1 Saa7oli Isxifaanose hayquwan ufaytis. He gallas Yerusalaamen de7iya woosa keethan gita goodi dendis. Hawaareti attishin, ammaneysati ubbay Yihuda biittaninne Samaare biittan laaletidosona. 2 Issi issi Xoossa asati Isxifaanose moogidosona; qassi iyaw daro yeekidosona. 3 Shin Saa7oli woosa keetha dhaysanaw koyees. Soo soo yuuyi gelidi, ammaniya addetanne maccasata goochi goochi kessidi qasho keethi gelsees.[a]

4 Laaletida ammaneysati bida bessa ubban qaala odidosona. 5 Filphoosi Samaare katama bidi Kiristoosaba asaas odis. 6 Daro asay Filphoosi odidaysa si7ida wodenne I oothiya malaatata be7ida wode iya akeekidi si7idosona. 7 Tuna ayyaanati waassidi daro asaape keyidosona; qassi daro gundatinne wobbeti biletidosona. 8 He kataman de7iya asay daro ufaytidosona.

9 Shin Simoona geetetiya issi uray he kataman de7ees. I, “Bana gita” gidi Samaare asaa marotethan malaalsishe gam7is. 10 Guuthafe gita gakanaw de7iya asa ubbay, “Gita Xoossa wolqay haysa” gidi iyabaa si7oosona. 11 Daro wodepe doomidi marotishe Samaare asa malaalsida gisho asay iyabaa si7oosona. 12 Shin Filphoosi Xoossaa kawotethabanne Yesuus Kiristoosa sunthaba addetasinne maccatas odin, enti iyabaa ammanidi xammaqetidosona. 13 Qassi Simoonika ba huuphen ammanidi xammaqetis. Filphoosara issife bida bessa ubban oosetiya gita malaatata be7idi malaaletis.

14 Yerusalaamen de7iya hawaareti Samaare asay Xoossaa qaala ekidaysa si7ida wode Phexroosanne Yohaanisa entako yeddidosona. 15 Phexroosinne Yohaanisi bidi, ammaneysati Geeshsha Ayyaana ekana mela entaw Xoossaa woossidosona. 16 Ayis giiko, Samaare asati Godaa Yesuusa sunthaa xalaalan xammaqetidosonape attishin, entafe issuwa bollaka Geeshsha Ayyaanay wodhibeenna. 17 He wode Phexroosinne Yohaanisi banta kushe enta bolla wothin, enti Geeshsha Ayyaana ekidosona.

18 Hawaareti banta kushe enta bolla wothin, entaw Geeshsha Ayyaanay imetidaysa Simooni be7ida wode Phexroosasinne Yohaanisas miishe ehidi, 19 “Taanika ta kushe wothiya ubbay Geeshsha Ayyaana ekana mela ha maata taw immerketi” yaagis.

20 Shin Phexroosi iyako, “Neeni Xoossaa imota miishen shammanaw qopida gisho ne miishey neera dhayo. 21 Ne wozanay Xoossaa sinthan suure gidonna gisho, new haysan gishoy woyko qaadi baawa. 22 Hiza, ha ne wozana iitatetha gisho nagarape simma. Ne wozanan de7iya iita qofa Xoossay atto gaana mela Xoossaa woossa. 23 Gaasoyka, neeni iita qanaateninne nagara qashon de7eysa taani be7ayis” yaagis.

24 Simooni zaaridi, “Hinte gidaysafe issoyka tana gakonna mela taw Xoossaa woossite” yaagis.

25 Phexroosinne Yohaanisi markatidaapenne Godaa qaala odidaape guye Yerusalaame simmidosona. Samaaren de7iya daro gutatan wongela odidosona.

26 Godaa kiitanchoy Filphoosako, “Dendada Yerusalaamepe Gaaza efiya mela biitta ogiyako ba. He ogey dugeha baggara de7ees” yaagis. 27 Filphoosi dendidi bis. Hindeke geetetiya Tophe kawees I miishe ubba naagiya Tophe asi de7ees. Ika goyinnanaw Yerusalaame bis. 28 Para gaaren uttidi, Yerusalaamepe ba biitta simmishe nabiya Isayaasa maxaafaa nabbabees.

29 Geeshsha Ayyaanay Filphoosako, “He gaariyako bada iya mati shiiqa” yaagis.

30 Yaatin Filphoosi woxi bidi gakiya wode moorinnay nabiya Isayaasa maxaafape nabbabishin si7idi, “Ne nabbabeysi new gelii?” yaagis.

31 Moorinnay, “Taw odi gelsiya asi bayna waanidi gelanee?” yaagis. Baara gaariyan keyidi uttana mela Filphoosa woossis. 32 Moorinnay nabbabiya maxaafa kifiley,[b]

I zaaridi, “Yesuus Kiristoosi Xoossaa Na7aa gideysa taani ammanayis” yaagis.

38 Gaarey eqana mela moorinnay kiittin, nam7ay wodhidi haathan gelidosona; Filphoosi iya xammaqis. 39 Enti haathaafe gaxa keyida wode Godaa ayyaanay Filphoosa qoponna ekis. Nam7antho moorinnay Filphoosa be7ibeenna, shin ba ogiya ufaytishe bis. 40 Filphoosi Azaxoonan bana demmis. Qassi Qisaare yaana gakanaw katamatan yuuyidi wongela markatis.

<- Hawaareta Ooso 7Hawaareta Ooso 9 ->