3 वे विधवाहोन जो सचमेच विधवा हइ इज्जत कर. 4 अरु अगर कोय विधवा को बच्चा या नाती पंत्ती हुये खे ते वे पैयले अपना घराना का सात ख्रिती धर्म का जसो जबाबदारी नीभान को अरु अपना माय बाप अरु आजी बाबा, समाली के उनको उपकार फेडे क्युकी यो परमेश्वर खे अच्छो हइ. 5 जो सचमेच विधवा हइ, अरु ओको कोय नी कि वा परमेश्वर पर आस रखस हइ, अरु रात दिन बिनती अरु प्रार्थना मे लौलीन ऱ्हेस हइ. 6 पर जो भोग विलास मे पड गइ, वा जीते जी मरी गइ हइ. 7 दुन्याहोन यो सुचना कर कि ताकि कोय उन पर नीर्दोष नी लगानु. 8 पर अगर कोय अपना रिश्तेदारहोन की विशेष रुप से अपना परिवार की चिन्ता नी कर्हे, ते उ विश्वास से मुकरी गयो हइ अरु अविश्वासी से भी बुरो बनी गयो हइ.
9 वा विधवा को नाम लिख्यो जाये जो साठ साल से कम की नी होनु कि अरु एक मेय अदमी कि लुगेन ऱ्ही हुये खे 10 अरु अच्छो काम मे सुनाम ऱ्ही हुये खे जेने बच्चाहोन को पालन पोषण कर्यो हइ. मीजवानहोन की सेवा करी हइ, पवित्र दुन्याहोन का पाय धोया हइ, दुखहोन की मदत करी हइ, अरु हर एक अच्छा काम मे मन लगायो हइ.
11 पर जुवान विधवाहोन को नाम नी लिखनु, क्युकी जब वे सुख विलासकरण भ्याव करणो चास हइ ते मसीह के चलस हइ 12 अरु दोष ठ्यरस हइ, क्युकी उनने अपनी पहली प्रतीज्ञा खे छोडी दि हइ. 13 अरु येका सात मे सात वे घर घर फिरी खे आलसी होन खे सीखस हइ, अरु फक्त आलसी पर बगबग करस ऱ्हेस हइ अरु दुसरा काम मे हात भी डालस हइ अरु अनुचीत बात बोलस हइ. 14 येका लिये मी यो चाहुस हुये कि जुवान विधवाहोन भ्याव कर्हे, अरु बच्चा परदा अरु घरदार सबाले, अरु कोय विरोधीहोन खे बदनाम करण को अवसर नी दे. 15 क्युकी कोइ एक तो भैकी खे सैतान का पिछे हुये गइ हइ. 16 अगर कोय विश्वासिनी खे ह्या विधवा हुये खे ते वा उनकी मदत कर्हे कि मंडली पर बोज नी हुये खे ताकि वा उनकी मदत करी सके जो सचमेच विधवा हइ.
17 जो बुजरुक अच्छो प्रबन्ध करस हइ, विशेष करीखे वे जो वचन सुनानो अरु सिखाना मे मेहनत करस हइ, दो गुना आदर को योग्य समझी जाये. 18 क्युकी पवित्रशास्त्र बोलस हइ, “दावनआला बैल को मुडो नी बाधनू.” क्युकी “मजुर अपनी मजुरी को हक्कदार हइ.” 19 कोय दोष कोय बुजरुक पर लगायो जाये ते बिना दो या तीन गवाह का बिना ओखे स्वीकार नी करणु. 20 पाप करणवाला खे सब का सामने समझ्य दे, ताकि दुसरा दुन्या भी डरे.
21 परमेश्वर खे अरु मसीह यीशु खे अरु चुन्या हुया स्वर्गदूतहोन कि उपस्थित जानी खे मी तोखे चेतावनी दियुस हइ कि तु मन खोली खे या बात खे मानीखे अरु कोय काम पक्षपात से नी कर्हे. 22 प्रभू सेवा खातीर कोय पर हात नी रखीखे प्रार्थना करण का लिये झल्दी मत करणू अरु दुसरा का पाप मे भागी नी होनु. अपना आप खे पवित्र बनायो रख.
23 भविष्य मे फक्त पाणी खे पिनवालो नी ऱ्हीहे, पन अपना पेट खे अरु अपनो घडी घडी बिमार होन का कारण थोडो थोडो अंगूर को रस भी लियो कर.
24 कुछ इन्सानहोन को पाप प्रगट हुइ जास हइ, अरु न्याय का लिये पैयले से पोची जास हइ, लेकीन दुसरा को पाप बाद मे दिखय जास हइ. 25 असा कुछ अच्छा काम भी प्रगट होस हइ. अरु जो प्रगट नी होस, वे भी लुकी नी सखे .
<- 1 तीमुथियुस 41 तीमुथियुस 6 ->