4 ಪಾಪ್ ಕರ್ತ್ಯಾಲಾ ಪರತೇಕ್ ಯೊಕ್ ಅಧರ್ಮ ಕರ್ತ್ಯಾಲಾ ಜಾ಼ಲ್ಯಾ; ಪಾಪ್ ಅಧರ್ಮಸ್. 5 ಪಾಪ ನಿವಾರನ್ ಕರಾಯಾ ಕ್ರಿಸ್ತ್ ಪ್ರತ್ಯಕ್ಷ ಜಾ಼ಲ್ಯಾ ಮನ್ಹುನ್ ಆನಿ ತ್ಯಚಿಪ ಪಾಪ್ ನಾಹಿ ಮನ್ಹುನ್ ತುಮಾನಾ ಠಾವ ಹಾ. 6 ತ್ಯಚಿಪ ರಾಯ್ಲ್ಯಾಲಾ ಪಾಪ್ ಕರಿತ್ನಾಹಿ; ಪಾಪ್ ಕರ್ತ್ಯಾಲ್ಯಾನಿ ತ್ಯಲಾ ಬಗ್ಲಾ ನಾಹಿ, ಸಮಾಜ಼ಲ್ಯಾಲಾಬಿ ನವ್ಹ.
7 ಮಾಯೆಚಾ ಪೊರಾನು, ಕುನಿ ತುಮನಾ ಫಸವು ನಾಹಿ. ಕ್ರಿಸ್ತ ಕಸಾ ನಿಯತಿಚಾ಼ ಹುತ್ತಾ ತಸಾಸ್ ನೀಯತಿಚೆಗತ್ ಚಾ಼ಲತ್ಯಾಲಾ ನಿಯತಿಚಾ಼ ಜಾ಼ಲ್ಯಾ. 8 ಪಾಪ್ ಕರ್ತ್ಯಾಲಾ ಸೈತಾನಾಲಾ ಸಮನ್ ಆಸ್ಲ್ಯಾಲಾ ಜಾ಼ಲ್ಯಾ. ಕಾ ಮಂಜೆ ಪೈಲೆ ದರ್ನಿ ಸೈತಾನ್ ಪಾಪ್ ಕರ್ತ್ಯಾಲಾ ಜಾ಼ಲ್ಯಾ. ಮನ್ಹುನ್ ಸೈತಾನಾಚಿ ಕಾಮ ನಾಸ್ ಕರಯಾಸಾಟಿ ದೇವಾಚಾ಼ ಲ್ಯೊಕ್ ಪ್ರತ್ಯಕ್ಷ ಜಾ಼ಲ್ಹಾ.
9 ದೇವಾಪ್ನಿ ಜ಼ಲಾಮ್ಲ್ಯಾಲಾ ಪಾಪ್ ಕರೀತ್ನಾಹಿ. ಕಾ ಮಂಜೆ ದೇವಾಚಾ಼ ಸ್ವಭಾವ್ ತ್ಯಚಿಪ ಹಾ. ತ್ಯೊ ದೇವಾಪ್ನಿ ಜ಼ಲಾಮ್ಲ್ಯಾ ಮನ್ಹುನ್ ಪಾಪ್ ಕರೀತ್ನಾಹಿ. 10 ಮನ್ಹುನ್ ದೇವಾಚಿ ಪೊರ ಕೊನ್ ಆನಿ ಸೈತಾನಾಚಿ ಪೊರ ಕೊನ್ ಮನ್ಹುನ್ ಹ್ಯಂಚಿಪ್ನಿ ಸಮಜು಼ನ್ ಯತ. ನಿಯತಿಚೆಗತ್ ಚಾ಼ಲತ್ ನಸ್ಲ್ಯಾಲಾ ಆಪ್ಲ್ಯಾ ಬಾವ್ಹಾಂಚಿ ಮಾಯಾ ಕರಿತ್ ನಸ್ನಾರ ದೇವಾಲಾ ಸಮನ್ ನಾಹಿ.
11 ಆಮಿ ಯಕಾ ಮಕಾಚಿ ಮಾಯಾ ಕರಾಯಾ ವ್ಹಯಿ ಮನ್ಹುನ್ ತುಮಿ ಆಂದಿಸ್ಟಾವ್ನಿ ಐಕ್ಲ್ಯಾಲಾ ಸಂದೆಶ್ ಜಾ಼ಲ್ಯಾ. 12 ಬುರ್ಸಾ ವ್ಹವುನ್ ಆಪ್ಲ್ಯಾ ದಾಕ್ಟ್ಯಾ ಬಾವ್ಹಾಲಾ ಮಾರುನ್ ಟ್ಯಾಕ್ಲ್ಯಾಲಾ ಕಾಯಿನಾಚೆಗತ್ ಆಮಿ ರಾಹುಯಾ ನಕೊ. ತ್ಯನಿ ಕಾ ದಾಕ್ಟ್ಯಾ ಬಾವ್ಹಾಲಾ ಮಾರುನ್ ಟ್ಯಾಕ್ಲಾ? ಆಪ್ಲಿ ಕಾಮ ಬುರ್ಸಿ ಆನಿ ತ್ಯಚಾ ದಾಕ್ಟ್ಯಾ ಬಾವ್ಹಾಚಿ ಕಾಮ ನಿಯತಿಚಿ ಜಾ಼ಲ್ಯಾತ ಮನ್ಹುನುಸ್.
13 ಮಾಜಾ ಬಾವ್ಹಾನು, ದುನೆನಿ ತುಮಚಾ಼ ರಾಗ್ ಕೆಲಾತ ತುಮಿ ಗಾಬ್ರುನಕೊಸಾ. 14 ಆಮಿ ತರಿ ಕ್ರಿಸ್ತಾಪಲ್ಯಾ ಬಾವ್ಹಾನಾ ಮಾಯಾ ಕರ್ತ್ಯಾಲ ಜಾ಼ಲ್ಯಾವ್ ಮನ್ಹುನ್ ಮರ್ನಾತ್ನಿ ಪಾರ್ ವ್ಹವುನ್ ಶಾಶ್ವತ್ ಜೀವ್ನಾತ್ ಮಿಳಾಲ್ಯಾವ್ ತ್ಯ ಆಮಾನಾ ಠಾವ ಹಾ. ಆಪ್ಲ್ಯಾ ಬಾವ್ಹಾಚಿ ಮಾಯಾ ಕರಿತ್ ನಸ್ನಾರಾ ಮರ್ನಾತುಸ್ ಹಾ. 15 ಆಪ್ಲ್ಯಾ ಬಾವ್ಹಾಚಾ಼ ರಾಗ್ ಕರ್ತ್ಯಾಲಾ ಖುನ್ಸಿ ಜಾ಼ಲ್ಯಾ. ಆನಿ ಕಚಾ ಖುನ್ಶಾಪ ಶಾಶ್ವತ್ ಜೀವ್ ನಾಹಿ ಮನ್ಹುನ್ ತುಮಾನಾ ಠಾವಹಾ. 16 ಕ್ರಿಸ್ತಾನಿ ಆಮ್ಚಿಸಾಟಿ ಆಪ್ಲಾ ಜೀವ್ ದಿಲಾ ಮನ್ಹುನ್ ದೇವಾಚಿ ಮಾಯಾ ಆಸ್ಲಿಸ್ ಮನ್ಹುನ್ ಆಮಾನಾ ಸಮಜು಼ನ್ ಆಲ್ಯಾ. ಆಮಿ ಸಾಹಿತ್ ಬಾವ್ಹಾಂಚೆ ಸಾಟಿ ಆಮಚಾ಼ ಜೀವ್ ದಿಯಾ ಹವ್ಸನಿ ಹಾವ್. 17 ಫನ್ ಹೇ ದುನೆತ್ ಸಂಪತ್ ಆಸ್ಲ್ಯಾಲಾ ಕೊನ್ತರಿ ತರಾಸಾತ್ ಆಸ್ಲ್ಯಾಲ್ಯಾ ಬಾವ್ಹಾಲಾ ಬಗುನ್ ಕನಿಕರಾ ದಾವಾಚೆ ಆಂದಿ ಶೊಡ್ಲಾತ ದೇವಾಚಿ ಮಾಯಾ ತ್ಯಚಿಪ ರಾಹ್ಯಾ ವ್ಹಯಿಲ್ ಕ್ಯಾ? 18 ಮಾಜೆ ಮಾಯೆಚಾ ಪೊರಾನು, ತುಮಿ ನಿಸ್ತೆ ಬುಲಿನಿ ವ್ಹವುನಿ, ತೊಂಡಾನಿ ಸಾಂಗ್ತ್ಯಾಲ್ಯಾನಿ ವ್ಹವುನಿ, ಮಾಯಾ ಕರ್ತ್ಯಾಲಿ ಜಾ಼ಲಾಸಾತ ಕಾಮಾನಿ ಆನಿ ಖರೆ ಮಾಯೆನಿ ಮಾಯಾ ಕರ್ತ್ಯಾಲಿ ವ್ಹವುನ್ ರಾಹ್ಯಾ ವ್ಹಯಿಸಾ.