1 ಹ್ಯಚಿ ಸಾಟಿ ಬನ್ಹಿ ಬಾವ್ಹಾನು, ಮೀತರಿ ಮನಾತ್‌ಲ್ಯಾ ಲೊಕಾಂಚೆ ಸಂಗ ಬೊಲತ್ಯಾಚೆಗತ್ ತುಮ್ಚಿಸಂಗ ಬೊಲಾಚ಼ ಸುಡುನ್ ಪರ್ಪಂಚಾತ್ಲಿ ಕ್ರಿಸ್ತಾಚೆಗುಸ್ಟಿತ್ ತಾನ್ಯಾ ಮುಲಾಶಾರ್ಕ ತುಮ್ಚಿಸಂಗ ಬೊಲಾವ್ಹಯಿಜಾ಼ಲ. 2 ತುಮಾನಾ ದುದ್‍ಪ್ಯಾಜ಼್ಲ ಘಟ್ ಆನ್ ದಿಲ ನಾಹಿ. ಘಟ್ ಆನ್ ಖಾಯಾ ತುಮಾನಾ ವ್ಹಯಿತ್ನಾಹಿ. ಆಜು಼ನ್ಬಿ ಖಾಯಾ ವ್ಹಯಿತ್ನಾಹಿ. 3 ಕಾಮಂಜೆ ತುಮಿ ಆಜು಼ನ್ ಪರ್ಪಂಚಾತ್ಲಿಹಾಸಾ. ತುಮ್ಚಿಪ ಖೊಟಫನ್ ಕಳಿ ಆಸ್ತಾನಾ, ತುಮಿ ಪರ್ಪಂಚಾತ್ಲಿವ್ಹವುನ್ ನಿಸ್ಥಿ ದುಸ್‍ರ‍್ಯಾ ಮಾನ್ಸಾಂಚಿಗತ್ ಚಾ಼ಲ್ತಾಸಾ ನವ್ಹ? 4 ತುಮ್ಚಾತ್ ಯಕ್ಲಾ, “ಮೀ ಪೌಲಾಚ಼ಾ” ಮನ್ಹುನ್, ಆನಿಯೊಕ್, “ಮೀ ಅಪೊಲೊಸಾಚಾ಼” ಮನ್ಹುನ್ ಸಾಂಗ್ತಾ ಆಸ್ತಾನಾ ತುಮಿ ಆಜು಼ನ್ ಹ್ಯಾ ಪ್ರಪಂಚಾತ್ಲಿ ನವ್ಹ ಕ್ಯಾ?

5 ತಸಜ಼ಾಲ್ಯಾವ ಅಪೊಲೊಸ್ ಕೊನ್? ಪೌಲ್ ಕೊನ್? ತ್ಯಂಚೆ ಸೆವೆಸ್ಲಾಗುನ ತುಮಿ ಕ್ರಿಸ್ತಾವ ಇಸ್ವಾಸ್ ಥೆವಲ್ಯಾಲಿ ಜಾ಼ಲಾಸಾ ಪ್ರಭುನಿ ಪರ್ತೆಕ್‍ ಯಕಾಲಾ ದಿಲ್ಯಾಶಾರ್ಕ ತೆ ಸೆವೆಕರ್ತ್ಯಾಲ ಜಾ಼ಲ್ಯಾತ. 6 ಮೀ ಆಳಲ್ಯಾವ್ಲ. ಅಪೊಲೊಸಾನಿ ಪಾನಿ ಗ್ಯಾತ್ಲ. ಫನ್ ತ್ಯಲಾ ಬಾಳಗಲ್ಯಾಲ ದೇವಾನಿಸ್. 7 ಆಸ ಆಸ್ತಾನಾ ಲ್ಯಾವ್‍ತ್ಯಾಲಾ, ಪಾನಿವತ್ಯಾಲಾ ಮೊಟಾನವ್ಹ ಬಾಳಗಲ್ಯಾಲಾ ದೇವುಸ್ ಮೊಟಾ. 8 ಲ್ಯಾವತ್ಯಾಲಾ, ಪಾನಿಗ್ಯಾಲ್‍ತ್ಯಾಲಾ ಯೆಕುಸ್ ಜಾ಼ಲ್ಯಾತ. ಫನ್ ಪರ್ತೆಕ್ ಯಕಾಲಾ ತ್ಯಚಾತ್ಯಚಾ ತರಾಸಾಶಾರ್ಕಿ ಕುಲ್ ಗಾವ್ನಾರ್. 9 ಆಮಿ ದೇವಾಚೆ ಸಂಗಚಿ ಕಾಮ್ಯಾರಿ. ತುಮಿ ದೇವಾಚ಼ ದಿವುಳ್ ಆನಿ ಶಾತ್ ಜಾ಼ಲ್ಯಾಸಾ.

10 ದೇವಾನಿ ಮನಾ ದಿಲ್ಯಾಲೆ ಕ್ರಪೆಚೆಗತ್ ಮೀ ಶಾನಾ ಚಾ಼ಂಗಲಾ ಸಿಕ್‍ಲ್ಯಾಲ್ಯಾ ಸುತಾರಾಚೆಗತ್ ಪಾಯಾ ಗ್ಯಾತ್‍ಲ್ಯಾ. ದಿಸರಾ ಯೊಕ್ ಯವುನ್ ತ್ಯಚಿವ ಭೀತ್ ಬ್ಯಾಂತೊ. ಫನ್ ಆಪ್ನು ತ್ಯಚಿವ ಕಸ ಬ್ಯಾಂತ್ಯೊ ಮನ್ಹುನ್ ಪರ್ತೆಕಾನಿ ಕ್ಯಾಳ್ಜಿನಿ ರಾಹ್ಯಾವ್ಹಯಿ. 11 ಯೇಸುಕ್ರಿಸ್ತ ಮಂತ್ಯಾಲಾ ಪಾಯಾಸುಡುನ್ ಆನಿಯೊಕ್ ಪಾಯಾ ಕೊನ್ ಗ್ಯಾಲನಾರ‍್ನಾಹಿ. [a] 12 ತ್ಯಾ ಪಾಯಾವ ಸೊನ, ಚಾ಼ಂದಿ, ಕಿಮ್ತಿಚ಼ ದೊಂಢ, ಲಾಕ್ಡ, ಗವಾತ್, ಬ್ಯಾಂಡ್ ಹ್ಯಾತಲ್ಯಾ ಕಶಾನಿ ಬ್ಯಾಂದ್ಲತರಿ, 13 ತ್ಯಚ಼ ತ್ಯಚ಼ ಕಾಮ್ ದಿಸುನ್ ಯನಾರ್. ಕ್ರಿಸ್ತ ನ್ಯಾಯಿ ನಿವ್ಡಾಯಾ ಯಯಾಚಾ಼ ದಿಸ್ ಇಸತ್ಯಾಸಂಗ ಉಗ್ವುನ್ ತ್ಯ ಕಾಮ್ ಶಾರ್ಕ ದ್ಯಾವ್ನಾರ್. ತ್ಯಚ಼ ತ್ಯಚ಼ ಕಾಮ್ ಕಸ್ಲ ಮನ್ಹುನ್ ತ್ಯೊ ಇಸ್ತು ಚಾಂಗ್ಲಿ ಪಾರಕ್ ಕರ್ನಾರ್. 14 ಯಕಾನಿ ತ್ಯಾ ಪಾಯಾವ ಘರ್ ಬ್ಯಾಂದ್‍ಲ್ಯಾಲ ರಾಯ್ಲತ ತ್ಯಲಾ ಪ್ರತಿಫಳ ಗಾವ್ನಾರ್. 15 ಯಕಾಚ಼ ಕಾಮ್ ಜ಼ಳುನ್ ಗೆಲ್ಯಾವ ತ್ಯಲಾ ಲುಕ್ಷಾನ್‍ ವ್ಹನಾರ್. ಆಪ್ಲತರಿ ರಕ್ಶನ್‍ ವ್ಹನಾರ್. ಫನ್ ಇಸತ್ಯಾತ್ನಿ ಚ಼ುಕ್ವುನ್‍ ಗೆತಲ್ಯಾಲ್ಯಾಚೆಗತ್ ರಾನ್ಹಾರ್.

16 ತುಮಿ ದೇವಾಚ಼ ದಿವುಳ್ ಜಾ಼ಲ್ಯಾಸಾ ಮನ್ಹುನ್ ದೇವ್ ತುಮ್ಚಿಪ ಹಾ ಹ್ಯ ತುಮಾನಾ ಠಾವ ನಾಹಿಕ್ಯಾ? 17 ಕಚಾನಿತರಿ ದೇವಾಚ಼ ದಿವುಳ್ ನಾಸ್ಕೆಲತ ದೇವ್ ತ್ಯಲಾ ನಾಸ್ಕರ್ನಾರ್. ಕಾಮಂಝೆ ದೇವಾಚ಼ ದಿವುಳ್ ಪವಿತ್ರಜಾ಼ಲ್ಯಾಲ ತ್ಯ ದಿವುಳ್ ತುಮಿಸ್‍ ಜಾ಼ಲ್ಯಾಸಾ.

18 ಕಚಾನಿ ಆಪಲ್ಯಾಲಾ ಆಪ್ನುಸ್ ದೊಖಾ ದಿವುನ್ ಗಿಹುನಕೊಸ್ ತುಮ್ಚಾತ್ಲಾ ಕಚಾ಼ ತರಿ ದುನೆಸ್ಲಾಗುನ್ ಶಾನಾಜಾ಼ಲ್ಯೊ ಮನ್ಹುನ್ ಸಮ್‍ಜು಼ನ್ ಗೆತ್ಲತ ತ್ಯೊ ಶಾನಾವ್ಹಯಾ “ಖುಳಾ ವ್ಹಯಾ ವ್ಹಯಿ”

19 ಕಾಮಂಝೆ ಹ್ಯಾ ಲೊಕಾಚ಼ ಗಿನ್ಯಾನ್ ದೇವಾಚೆ ಮೊರ‍್ಹ ಖುಳಾ ಜಾ಼ಲ್ಯಾ. ತ್ಯೊ ಶಾನ್ಯಾನಾ ತ್ಯಂಚೆ ಬುರ್ಸೆ ಚತ್ರಾಯಿತ್ನಿ ದರ್ನಾರ್ ಮನ್ಹುನ್ ಪವಿತ್ರ ಪುತಿಕಾತ್ ಸಾಂಗ್ತ. [b] 20 ಆನಿ ಪವಿತ್ರ ಶಾಸ್ತಾರ್ ಸಾಂಗ್ತ, “ಶಾನ್ಯಾಂಚಿ ಯವಜ್ನಾ ಫ್ಯಾಯ್ದಾನಸಲ್ಯಾಲಿ ಮನ್ಹುನ್ ಪ್ರಭು ಸಮ್ಜುನ್‍ಗೆಥೊ ಮನ್ಹುನ್” ಲಿವಲ್ಯಾನವ್ಹ[c] 21 ತ್ಯಾಸ್ ಲಾಗುನ್ ಮಾನ್ಸಾಂಚೆಗುಸ್ಟಿತ್ ಕಚಾನಿ ವವ್ಯಾಳುನ್‍ ಗಿಹುನಾಹಿ. ಕಾಮಂಝೆ ಸಗ್ಳ ತುಮ್ಚಿಸಾಟಿ ಹಾ. 22 ಪೌಲ್‍ ವ್ಹವುನಿ, ಅಪೊಲೊಸ್‍ವ್ಹವುನಿ, ಪೇತ್ರಾವ್ಹವುನಿ ದುನ್ಯಾವ್ಹವುನಿ, ಜೀವ್‍ವ್ಹವುನಿ ಮರಾನ್‍ವ್ಹವುನಿ ಆತಾಚಾ ಖನ್ಕತಿವ್ಹವುಂತಾ ಮೊರಲ್ಯಾ ಖನ್ಕತಿವ್ಹವುಂತಾ ಸಗ್ಳ ತುಮ್ಚ಼ಸ್. 23 ತುಮಿತರಿ ಕ್ರಿಸ್ತಾಚಿ, ಕ್ರಿಸ್ತ ದೇವಾಚಾ಼.

<- 1 ಕೋರಿಂಥ್ 21 ಕೋರಿಂಥ್ 4 ->