1 ಖಾಯಿಮ್ ಮಾಯೆನಿ ರಾವ್ಹಾ ಆನಿ ಪವಿತ್ರಾತಮ್ಯಾನಿ ವ್ಹನಾರಿ ವರ, ತ್ಯಾತ್ ಲ ಕರುನ್ ಪ್ರವಾದನ್ ವರಾವ ದ್ಯಾನ್ ದೇವಾ. 2 ದುಸ್ರಿ ಬಾಶಾ ಬೊಲ್ನಾರ‍್ಯಾ ದೇವಾ ಸಂಗ ಬೊಲ್ತೊ ಫನ್ ಮಾನ್ಸಾಚೆ ಸಂಗ ನವ್ಹ. ತ್ಯೊ ಆತ್‌ಮ್ಯಾನಿ ಬರುನ್ ದಡುನ್ ಆಸ್‌ಲ್ಯಾಲ್ಯಾ ಗುಶ್ಟಿಸ್ ಬೊಲ್ತೊ. ತ್ಯೊ ಬೊಲ್‌ತ್ಯಾಲ್ಯಾ ಬೊಲ್ಯಾ ಕೊನ್ ಸಮಜು಼ನ್ ಗಿಹಿತ್ ನಾಹಿತ. 3 ಫನ್ ಪ್ರವಾದನ್ ಸಾಂಗ್ನಾರಾ ತ್ಯಚಾ ಬೊಲನ್ಯಾನಿ, ಪ್ರಭುಚೆ ಭಕ್ತಿತ್ ವಾಡಾಯಾ, ಉಮೆದ್ ಸಮ್ಜಾವ್ನ ಉತ್ಪನ್ ಕರ್ತ್ಯಾತ. 4 ದುಸ್ರಿ ಬಾಶಾ ಬೊಲ್ನಾರಾ ಆಪ್‍ಲ್ಯಾಲಾಸ್ ಆಪ್ನು ಆತ್‍ಮ್ಯಾತ್ ವಾಡ್ವುನ್ ಗೆಥೊ, ಫನ್ ಪ್ರವಾದನ್ ಕರ್ನಾರಾ ಸಬೆ ವಾಡಾಯಾ ಮಜ಼ತ್ ಕರ್ತೊ.

5 ತುಮಿ ಸಗ್ಳಿ ದುಸ್ರಿ ಬಾಶಾ ಬೊಲಾಯಾ ವ್ಹಯಿಸಾ ಮನ್ಹುನ್ ಮೀ ಮನ್ ಕೆಲ ತರಿ, ತ್ಯಚಿವ್ನಿ ತುಮಿ ಪ್ರವಾದನ್ ಕರಾಯಾ ವ್ಹಯಿಸಾ ಮನ್ಹುನ್ ಮಾಜ಼ ಮನ್. ದುಸ್ರಿ ಬಾಶಾ ಬೊಲ್ನಾರಾ ಸಬೆ ವಾಡಾಯಾಸಾಟಿ ತೆ ದುಸ್ರೆ ಬಾಶೆಚಾ಼ ಅರ್ಥ ಉಗುಡುನ್ ಸಾಂಗ್ಲಾ ನಾಹಿತ ತ್ಯಚಿವ್ನಿ ಪ್ರವಾದನ್ ಕರ್ನಾರಾ ಚಾ಼ಂಗ್ಲಾ 6 ಫನ್ ಬನ್ಹಿ ಬಾವ್ಹಾನು, ಮೀ ತುಮ್ಚಿಪ ಯವುನ್ ದೇವಾನಿ ಸಾಂಗ್‌ಲ್ಯಾಲ ಸಾಂಗಾಚೆ ಆಂದಿ, ಗಿನ್ಯಾನಾಚಾ ವಾಕ್ಯಾ ಸಾಂಗಾಚೆ ಆಂದಿ, ಪ್ರವಾದನ್ ಸಾಂಗಾಚೆ ಆಂದಿ, ಶಿಕ್ಶೆನ್ ದಿಯಾಚೆ ಆಂದಿ, ದುಸ್‌ರ‍್ಯಾ ಬಾಶಾ ತ್ಯವ್‌ಡ್ಯಾಸ್ ಬೊಲ್‌ತ್ಯಾಲೊ ಜಾ಼ಲೊತ ಮಾಜಿಪ್ನಿ ತುಮಾನಾ ಕ್ಯಾ ಪ್ಯಾಯ್ದಾ ವ್ಹನಾರ್?

7 ಮುಳ್ಳಿ, ಇನಾ ಹ್ಯಾ ಜೀವ್ ನಸ್ನಾರ‍್ಯಾ ವಾಜ಼್ಪಾಂಚಾ ನಾದಾತ್ನಿ ಕಾಯ್ ಫರಕ್ ನಸ್‌ಲ್ಯಾವ; ವಾಜಿವ್‌ಲ್ಯಾಲ ವಾಜಾ಼ಪ್ ಆಮ್ಕಸ್ ಮನ್ಹುನ್ ಕಸ ಸಮಾಜ಼್ನಾರ್? 8 ತುತ್ತುರಿಚಾ಼ ನಾದ್ ಶಾರ್ಕಾ ವಳಾಕ್‌ಲ್ಯಾ ನಸ್‌ಲ್ಯಾವ ಕೊನ್ ಲಡಾಯಿಲಾ ತಯಾರ್ ವ್ಹನಾರ್? 9 ತಸಸ್ ತುಮಿಬಿ ಚಾ಼ಂಗ್ಲಿ ಬಾಶಾ ತುಮ್ಚಾ ತೊಂಡಾನಿ ಬೊಲ್ಲಾನಾಹಿಸಾತ, ತುಮ್ಚೆ ಬುಲಿಚಾ಼ ಅರ್ಥ ಕಸ ಸಮ್‌ಜು಼ನ್ ಗಿಹ್ಯಾ ವ್ಹನಾರ್? ತುಮಿ ವಾರ‍್ಯಾಸಂಗ ಬೊಲ್ಯಾಚೆಗತ್ ವ್ಹನಾರ್. 10 ದುನೆತ್ ಖುಬ್ ಬಾಶಾ ಹಾತಾ, ತ್ಯಾತ್ನಿ ಯೆಕ್ಬಿ ಅರ್ಥ ನಸ್‌ಲ್ಯಾಲಿ ನವ್ಹ. 11 ಬಾಶೆಚಾ಼ ಅರ್ಥ ಮನಾ ಸಮಾಜ಼್ಲಾ ನಾಹಿತ ಬೊಲ್ನಾರ‍್ಯಾಲಾ ಮೀ ದುಸ್ರೆ ಬಾಶೆತ್‌ಲ್ಯಾಚೆಗತ್ ರಾನ್ಹಾರ್; ಬೊಲ್ನಾರಾ ಮನಾ ದುಸ್ರೆ ಬಾಶೆತ್ಲೆಚೆಗತ್ ರಾನ್ಹಾರ್. 12 ತಸಸ್ ತುಮಿ ಆತ್ಮಿಕ್‍ ವರಾ ಸಾಟಿ ಖುಬ್ ಮನ್ ಹಾ ಮನ್ಹುನ್ ಸಬೆಲಾ ಖುಬ್ ವಾಡ್ವಾಯಾ ಖಟ್ಪಟ್ ಕರಾ.

13 ಮನ್ಹುನ್ ದುಸ್ರಿ ಬಾಶಾ ಬೊಲ್ನಾರಾ ಆಪಲ್ಯಾಲ್ಲಾ ತ್ಯಚಾ಼ ಅರ್ಥ ಉಗ್ಡುನ್ ಸಾಂಗ್‌ತ್ಯಾಲ್ಯಾ ವರಾ ಸಾಟಿ ದೇವಾಪ ಮಾಗುನಿ. 14 ಕಾ ಮಂಜೆ ಮೀ ದುಸ್ರೆ ಬಾಶೆತ್ ದೇವಾಪ ಮಾಗ್ನ ಕೆಲತ ಮಾಜ಼ ಆತ್ಮಸಾಯಿತ್ ಮಾಗ್ನ ಕರಿತ್ರಾತ. ಪನ್ ಮಾಜ಼ ಮನ್ ಫ್ಯಾಯ್ದಾ ನಸ್‌ಲ್ಯಾಲ ವ್ಹನಾರ್. 15 ಮನ್ಹುನ್ ಮೀ ತರಿ ಆತಮ್ಯಾನಿ ಮಾಗ್ನ ಕರ್ನಾರ್, ಮನಾನಿ ಮಾಗ್ನ ಕರ್ನಾರ್; ಆತಮ್ಯಾನಿ ಗಾನ ಗ್ಯಾವ್ತೊ, ಮನಾನಿಬಿ ಗಾನ ಗ್ಯಾವ್ತೊ, 16 ತು ಆತಮ್ಯಾನಿ ತ್ಯವ್ಡಸ್ ದೇವಾಲಾ ವವ್ಯಾಳಾಸ್ತ ತು ಸಾಂಗ್‌ಲ್ಯಾಲ ಸಮಾಜ಼ಲ್ಯಾ ನಸ್‌ಲ್ಯಾಲಾ ಆನಿ ಯಕಾಲಾ ತು ಕೆಲ್ಯಾಲ್ಯ ಕ್ರತಜ್ಞತಾ ಸ್ತುತಿಲಾ ತ್ಯೊ “ತಸಸ್ ವ್ಹವ್ಹುನಿ” ಮನ್ಹುನ್ ಕಸಾ ಸಾಂಗಿಲ್? ತು ಬೋಲ್ಯಾಲ ತ್ಯಲಾ ಸಮಾಜ್ನಾ಼ರ್ ನಾಹಿ ನವ್ಹ? 17 ತು ಕ್ಯವ್ಡಿ ಚಾ಼ಂಗ್ಲಿ ಕ್ರತಜ್ಞತಾ ಸ್ತುತಿ ಕಿಲಿತರಿ, ತ್ಯನಿ ದುಸ್ರಾ ಯೊಕ್ ಬಕ್ತಿತ್ ವಾಡತ್ನಾಹಿ.

18 ಮೀ ತುಮ್ಚೆ ಸಗ್‌ಳ್ಯಾವ್ನಿ ದುಸ್‌ರ‍್ಯಾ ಬಾಶಾ ಬೊಲ್ತೊ ಮನ್ಹುನ್ ದೇವಾಲಾ ವವ್ಯಾಳ್ತೊ. 19 ಸಬೆತ್ ದುಸ್ರೆ ಬಾಶೆವ್ನಿ ಧಾ ಹಾಜಾ಼ರ್ ಶಬ್ದ ಬೊಲಾಚೆಪಕ್ಷಿ, ದುಸ್‌ರ‍್ಯಾನಾ ಸಮಜ಼ಶಾರ್ಕ ಮಾಜಾ ಮನಾನಿ ಪಾಚು಼ಸ್ ಶಬ್ದ ಬೊಲಾಚ಼ ಬರ.

20 ಬನ್ಹಿ ಬಾವ್ಹಾನು, ಬಾಳಾಂಚೆಗತ್ ಯವಜು಼ ನಕೊಸಾ; ಬುರ್ಶಾಚೆ ಗುಶ್ಟಿತ್ ಮುಲಾಚೆಗತ್ ರಾವ್ಹಾ; ಮೊಟ್ಯಾಂಚೆಗತ್ ಯವಜ಼್ನಾ ಕರಾ. 21 ದುಸರ‍್ಯಾ ಬಾಶೆಂಚಿಸ್ ಲಾಗುನ್ ದುಸರೆ ದುನೆತ್‌ಲ್ಯಾಂಚಾ ತೊಂಡಾನಿ ಮೀ ಹ್ಯಾ ಲೊಕಾಂಚೆ ಸಂಗ ಬೊಲ್ನಾರ್;

ಫನ್ ತೀ ಮಾಜೆ ಬುಲಿಲಾ ಕಾನ್ ದೆನಾರ್ ನಾಹಿತ ಮನ್ಹುನ್ ಪ್ರಭು ಸಾಂಗ್ತೊ ಆಸ” ಧರ್ಮಶಾಸ್ತಾರಾತ್ ಲಿವ್‌ಲ್ಯಾ. [a] 22 ಮನ್ಹುನ್ ದುಸ್ರಿ ಬಾಶಾ ಬೊಲಾಚಿ ಯೇಸುವ ಇಸ್ವಾಸ್ ತಿವಿತ್ ನಸ್‌ಲ್ಯಾಲ್ಯಾನಾ ಸುಸ್ನಾ ಜಾ಼ಲೆ ಖರ ಯೇಸುವ ಇಸ್ವಾಸ್ ಥೆವ್‌ಲ್ಯಾಲ್ಯಾನಾ ಸುಸ್ನಾ ನವ್ಹ ಫನ್ ಪ್ರವಾದನ್ ಯೇಸುವ ಇಸ್ವಾಸ್ ಥಿವಿನಸ್‍ಲ್ಯಾಲ್ಯಾನಾ ನವ್ಹ ಇಸ್ವಾಸ್ ಥೆವ್‌ಲ್ಯಾಲ್ಯಾನಾಸ್ ಹಾ ಮನ್ಹುನ್ ಸಮಜು಼ನ್ ಗಿಹ್ಯಾ ವ್ಹಯಿ.

23 ಆಸ ಆಸ್ತಾನಾ ಸಬೆ ಸಗ್‌ಳ್ಯಾ ಯಕಿಕ್ಡ ಮಿಳಾಲ್ಯಾಕಿ ಸಗ್ಳಿ ದುಸರ‍್ಯಾ ಬೊಲ್ಯಾ ಬುಲಿತತ ಹೀ ಬುಲಿ ಸಮಾಜ಼ಲ್ಯಾ ನಸ್‌ಲ್ಯಾಲಿ ದುಸ್ರಿ ಪ್ರಭುವ ಇಸ್ವಾಸ್‍ ನಸ್‌ಲ್ಯಾಲಿ ಆತ್ ಯವುನ್ ಬಗುನ್, ತುಮಾನಾ ಖುಳ ದರ್ಲ್ಯಾ ಮನ್ಹುನ್ ಸಾಂಗ್ನಾರ್ ನಾಹಿತ ಕ್ಯಾ? 24 ಫನ್ ತುಮಿ ಸಗ್ಳಿ ಪ್ರವಾದನ್ ಕರಾಯಾ ಕ್ರಿಸ್ತಾವ ಇಸ್ವಾಸ್‍ ನಸ್‌ಲ್ಯಾಲಾ, ವಳಕ್ ನಸ್‌ಲ್ಯಾಲಾ ಆತ್ ಆಲಾತ ತ್ಯನಿ ಸಗ್‌ಳ್ಯಾಂಚಿ ಬುಲಿ ಐಕುನ್ ಆಪ್ನು ಪಾಪಿ ಮನ್ಹುನ್ ಸಮಜು಼ನ್ ಗಿಹಿಲ್, ನ್ಯಾಯಿ ತಿರ್ಮಾನ್ ಕರಿಲ್ 25 ತ್ಯಚಾ ಮನಾತ್ ಆಸ್‌ಲ್ಯಾಲ ಬಾಹಿರ್ ಪಡ್ನಾರ್; ತ್ಯೊ ಆಡ್ವಾ ಪಡುನ್ ದೇವಾಲಾ ವವ್ಯಾಳುನ್, ದೇವ್ ತುಮ್ಚಿಪ ಖರ‍್ಯಾನಿ ಹಾ ಮನ್ಹುನ್ ಸಾಂಗ್ನಾರ್.

26 ಬನ್ಹಿ ಬಾವ್ಹಾನು ಮಿ ಸಾಂಗಾಚ಼ ಕ್ಯಾ ಮಂಜೆ, ತುಮಿ ಸಬೆತ್ ಮಿಳುನ್ ಯತಾನಾ ಯಕ್ಲಾ ಗಿತ್ ಮನ್‌ತ್ಯಾಲಾ, ಯಕ್ಲಾ ಶಿಕ್ಶಾನ್ ದೆತ್ಯಾಲಾ, ಯಕ್ಲಾ ಆಪ್‌ಲ್ಯಾಲಾ ದೇವಾನಿ ದ್ಯಾವ್‌ಲ್ಯಾಲ ಸಾಂಗ್‌ತ್ಯಾಲಾ, ಆನಿ ಯಕ್ಲಾ ದುಸ್ರಿ ಬಾಶಾ ಬೊಲ್ನಾರಾ, ಯಕ್ಲಾ ತ್ಯಚಾ಼ ಅರ್ಥ ಸಾಂಗು ಸಕ್ತೊ. ತುಮಿ ಕ್ಯಾ ಕೆಲಸಾತರಿ ಸಬೆ ಬಕ್ತಿತ್ ವಾಡಸಿ ಕರಾ. 27 ದುಸ್ರಿ ಬಾಶೆ ಬೊಲಾಚಿ ಜಾ಼ಲಿತ ದೊಗ ನಾಹಿತ ಗರಜ಼್ ಆಸ್ಲಿತ ತಿಗಾವ್ನಿ ಆಗಾವ್ ನಸ್ತಾನಾ ಯಕಾ ಯಕಾನಿಸ್ ಬೊಲಾಯಾ ವ್ಹಯಿ; ಆನಿ ಯಕಾನಿ ತ್ಯಚಾ಼ ಅರ್ಥ ಸಾಂಗಾಯಾವ್ಹಯಿ. 28 ಅರ್ಥ ಸಾಗ್ನಾರಾ ನಸ್ಲಾತ ದುಸ್ರಿ ಬಾಶಾ ಬೊಲ್ನಾರಾ ಸಬೆತ್ ಗಪ್ ರಾಹುನಿ; ಆಪ್ಲೆ ಆಪ್ನು ದೇವಾ ಸಂಗ ಬುಲುನಿ. 29 ದೊಗ ತಿಗ ಪ್ರವಾದಿ ಬುಲುನ್ತ, ಬಾಕಿಚ಼ ಐಕಿತ್ ಇಚಾರ್ ಕರುಂತ. 30 ಬಸ್‌ಲ್ಯಾಲ್ಯಾ ಆನಿ ಯಕಾಲಾ ದೇವಾಚ಼ ಪ್ರಕಟನ್ ಜಾ಼ಲತ ಆಂದಿಚಾ಼ ಗಪ್ ರಾವ್ಹುನಿ 31 ತುಮಿ ಸಗಳ್ಯಾಂಚಾನಿ ಯಕಾ ಯಕಾನಿ ಪ್ರವಾದನ್ ಕಿಲಿತ ಸಗ್ಳಿ ಸಿಕ್ತಿಲ, ಸಗ್‌ಳ್ಯಾನಾ ಉಮೆದ್ ಯಯಿಲ್. 32 ಪ್ರವಾದಿಂಚಿ ಆತ್ಮ ಪ್ರವಾದಿಂಚಾ ತಾಬ್ಯಾತ್ ಆಸ್‌ತ್ಯಾತ. 33 ದೇವ್ ಸಮಾದಾನಾಲಾ ಕಾರನ್ ಜಾ಼ಲ್ಯಾ ಗಲಿಬಲಿಲಾ ಕಾರನ್ ನವ್ಹ 34 ದೇವಾಚಿ ಪೊರ ಸಗ್ಳೆ ಸಬೆತ್ ಆಸ್‌ಲ್ಯಾಚೆಗತ್ ಬ್ಯಾಯ್ಕಾಮಾನ್ಸ ಸಬೆತ್ ಗಪ್ ರಾಹ್ಯಾವ್ಹಯಿತ; ಬೊಲಾಯಾ ತ್ಯನಾ ಆವ್ಕಾಸ್ ನಾಹಿ; ತೀ ಸಾಂಗ್‌ಲ್ಯಾಲ ಐಕ್‌ತ್ಯಾಲಿ ರಾಹ್ಯಾ ವ್ಹಯಿತ; ಧರ್ಮಶಾಸ್ತಾರಾತ್ ಆಸಸ್ ಸಾಂಗ್‌ಲ್ಯಾ ನವ್ಹ. 35 ತ್ಯಂಚಾನಿ ಕಾಯ್ ತರಿ ಸಮಜು಼ನ್ ಗಿಹ್ಯಾವ್ಹಯಿ ಮನ್ಲಿತತ ಗರ‍್ಹಾತ್ ಆಪಲ್ಯಾ ದನ್ಗಾರಾಲಾ ಇಚಾರುಂತ. ಬ್ಯಾಯ್ಕಾಮಾನ್ಸಾನಿ ಸಬೆತ್ ಬೊಲಾಚ಼ ಲಾಜ಼ಚಿ ಗ್ಯೊಸ್ಟ್

36 ದೇವಾಚಿ ವಾಕ್ಯಾ ತುಮ್ಚಿಪ್ನಿಸ್ ನಿಗಾಲಿ ಕ್ಯಾ? ತುಮಾನಾ ತ್ಯವ್ಡಿಸ್ ಆಲ್ಯಾಲಿ ಕ್ಯಾ? 37 ಕುನಿತರಿ ಆಪ್‌ಲ್ಯಾಲಾ ಆಪ್ನು ಪ್ರವಾದಿ ಮನ್ಹುನ್ ನಾಹಿತ ಆತ್ಮಿಕ್ ಮಾನುಸ್ ಮನ್ಹುನ್ ಗೆತ್ಲಾತ ಮೀ ತುಮಾನಾ ಲಿವ್‌ಲ್ಯಾಲ ಸಗ್ಳ ಪ್ರಭುಚಿ ಆಜ್ಞಾ ಮನ್ಹುನ್ ಚಾ಼ಂಗ್ಲ ಸಮಜು಼ನ್ ಗಿವ್ಹುನಿ. 38 ಕುನಿ ತರಿ ಆಪ್‍ಲ್ಯಾಲಾ ಹ್ಯ ಠಾವನಾಹಿ ಮನ್‌ಲ್ಯಾವ ತ್ಯೊ ಟಾವ ನಾಹಿಚೆಗತ್ ರಾವ್ಹುನಿ.

39 ಮನ್ಹುನ್ ಮಾಜೆ ಬನ್ಹಿ ಬಾವ್ಹಾನು, ಪ್ರವಾದನ್ ವರ ಮನ್ ಥಿವುನ್ ಬಗಾ, ಆನಿ ದುಸ್ರಿ ಬಾಶಾ ಬೊಲ್ನಾರ‍್ಯಾನಾ ಆಡ್ಯಾವು ನಕೊಸಾ. 40 ಫನ್ ಸಗ್ಳ ಚಾ಼ಂಗ್ಲೆ ತರನಿ ಆನಿ ನೆಮಾನಿ ಚಾ಼ಲುನಿ.

<- 1 ಕೋರಿಂಥ್ 131 ಕೋರಿಂಥ್ 15 ->