13 ತುಮಾನಾ ಚಾ಼ಂಗ್ಲ ಕರಾಯಾ ಮನ್ ಆಸ್ಲತ ತುಮಾನಾ ಬುರ್ಸ ಕರ್ನಾರಾ ಕೊನ್ ಹಾ? 14 ಎಕ್ ಯಳಿ ತುಮಿ ನೀಯತಿಸ್ ಲಾಗುನ್ ತರಾಸ್ ಖಾಲ್ಯಾವ ತುಮಿ ಬರ. ತ್ಯಂಚಾ ಭ್ಯಾಲಾ ಭೀಹು ನಕೊಸಾ, ತಳ್ಮಳು ನಕೊಸಾ. 15 ಫನ್ ಕ್ರಿಸ್ತಲಾ ಪ್ರಭು ಮನ್ಹುನ್ ತುಮ್ಚಾ ಮನಾತ್ ದಾವಾ. ತುಮ್ಚಿಪ್ಲೆ ಆಶೆಲಾ ಆಧಾರ್ ಕ್ಯಾ ಮನ್ಹುನ್ ಇಚಾರ್ನಾರ‍್ಯಾನಾ ಉತ್ತರ್ ದಿಯಾ ಕವಾಬಿ ತಯಾರ್ ರಾವ್ಹಾ. ಪನ್ ತ್ಯ ಚಾ಼ಂಗಲ್ಯಾ ಮನಾನಿ ಆನಿ ಮರೆದಿನಿ ಸಾಂಗಾ. 16 ಚಾ಼ಂಗಲ್ಯಾ ಮನಾಚಿ ವ್ಹವಾ ತವಾ ಕ್ರಿಸ್ತಾಪ್ಲಿ ತುಮ್ಚೆ ಚಾ಼ಂಗ್ಲೆ ಚಾ಼ಲ್ನುಕಿಚೆ ಗುಸ್ಟಿತ್ ಬುರ್ಸ ಬೊಲ್ನಾರಿ ತುಮಾನಾ ನಿಂದಾ ಕರಾಯಾ ಲಾಜ್ನಾ಼ರ್. 17 ಬುರಶಾ ಚಾ಼ಲನ್ಯಾಚಿ ವ್ಹವುನ್ ತರಾಸ್ ಖಾಯಾಚೆ ಆಂದಿ ಚಾ಼ಂಗಲ್ಯಾ ಚಾ಼ಲನ್ಯಾಚಿ ವ್ಹವುನ್ ದೇವಾಚಾ ಮನಾ ಶಾರ್ಕಾ ತರಾಸ್ ಕಾಯಾಚಾ಼ ಬರಾ. 18 ಕ್ರಿಸ್ತ ಸಾಯಿತ್ ನಿಯತಿಚಾ಼ ವ್ಹವುನ್ ನೀಯತ್ ನಸ್‌ಲ್ಯಾಂಚೆ ಸಾಟಿ ಜೀವ್ ದಿವುನ್ ಆಮಾನಾ ದೇವಾಪ ಮೀಳ್ವಾಯಾ ಸಾಟಿ ಯಂಗ್ದಾಸ್ ಪಾಪ್ ಕಾಡುನ್ ಟಾಕಾಯಾ ತರಾಸ್ ಖಾವುನ್. ತ್ಯೊ ಶರೀರಾನಿ ಮೇಲಾ, ಆತಮ್ಯಾನಿ ಪರ್ತುನ್ ಜಿತಾಜಾ಼ಲಾ. 19 ಆನಿ ತ್ಯೊ ಆತ್‍ಮ್ಯಾಚಾ ರುಪಾನಿ ತುರಂಗಾತ್‌ಲ್ಯಾ ಆತ್‌ಮ್ಯಾಪ್ನಿ ಜಾ಼ವುನ್ ಬರಿ ಖಬರ್ ಸಾಂಗ್ತೊ. 20 ಮಂಜೆ ಪೈಲ್ಯಾ ಕಾಲಾತ್ ನೊಹಾನಿ ವ್ಹಡಿ ಬ್ಯಾಂದ್ತಾನಾ ದೇವಾನಿ ಖುಬ್ ಥಂಡ್ಪನಾನಿ ರ‍್ಯಾಕ್ಲ ತವಾ ತ್ಯಂಚಾನಿ ತ್ಯಚ಼ ಐಕ್ಲನಾಹಿ. ತೆ ವ್ಹಡಿತ್ ಆಸ್‌ಲ್ಯಾಲಿ ಆಟ್ ಲೊಕ ತ್ಯವ್ಡಿಸ್ ಪಾನ್ಯಾತ್ನಿ ರಾಯ್ಲಿತ. 21 ತ್ಯಾ ಪಾನ್ಯಾಚಾ಼ ಬಾಪ್ತಿಸ್ಮಾ ಯೇಸು ಕ್ರಿಸ್ತಾಚಾ ಪುನ್‌ರುತ್ಥಾನಾಸ್ಲಾಗುನ್ ಆತಾ ಆಮಾನಾ ರ‍್ಯಾಕ್ತ. ತ್ಯ ಆಂಗಾವ್ಲಾ ಮೋಳ್ ಗಾಲ್ನಾರ ನವ್ಹ. ಫನ್ ಚಾ಼ಂಗ್ಲಿ ಮನಾಚಿ ಸಾಕ್ಷಿ ವ್ಹಯಿ ಮನ್ಹುನ್ ದೇವಾಪ ಮಾಗಾಚ಼ ಜಾ಼ಲ್ಯಾ. 22 ತ್ಯೊ ಸ್ವರ್ಗಾತ್ ಜಾ಼ವುನ್ ದೇವಾಚೆ ಉಜ಼ವ್ಯಾಂಗ್ನಿ ಹಾ, ದೇವ್ ದುತ್, ಅಧಿಕಾರಿ ಆನಿ ಬಳ ತ್ಯಚಾ ತಾಬ್ಯಾತ್ ಹಾತ.