1 ಪೌಲ್ ತುಮ್ಚೆ ಸಂಗ ಆಸ್ತಾನಾ ಥಂಡ್ಪನಾನಿ ವಾಗ್ತೊ ದುರ್ ಆಸ್ತಾನಾ ಆಮ್ಚೆ ಗುಸ್ಟಿತ್ ಕಡಕ್ಫನಾನಿ ವಾಗ್ನಾರಾ ಜಾ಼ಲ್ಯಾಲಾ ತ್ಯೊ ಪೌಲ್ ಮಂತ್ಯಾಲಾ ಮೀ ಕ್ರಿಸ್ತಾಚ ಥಂಡ್ ಆನಿ ಸಾಧು ಮನಾನಿ ಇನಂತಿ ಕರ್ತೊ, 2 ಕೊನ್ ಆಮಾನಾ ಲೊಕಾಚೆ಼ಗತ್ ಜೀವ್ನಾ ಕರ್ನಾರಿ ಮಂಥ್ಯಾತ ತ್ಯಂಚಿ಼ ಸಂಗ ಕಡಕ್ಪನಾನಿ ರಾಹ್ಯಾವ್ಹಯಿ ಮನ್ಹುನ್ ಮಂತ್ಯೊ. ಆಮಿ ತುಮ್ಚಿ ಸಂಗ ಆಸ್ತಾನಾ ತಸ್ಲ ಕಡಕ್ಪನ್ ದಾವಾಚಿ ಗರಜ಼್ ಯವುನಾಹಿ ಮನ್ಹುನ್ ತುಮ್ಚಿಪ ಇನಂತಿ ಕರ್ತೊ. 3 ಆಮಿ ಶರೀರಾನಿ ಆಸ್ಲಾವ್‌ತರಿ ಶರೀರಾನಿ ಲಡಾಯಿ ಕರ್ನಾರ ನವ್ಹ. 4 ಆಮಿ ವಾಪರ್ನಾರಿ ಸಾಮ್ನ ಶರೀರಾತ್ಲಿ ನವ್ಹತ. ತೀ ದೇವಾಚಾ ಲೆಕ್ಯಾತ್ ಬಳಾಚಿ ಗ್ವಾಡಿ ಪಾಡುನ್ ಗ್ಯಾಲ್ನಾರಿ ಜಾ಼ಲ್ಯಾತ. ಆಮಿ ದೇವಾಚಾ ಗಿನ್ಯಾನ್ಯಾಚೆ ಆಡ್ವ ಉಟ್ನಾರ ವಾದ್ ನಾಹಿಕರುನ್, 5 ಆನಿ ದೇವಾಚಾ ಗಿನ್ಯಾನಾಸಾಟಿ ಆಡ್ವ ವ್ಹವುನ್ ಉಠ್ಯಾಲ್ಯಾ ಘಮೆಂಡಿಚಾ ಬೊಲ್ಯಾ ಸರ್ವನಾಶ್ ಕರುನ್ ಪ್ರತೇಕ್ ಯಕ್ ಯೊಜ್ನಾ಼ತ್ ಕ್ರಿಸ್ತಾಲಾ ವಿದೆಯ್ ವ್ಹಯಾಲಾ ಕರ್ತ, 6 ತುಮಚ಼ ಐಕ್ನ ಪುರ್ನಜಾ಼ಲ್ಯಾ ನಂತರ್ ಸಗ್ಳ ಐಕ್ಲ ನಸ್‌ಲ್ಯಾಲ್ಯಾ ಸಗ್‍ಳ್ಯಾನಾ ಶಿಕ್ಷಾ ದಿಯಾ ತಯಾರ್‌ ಹಾವ್.

7 ತುಮಿ ಡೊಳ್ಯಾಮೊರ‍್ಹ ಹಾತ್ಯ ಬಗಾ. ಕೊನ್ತರಿ ಆಪ್ನು ಕ್ರಿಸ್ತಾಚಾ಼ ವ್ಹಯ್ ಮನಲ್ಯಾವ ತ್ಯನಿ ಆಪ್ನು ಕಸಾ ಕ್ರಿಸ್ತಾಚಾ಼ ತಸ ಆಮಿ ಕ್ರಿಸ್ತಾಚ಼ ಮನ್ಹುನ್ ಸಮಜು಼ನ್‌ ಗಿಹುನಿ. 8 ಆಮಾನಾ ಆಸ್‌ಲ್ಯಾಲ್ಯಾ ಹುಮ್ಕಾಚೆ ಗುಸ್ಟಿತ್ ಆಮಿ ಯೆಕ್ ಯಳಿ ಖುಬ್ ವವ್ಯಾಳತ ತಸ ವವ್ಯಾಳ್‌ತ್ಯಾಲ್ಯಾತ್ ಲಾಜ಼ತ್ನಾಹಿತ. ಫನ್ ತುಮಾನಾ ಪಾಡಾಯಾ ಸಾಟಿನವ್ಹ ಬಾಂದಾಯಾ ಸಾಟಿಸ್ ಪ್ರಭುನಿ ಹ್ಯೊ ಹುಕುಮ್ ಆಮಾನಾದಿಲ್ಯಾ. 9 ಮೀ ಪತರ‍್ಯಾನಿ ತುಮಾನಾ ಭ್ಯಾ ಗ್ಯಾಲ್ತೊ ಮನ್ಹುನ್ ಸಮಜು಼ನ್ ಗಿಹುನಕೊಸಾ. 10 ತ್ಯಚಿಪ್ನಿ ಆಲ್ಯಾಲಿ ಪತ್ರಿ ಕಟುರ್ ಆನಿ, ಕಡಕ್ ಜಾ಼ಲ್ಯಾತ. ಫನ್ ಶರೀರಾನಿ ತ್ಯ ಬಳ್ ಮೊಡಾ ತ್ಯಚಾ ಬೊಲ್ಯಾ ಐಕಾಯಾ ಬರ‍್ಯಾ ನಾಹಿತಾ ಆಸಿ ಥುಡಿಜ಼ನ ಸಾಂಗ್‌ತ್ಯಾತ ನವ್ಹ. 11 ತಸ್ಲಿ, ಆಮಿ ದುರ್ ಆಸ್ತಾನಾ ಪತರ‍್ಯಾಂಚಾನಿ ಬುಲಿಲಾ ಕಸ್ಲಿಹಾವ್ ಮನ್ಹುನ್ ಜ಼ವಳ್ ಆಸ್ತಾನಾ ಕಾಮಾತ್ ತಸ್ಲಿಸ್ ಹಾವ್ ಮನ್ಹುನ್ ಸಮಜು಼ನ್‌ ಗೆವ್ಹಾ.

12 ಆಪ್‌ಲ್ಯಾಲಾಸ್ ಆಪ್ನು ವವ್ಯಾಳುನ್ ಗೆತ್ಯಾಲ್ಯಾ ಥೊಡ್ಯಾಂಚಾತ್ನಿ ಆಮಾನಾ ಜೊ಼ಡ್ವಾಯಾ ವ್ಹವುನಿ ತ್ಯಂಚಿ಼ ಸಂಗ ಮಿಳ್ವಾಯಾ ವ್ಹವುನಿ ಮಿ ಮನ್ ಕರಿತ್ನಾಹಿ. ತೀ ತರಿ ಆಪ್ಲೆ ಆಪ್ನು ಆಪ್ಲಾ ಮಾಪ್ ಕರುನ್ ಆಪ್‌ಲ್ಯಾನಾ ಆಪ್ನು ಮಿಳ್ವುನ್ ಬುದ್ದಿ ನಸ್‌ಲ್ಯಾಲಿ ಜಾ಼ಲ್ಯಾತ. 13 ಆಮಿತರಿ ಆಮ್ಚೆ ಮರ‍್ನಾಚೆ ಬಾಹಿರ್ ವವ್ಯಾಳುನ್ ಗಿಹ್ಯಾಚೆ ಆಂದಿ ದೇವಾನಿ ಆಮಾನಾ ದ್ಯಾವಲ್ಯಾಲ್ಯಾ ಗೆರ‍್ಯಾತ್ ರಾಹುನ್ ವವ್ಯಾಳ್ತಾವ್. ಹ್ಯ ದ್ಯಾವ್‌ಲ್ಯಾಲ್ಯಾ ಗೆರ‍್ಯಾತ್ನಿ ರಾಹುನ್ ತುಮ್ಚಿ ಪರತ್ ಆಲ್ಯಾವ್. 14 ಆಮಿ ಕ್ರಿಸ್ತಾಚಿ ಬರಿ ಖಬರ್ ಸಾಂಗಿತ್ ದುಸ್‍ರ್ಯಾಂಚೆ ಆಂದಿ ತುಮ್ಚಿಪ ಆಲಾವ್ ಮನ್ಹುನ್ ತುಮ್ಚಿವ ಹುಕುಮ್ ನಸಲ್ಯಾಚೆಗತ್ ಗೆರ‍್ಹಾ ವಲ್ಯಾಂಡುನ್ ಜಾ಼ಯಿತ್ನಾಹಿ. ಕ್ರಿಸ್ತಾಚಿ ಬರಿ ಖಬರ್ ಸಾಂಗಿತ್ ಆಮಿ ತುಮ್ಚಿಪ ಆಲ್ಯಾವ್ ನವ್ಹ. 15 ಆಮಿ ಮರ‍್ಯಾದ್ ಸುಡುನ್ ಆನಿ ಯಕಾಚಾ ಕಾಮಾಚ಼ ಫಳ ಗಿಹುನ್, ಹೀ ಆಮ್ಚಿ ವವ್ಯಾಳುನ್ ಗಿಹಿತ್ನಾಹಿ. ಫನ್ ತುಮಚಾ಼ ಇಸ್ವಾಸ್ ವಾಡ್ತೊ ತವಾ ತುಮ್ಚಿಸ್ ಲಾಗುನ್ ಆಮ್ಚಾ ಕಾಮಾಚಿ ಮರ‍್ಯಾದ್ ಆನೀಕ್ ಪಗಾಳ್ತಿ. 16 ತುಮಾನಾ ಪಲಿಕ್ಲೆ ಸೀಮತ್ನಿ ಬರಿ ಖಬರ್ ಸಾಂಗ್ನಾರ್ ಮನ್ಹುನ್ ಆಶಾ ಹಾ. ಗಾಮಾನಿ ಆಮಾನಾ ಗಾವಲ್ಯಾಲ್ಯಾ ಫಳಾಚೆ಼ ಗುಸ್ಟಿತ್ ಆಮಿ ಮುಟಿ ಮನ್ಹಿತ್ನಾಹಿ.

17 ಮೊಟಾ ಮನ್ಹುನ್ ಗೆನಾರಾ ಪ್ರಭುಪಸ್ ಮೊಟಾ ಮನ್ಹುನ್ ಗಿಹುನಿ. [a] ಮನ್ಹು‍ನ್ ದರ್ಮಶಾಸ್ತಾರಾತ್ ಲಿವ್‌ಲ್ಯಾ. 18 ಆಪ್‌ಲ್ಯಾಲಾಸ್ ಆಪ್ನು ವವ್ಯಾಳುನ್ ಗೆನಾರಾ ಚಾ಼ಂಗ್ಲಾನವ್ಹ. ಪ್ರಭು ಕುನಾಲಾ ವವ್ಯಾಳ್ತೊ ತ್ಯೊಸ್ ಚಾ಼ಂಗ್ಲಾ.

<- 2 ಕೊರಿಂಥ 92 ಕೊರಿಂಥ 11 ->