1 ಮಂಡಳಿಚಾ ಜಾ಼ಂತ್ಯಾನು, ಸಂಗಚಾ಼ ಜಾಂತಾ ಜಾ಼ಲ್ಯಾಲಾ ಮೀ ಕ್ರಿಸ್ತಾಚಾ಼ ತರಾಸ್ ಡೊಳ್ಯಾನಿ ಬಗ್ಲಾ, ಹಿತ್ನಿ ಮೊರ‍್ಹ ದಿಸ್ನಾರೆ ಮೈಮೆತ್ ವಾಟದಾರ್ ವ್ಹವುನ್ ತುಮಾನಾ ಉಮೇದ್ ದಿವುನ್ ಸಾಂಗಾಚ಼ ಕ್ಯಾ ಮಂಜೆ, 2 ತುಮಚಾ ತಾಬ್ಯಾತ್ ಆಸಲ್ಯಾಲಿ ದೇವಾಚಿ ಮೆಂಡ್ರ ರಾಖಾ. ಬಳಜು಼ರಿನಿ ನವ್ಹ ದೇವಾಚಾ ಮನಾಚೆಗತ್ ಮನ್ಥಿವುನ್ , ನೀಚ಼್‍ಜಾ಼ಲ್ಯಾಲ್ಯಾ ಪೈಶಾಚೆ ಆಶೆನಿ ನವ್ಹ, ಚಾ಼ಂಗಲ್ಯಾ ಮನಾನಿ ರಾಖಾ. 3 ತುಮ್ಚಾ ತಾಬ್ಯಾತ್ ದಿಲ್ಯಾಲ್ಯಾಂಚಿವ ಹುಕುಮ್ ಚಾ಼ಲಿವತ್ಯಾಲ್ಯಾಂಚಿಗತ್ ಕರಾಚೆ ಆಂದಿ ಮೆಂಡ್ರಾನಾ ಚಾ಼ಂಗ್ಲ ಚಾ಼ಲಾ. 4 ಪ್ರದಾನ್ ಕುರ್ಬುರ್ ದಿಸ್ತಾನಾ ತುಮಿ ಕಂದಿಸ್ ವಾಳತ್ ನಸ್‍ಲ್ಯಾಲ ಮೈಮೆಚ಼ ಕಿರೀಟ್ ಗೇನಾರ್.

5 ಪ್ಯೊರ್‌ಗ್ಯಾನು, ತೇಸ್ ತರನಿ ಜಾನ್‍ತ್ಯಾಂಚ಼ ಐಕಾ. ತುಮಿ ಸಗ್ಳಿ ಗರಿಬ್ ಮನಾಚ಼ ಕಪ್ಡ ಗಾಲುನ್ ಯಕಾ ಮಕಾಚಿ಼ ಚಾ಼ಕ್ರಿ ಕರಾ. ಕಾ ಮಂಜೆ ದೇವ್ ಗರ್ವಿಂಚಾ಼ ಇರೊದ್ ಕರ್ತೊ. ಗರಿಬಾನಾತರಿ ಕ್ರಪೆ ದೆತೊ. 6 ಆಸ ಆಸ್ಥಾನಾ ದೇವಾಚಾ ಬಳಾಚಾ ಹಾತಾಚೆಕಾಲ್ ತುಮಿ ರಾವ್ಹಾ. ತ್ಯೊ ಶಾರ್ಕ್ಯಾ ದಿಸಾತ್ ತುಮಾನಾ ವರ್ ಆನಾರ್. 7 ತುಮ್ಚಿ ಕ್ಯಾಳ್ಜಿ ತ್ಯಚಿವ ಗಾಲಾ ತ್ಯೊ ತುಮ್ಚಿ ಸಾಟಿ ಕ್ಯಾಳ್ಜಿ ಕರ್ತೊ.

8 ಚಾ಼ಂಗಲ್ಯಾ ಮನಾನಿ ಜಾ಼ಗ್ರುತ್ ರಾವ್ಹಾ. ತುಮಚ಼ಾ ವಾದಿ ಜಾ಼ಲ್ಯಾಲಾ ಸೈತಾನ್ ವರಾಡ್‌ತ್ಯಾಲ್ಯಾ ಸಿಂಹಾಚೆಗತ್ ಕುನಾಲಾ ಗಿಳು ಮನ್ಹುನ್ ಸುದಿತ್ ಪಿರತ್ಯೊ. 9 ತುಮಿ ಇಸ್ವಾಸಾತ್ ಗಟ್ ರಾಹುನ್ ತ್ಯಲಾ ಭ್ಯಾ ಗಾಲಾ. ದರ್ತಿವ ಆಸ್‌ಲ್ಯಾಲ ತುಮಚ಼ ಬಾಹು ತಸ್ಲಾಸ್ ತರಾಸ್ ಖಾತ್ಯಾತ ಮನ್ಹುನ್ ತುಮಾನಾ ಠಾವ ಹಾ. 10 ಕ್ರಿಸ್ತಾಪ ತುಮಾನಾ ಆಪ್ಲೆ ಖಾಯಿಮ್ಚೆ ಮೈಮೆತ್ ಹಾಕಟ್‌ಲ್ಯಾಲೆ ಕ್ರಪೆಚಾ಼ ದೇವ್ ಆಪ್ನುಸ್, ತುಮಿ ಥೊಡಾ ಯೊಳ್ ತರಾಸ್ ಖಾಲ್ಯಾ ನಂತರ್ ತುಮಾನಾ ಕಸ್ಲೆ ಪರಸ್ಥಿತಿತ್ ಆನುನ್ ಗಟ್ ಕರ್ನಾರ್. 11 ತ್ಯಚಾ಼ ರಾಜ್ ಭಾರ್ ಕಂದಿಬಿ ರಾಹುನಿ. ತಸಸ್ ವ್ಹವುನಿ.

12 ತುಮಾನಾ ಉಮೇದ್ ದಿಯಾಲಾ ಹಿಸ್ ದೇವಾಚಿ ಖರಿ ಕ್ರಪಾ ಮನ್ಹುನ್ ಸಾಕ್ಷಿ ಸಾಂಗಾಯಾಬಿ ಮೀ ಶಾರ್ಕ ಲಿವುನ್, ಇಸ್ವಾಸಾಚಾ಼ ಬಾಹು ಮನ್ಹುನ್ ಮೀ ಮಂಥ್ಯಾಲ್ಯಾ ಸಿಲ್ವಾನಾಚಾ ಹಾತಾತ್ ಹ್ಯ ಲಾವುನ್ದಿಲ್ಯಾ. ಹೇ ಖರೆ ಕ್ರುಪೆತ್ ಉಬಿ ರಾವ್ಹಾ.

13 ದೇವಾನಿ ತುಮ್ಚಿ ಸಂಗ ನಿವಡ್‌ಲ್ಯಾಲಿ ಬಾಬಿಲೊನಾತ್ಲಿ ಮಂಡಳಿ ತುಮಾನಾ ನಮಸ್ಕಾರ್ ಕರತೆ. ಮಾಜಾ಼ ಲ್ಯೊಕ್ ಜಾ಼ಲ್ಯಾಲಾ ಮಾರ್ಕ್ ಸಾಯಿತ್ ತುಮಾನಾ ನಮಸ್ಕಾರ್ ಕರತ್ಯೊ. 14 ಮಾಯೆನಿ ಮುಕಾ ದಿವುನ್ ಯಕಾ ಮಕಾಲಾ ನಮಸ್ಕಾರ್ ಕರಾ. ಕ್ರಿಸ್ತಾಪ ಆಸ್‌ಲ್ಯಾಲ್ಯಾ ತುಮಾನಾ ಸಗ್‌ಳ್ಯಾನಾ ಸಮಾಧಾನ್ ವ್ಹವುನಿ.

<- 1 ಪೇತ್ರಾನಿ 4