3 Qassi hara malaati salon bentis. Laapun huuphetinne tammu kaceti de7iya gita zo7o dawey bentis. I ba huupheta bolla laapun kallacha wothis.[a] 4 He dawey ba goynan xoolintotape sikuwa salope dafidi sa7an yeggis. He dawey na7ay yeleti wodhida mela mittanaw koyidi, yelanaw eqetiya maccase sinthan eqis.[b]
5 He maccasiya kawotethaa ubbaa birata xam7an haaranaw de7iya adde na7a yelasu. Na7ay Xoossaakonne iya araatako pude eketis.[c] 6 Maccasiya 1,260 gallas gakanaw iyo naagana mela Xoossay iw giigisi wothida bessaa mela biitta baqatasu.
7 Salon oli medhetis. Mika7eeli ba kiitanchotara dawiyara oletis; dawey ba kiitanchotara gididi zaari oletis.[d] 8 Shin dawey xoonetidi salon entaw de7iya bessi dhayidosona. 9 Gita dawey, beni shooshay, sa7an yegetis. Ika Daabuloosa woyko Xalahe geetetiya alamiya baletheysa. I ba kiitanchotara issife duge alamiya yegetis.[e]
10 Hessafe guye, salon haysada giya qaala si7as.
13 Qassi dawey bana sa7a yeggidaysa be7ida wode adde na7a yelida maccasiw goodis. 14 Maccasiw shooshay qohonna mela heedzu laythinne bagga mashenne uyashe iya naagetiya bessi mela biitta piradhada baana mela nam7u wolqaama argantha qefey iw imetis.[g]
15 Yaatidi, maccasiw di7oy di77idi efana mela dawey shaafa haatha mela ba doonape maccase guyera cooyis. 16 Shin biittay maccasiw maaddis; biittay ba doona dooyidi dawiya doonape keyida haatha mittis. 17 He dawey maccase bolla daro hanqetidi, I kochata, Xoossaa kiitaa naageysatanne Yesuusi qoncisida tumaas ammanetidaysata olanaw bidi. 18 Abba gaxan de7iya shafiyan eqis.
<- Yohaanisa Qoncethi 11Yohaanisa Qoncethi 13 ->