‍ಳ್ಯಾ ಸಭೆಚಾ ಹುಕ್ಮಾನಿ ಆಪ್‌ಲ್ಯಾತಲ್ಯಾ ಥೊಡ್ಯಾನಾ ನಿವ್ಡುನ್ ಪೌಲ್ ಆನಿ ಬಾರ್ನಬಾ ಸಂಗ ಅಂತಿಯೊಕ್ಯಾತ್ ಲಾವುನ್ ದಿಯಾಚ಼ ಬರ ಮನ್ಹುನ್ ನಿರ್ಧಾರ್ ಕರ್ತ್ಯಾತ. ತ್ಯಚಿಸ್ ಲಾಗುನ್ ಇಸ್ವಾಸಿಂಚಾತ್ ಫುಡಾರಿ ಜಾ಼ಲ್ಯಾಲ್ಯಾ ಬಾರ್ಸಬ್ಬ ಮಂಥ್ಯಾಲ್ಯಾ ಯುದಾಲಾ, ಸೀಲಾಲಾ ನಿವ್ಡುನ್ ಗಿಹುನ್, 23 ತ್ಯಚಾ ಹಾತಾತ್ ಲಿವುನ್ ದಿಲ್ಯಾಲ ಕ್ಯಾ ಮಂಜೆ; “ಬಾಹು, ಅಪೊಸ್ತಲ್ ಆನಿ ಜಾಂತ, ಅಂತಿಯೊಕ್ಯಾ, ಸಿರಿಯ, ಕಿಲಿಕ್ಯ ಸೀಮತ್ನಿ ರಾತ್ಯಾಲಿ ದುಸರ‍್ಯಾ ಲೊಕಾತ್ನಿ ಇಸ್ವಾಸಿ ಜಾ಼ಲ್ಯಾಲ್ಯಾನಾಬಿ ನಮಸ್ಕಾರ್; 24 “ಆಮ್ಚಿಪ್ಲ ಥೊಡಜಾ಼ನ್ ಆಮ್ಚಿ ಪರ್ವಾನ್ಗಿ ನಸ್ತಾನಾ ಆಪ್‌ಲ್ಯಾ ಬೊಲ್ಯಾಂಚಾನಿ ತುಮ್ಚಿ ಮನ ಹಾಳ್ ಕೆಲ್ಯಾಲಿ ಆನಿ ಗೊಂದೊಳ್ ಗ್ಯಾತ್‌ಲ್ಯಾಲಾ ಐಕಲ್ಯಾ ಮನ್ಹುನ್. 25 ಆಮಿ ಸಗ್ಳ ಯಕಿಕ್ಡ ವ್ಹವುನ್ ತುಮ್ಚಿಪ ಆಮ್ಚೆ ಮಾಯೆಚ಼ ಭಾಹು ಜಾ಼ಲ್ಯಾಲ ಪೌಲಾಚೆ ಆನಿ ಬಾರ್ನಬಾಚೆ ಸಂಗ ಲಾವುನ್ ದೆತ್ಯಾವ್. 26 ಆಮ್ಚೆ ಮಾಯೆಚಾ಼ ಬಾರ್ನಬ ಆನಿ ಪೌಲಾಂಚೆ ಸಂಗ ತುಮ್ಚಿಪ ಲಾವುನ್ ದಿಯಾಚ಼ ಚಾ಼ಂಗ್ಲ ಮನ್ಹುನ್ ಆಮಿ ಥೊಡ್ಯಾನಾ ನಿವ್ಡುನ್ ಗಿಹುನ್ ಆಮಚಾ಼ ಪ್ರಭು ಜಾ಼ಲ್ಯಾಲ್ಯಾ ಯೇಸು ಕ್ರಿಸ್ತಾಚೆ ಸೆವೆತ್ ಜೀವ್ ಒಪ್ಸುನ್ ದಿಲ್ಯಾ, 27 ಮನ್ಹುನ್ ಯುದಾಲಾ, ಸೀಲಾಲಾ ಲಾವುನ್ ದೆತ್ಯಾವ್. ತ್ಯಂಚಾನಿ ಆಮಿ ಲಿವ್‌ಲ್ಯಾಲ್ಯಾ ಹ್ಯಾ ಗುಶ್ಟಿ ತೊಂಡಾನಿ ಸಾಂಗನಾರ್. 28 ತ್ಯೊ ಕಚಾ಼ ಮಂಜೆ, ಪಾಶಾನಾನಾ ಥೆವಲ್ಯಾಲಾ ನಿವದ್, ರಗಾತ್, ಮಾನ್ ಆವಳುನ್ ಮ್ಯಾರ್‌ಲ್ಯಾಲ ಜ಼ನಾವಾರ, ನಿಯತಿಚೆ ಆಡ್ವ ಕೆಲ್ಯಾಲ ಸೊಡಾಯಾ ವ್ಹಯಿ ಜಾ಼ಲ್ಯಾ 29 ಹ್ಯಚಿವ್ನಿ ಖುಬ್ ವಜ಼ ತುಮ್ಚಿವ ವಾವು ನಾಹಿ ಮನ್ಹುನ್ ಪವಿತ್ರಾತ್ಮಾಚಾ಼ ನಿರ್ದಾರ್; ತ್ಯಲಾ ಆಮಿ ವಪ್‌ಲ್ಯಾವ್ ತುಮಿ ಹೆ ನೆಮ್ ತ್ಯವ್ಡಸ್ ಗಿಹ್ಯಾ ವ್ಹಯಿಸಾ. ತುಮಾನಾ ಚಾ಼ಂಗ್ಲ ವ್ಹನಾರ್. ಬರ ವ್ಹವುನಿ.

30 ಆಸ ತ್ಯಂಚಾನಿ ಪರ್ವಾನ್ಕಿ ಗಿಹುನ್ ಅಂತಿಯೊಕ್ಯಾತ್ ಯವುನ್ ಸಬೆ ಮಿಳ್ವುನ್ ತ್ಯ ಪತ್ರ ತ್ಯಂಚಿಪ ದಿಲ. 31 ಲೊಕಾಂಚೆ ಮೊರ‍್ಹ ಜೊ಼ರಾನಿ ವಾಚ್ವು಼ನ್ ಆನಿ ತ್ಯಾತ್ ಆಸ್‌ಲ್ಯಾಲ ಉಮೆದಿಚಾ಼ ಸಂದೆಶ್ ಐಕುನ್ ದಿರಾನಿ ಆನಂದ್ ಜಾ಼ಲ್ಹ. 32 ಯುದ್, ಸೀಲ್ ಆಪ್ನುಸ್ ಪ್ರವಾದಿ ಜಾ಼ಲ್ತ ಮನ್ಹುನ್ ಬಾವ್ಹಾನಾ ಖುಬ್ ಬೊಲ್ಯಾಂಚಾನಿ ಧೀರ್ ಆನಿ ಬಳ್ ದಿವುನ್ ಘಟ್ಕೆಲಾ. 33 ತಿಥ ಥೊಡ ದಿಸ್ ಗೆಲ್ಯಾನಂತರ್ ಆಪ್‌ಲ್ಯಾನಾ ಲಾವುನ್ ದಿಲ್ಯಾಲ್ಯಾಚಾಂಪ್ನಿ ಪರ್ತುನ್ ಜಾ಼ಯಾ ಇಸ್ವಾಸಿಚಾಂಪ್ನಿ ಪರ್ವಾನ್ಕಿ ಗೆತ್ಯಾತ. 34 ಫನ್ ಸೀಲಾಲಾ ತಿಥಸ್ ರಾಹ್ಯಾಚ಼ ಚಾ಼ಂಗ್ಲ ವಾಟ್ಲ[b].

35 ಫನ್ ಪೌಲ್ ಆನಿ ಬಾರ್ನಬಾ ಅಂತಿಯೊಕ್ಯಾತುಸ್ ರಾಹುನ್ ದುಸ್‌ರ‍್ಯಾನಾ ಸಿಕ್ವಿತ್ ಪ್ರಭುಚ಼ ವಾಕ್ಯಾ ಮಂತ್ಯಾಲಿ ಬರಿ ಖಬರ್ ಸಾಂಗಿತ್ ಹುತ.

36 ಥೊಡ ದಿಸ್ ಜಾ಼ಲ್ಯಾ ನಂತರ್ ಪೌಲ್ ಬಾರ್ನಬಾಲಾ; “ಆಮಿ ಪ್ರಭುಚಿ ವಾಕ್ಯಾ ಸಾಂಗ್‌ಲ್ಯಾಲ್ಯಾ ಸಗ್‌ಳ್ಯಾ ಗಾವಾತ್ನಿ ಪರ್ತುನ್ ಜಾ಼ವುನ್ ತಿತ್ಲಿ ಇಸ್ವಾಸಿ ಕಸ ಹಾತ ಮನ್ಹುನ್ ಬಗುಯಾ ಯೆ” ಮನ್ಹುನ್ ಸಾಂಗ್ತೊ. 37 ತ್ಯಲಾ ಬಾರ್ನಬಾ ಮಾರ್ಕ್ ಮನ್ಹುನ್ ಗೆತ್ಯಾಲ್ಯಾ ಯೊಹಾನಾಲಾ 38 ಆಪ್ಲಿ ಸಂಗ ಹಾಕ್ಟುನ್ ಗಿಹುನ್ ಜಾ಼ವುಯಾ ಮಂತಾನಾ ಪೌಲ್; ಆಮ್ಚಿ ಸಂಗ ಸೇವೆಲಾ ಯಯಾಚೆ ಆಂದಿ ಪಂಪುಲ್ಯಾತ್ ಆಮಾನಾ ಸುಡುನ್ ಗೆಲ್ಯಾಲ್ಯಾಲಾ ಹಾಕ್ಟುನ್ ನಿಹ್ಯಾಚಾ಼ ಶಾರ್ಕ ನವ್ಹ ಮನ್ಹುನ್ ಯವಜ಼್ಲ. 39 ಹ್ಯೆ ಗುಸ್ಟಿತ್ ಖುಬ್ ವಾದ್ ವ್ಹವುನ್ ತೆ ಯಗ್ಳ ಜಾ಼ಲ್ಹ. ಬಾರ್ನಬಾ ಮಾರ್ಕಾಲಾ ಹಾಕ್ಟುನ್ ಗಿಹುನ್ ಸಮಿಂದೊರಾಚೆ ವಾಟನಿ ಕುಪ್ರ ದ್ವೀಪಾತ್ ಗೆಲಾ. 40 ಪೌಲ್ ಸೀಲಾಲಾ ಗಿಹುನ್ ಇಸ್ವಾಸಿಂಚಾಪ್ನಿ ಪ್ರಭುಚಾ ಕ್ರಪಾಚಾ ಹಾತಾತ್ ದಿವುನ್ ತಿತ್ನಿ 41 ತ್ಯೊ ನಿಗುನ್ ಸಿರಿಯಾ ಆನಿ ಕಿಲಿಕ್ಯಾ ಸೀಮತ್ನಿ ಫಿರತ್ ಸಬೆ ಘಟ್ ಕರ್ತೊ.

<- ಅಪೊಸ್ತಲರ ಕ್ರತ್ಯ 14ಅಪೊಸ್ತಲರ ಕ್ರತ್ಯ 16 ->