57
Ne Bonchoy Sa7a Ubban Gido
Dawiti Saa7olape baqatidi Gongolon Qosetida Wode Zammaareta Halaqaas Xaafida Woosa
“Dhaysofa” geetetiya diitha cuudhethan yexetida woosa.
1 Tana maara; abeeti Xoossaw,
tana maara; ta neeko baqatayis.
Dhayoy aadhana gakanaw,
ne qefiya garsan qosetayis.
2 Taani Ubbaafe dhoqa Xoossako,
ba qofaatho oothiya Xoossako waassayis.
3 Xoossay salope maado kiittidi tana ashshana;
tana yedheyisata kawushana;
Xoossay ba siiquwanne
ba ammanetetha taw kiittana.
Salaha
4 Taani ta morketape giddon,
ase miya gaammotape giddon de7ayis.
Enta achay tooranne donge toora mela;
enta inxarsay qara mashsha mela.
5 Abeeti Xoossaw, ne salope aadhada dhoqu dhoqu ga;
ne bonchoy sa7a ubbaa kammo.
6 Enti ta tohuwas xihe wothidosona;
taani un7etada hokas.
Enti ta ogiyan olla bookidosona;
shin he ollan bantaw kundidosona.
Salaha
7 Ta wozanay mino;
abeeti Xoossaw, ta wozanay mino;
taani nena mazmuren sabbana.
8 Ta shempe, barka;
diithinne maasinqoy dendite;
taani guura barkana.
9 Abeeti Godaw, ta nena asaa giddon galatana;
kawotethata giddon nena sabbana.
10 Ne siiqoy salotape dhoqa;
ne ammanetethay shaarape bolla.
11 Abeeti Xoossaw, ne salope aadhada dhoqu dhoqu ga;