1 Leewe adde nayti Gedisoona, Qahaatanne Maraara.

2 Qahaata adde nayti Amraama, Yisihaara, Kebroonanne Uzi7eela.

3 Amraama adde nayti Aarona, Musenne Mayraamo.

Aarona adde nayti Nadaaba, Abyooda, Alaazaranne Itamaara.

4 Alaazari Pinihaasa yelis; Pinihaasi Abisu yelis; Abisuy Buuqa yelis; 5 Buuqi Oza yelis; 6 Ozi Zara yelis; Zarahi Marayoota yelis; 7 Marayooti Amaare yelis; Amaarey Akxooba yelis; 8 Akxoobi Saadoqa yelis; Saadoqi Akmaasa yelis; 9 Akimaasi Azaariyasa yelis; Azaariyasi Yohaana yelis; 10 Yohaani Azaariyasa yelis. Solomoney Yerusalaamen keexisida Xoossa keethan oothida kahiney Azaariyasa. 11 Azaariyasi Amaare yelis; Amaarey Akxooba yelis; 12 Akxoobi Saadoqa yelis; Saadoqi Saluma yelis; 13 Salumi Kalqe yelis; Kalqey Azaariyasa yelis; 14 Azaariyasi Saraya yelis; Sarayi Iyosadeqa yelis. 15 Goday Yihudanne Yerusalaame Nabukadanaxooran di7etana mela oothida wode Iyosadeqi di7etidi bis.

16 Leewe adde nayti Gedisoona, Qahaatanne Maraara. 17 Gedisoona adde nayta sunthay Libinanne Same7a. 18 Qahaata adde nayti Amraama, Yisihaara, Kebroonanne Uzi7eela. 19 Maraara adde nayti Mahilanne Muse. Banta soo asan asan xaafetida Leewe yaray haysa.

20 Gedisoona na7ay Libina; Libina na7ay Yahaata; Yahaata na7ay Zamata. 21 Zamata na7ay Yo7aaka; Yo7aaka na7ay Ado; Ado na7ay Zaara; Zaara na7ay Yatira.

22 Qahaata na7ay Amnadaabe; Amnadaabe na7ay Qore; Qore na7ay Aseera; 23 Aseera na7ay Helqaana; Helqaana na7ay Abisaafa; Abisaafa na7ay Aseera; 24 Aseera na7ay Tahata; Tahata na7ay Uri7eela; Uri7eela na7ay Ooziyana; Ooziyana na7ay Saa7ola.

25 Helqaana adde nayti Amaasanne Akmoota. 26 Akmoota na7ay Helqaana; Helqaana na7ay Xofaya; Xofaya na7ay Nahaata; 27 Nahaata na7ay Eliyaaba; Eliyaaba na7ay Yirohaama; Yirohaama na7ay Hilqaana.

28 Sameela bayra na7ay Iyyu7eela; kaaloy Abiya.

29 Maraara adde nayti Mahila; Mahila na7ay Libina; Libina na7ay Same7a; Same7a na7ay Ooza; 30 Ooza na7ay Sam77a; Sam77a na7ay Hagiya; Hagiya na7ay Asaya.

31 Dawiti Taabotiya Yerusalaame ehidaape guye, Godaa keethan shuumida zammaareta halaqati haysafe kaallidi xaafetidaysata. 32 Solomoney Yerusalaamen Godaa Xoossaa keetha keexana gakanaw, Godaa Taabotey de7iya Dunkaaniya sinthan issoy issoy ba maaran maaran mazmure yexishe Godaas oothidosona. 33 Banta adde naytara yexidaysati haysafe kaallidi xaafetidaysata.

Qahaata yaraape zammariya Hemaana; Hemaani Iyyu7eela na7a; Iyyu7eela Sameela na7a; 34 Sameeli Helqaana na7aa; Hilqaani Yirohaama na7a; Yirohaami Eli7eela na7a; Eli7eeli Toha na7a; 35 Tohi Xofaya na7a; Xofaya Helqaana na7a; Hilqaani Mahaata na7a; Mahaati Amasaya na7a; 36 Amasayi Helqaana na7a; Helqaani Iyyu7eela na7a; Iyyu7eela Azaariyasa na7a; Azaariyasi Sofoniyaasa na7a; 37 Sofoniyaasi Tahata na7a; Tahati Aseera na7a; Aseeri Abisaafa na7a; Abisaafi Qore na7a; 38 Qorey Yisara na7a; Yisari Qahaata na7a; Qahaati Leewe na7a; Leewey Isra7eele na7a.

39 Hemaana dabboy Asaafi iya ushacha baggara eqidi oothees. Asaafi Baraka na7a; Baraka Sim7a na7a; 40 Shim7i Mika7eela na7a; Mika7eeli Ba7asaya na7a; Ba7aasi Malkiya na7a; 41 Malkey Etaana na7a; Etaani Zaara na7a; Zaari Adaya na7a; 42 Adayi Etaana na7a; Etaani Zamata na7a; Zamati Same7a na7a; 43 Same7i Yahaata na7a; Yahaati Gedisoona na7a; Gedisooni Leewe na7a.

44 Entafe haddirsa baggara enta dabboti, Maraara yarati eqoosona. Etaani Qiisa na7a; Qiisi Abdi na7a; Abdi Maluka na7a; 45 Maluki Hashabaya na7a; Hashabaya Amasiyaasa na7a; Amasiyaasi Kalqe na7a; 46 Kilqey Ameesa na7a; Ameesi Baana na7a; Baani Samara na7a; 47 Samari Mahila na7a; Mahili Muse na7a; Musi Maraara na7a; Maraari Leewe na7a. 48 Enta dabo gidida Leeweti Xoossa Dunkaaniyan oothanaw sunthetidosona.

49 Shin Aaroninne iya kochati ixaane cuyisoosona; yarsho bessan xuussa yarsho yarshoosona. Xoossa aylley Musey kiitidaysada Ubbaafe Geeshsha Bessan goyinniya goyinno ubbaasinne Xoossay Isra7eele nagaraa atto yaagisiya yarshuwa yarshanaw aawatethi entaw de7ees.

50 Aarona yeletay haysafe kaallidi xaafetidaysata. Aarona na7ay Alaazara; Alaazara na7ay Pinihaasa; Pinihaasa na7ay Abisu; 51 Abisu na7ay Buuqa; Buuqa na7ay Oza; Oza na7ay Zaraha. 52 Zaraha na7ay Marayoota; Marayoota na7ay Amaare; Amaare na7ay Akxuuba; 53 Akxuuba na7ay Saadoqa; Saadoqa na7ay Akmaasa.

54 Aarona kochati daana mela entaw imetida bessati haysafe kaallidi xaafetidaysa.

Koyro saamay Qahaata yaraas keyida gisho 55 Yihudan de7iya Kebroona katamaanne iya yuushuwan de7iya hentha bessata entaw immidosona. 56 Shin Kebroona goshsha gadetanne iya yuushuwan de7iya gutata Yoofone na7aa Kaalebas immidosona. 57 Aarona naytas baqatidi attiya katamata, Kebroona, Yatira, Libina, Eshtamoo7anne enta heeran de7iya hentha bessata. 58 Holona, Dabiranne enta heeran de7iya hentha bessata, 59 Asana, Beet-Sameesanne enta heeran de7iya hentha bessata immidosona. 60 Qassi Biniyaame biitta zawape Gib7a, Galemata, Anatootenne enta heeran de7iya hentha bessata entaw immidosona. Aarona naytas imetida katamati kumethi tammanne heedza. 61 Minaase yaraa baggaa biittafe tammu katamata attida Qahaata yaraas immidosona.

62 Yisakoora, Aseera, Niftaalemenne Baasanen de7iya Minaase yaraa biitta zawape tammanne heedzu katamata Gedisoona yaraas immidosona.

63 Robeela, Gaadenne Zabloona biitta zawape tammanne nam7u katamata Maraara yaraas immidosona.

64 Hessada oothidi, Isra7eele asay Leewetas ha katamatanne enta heeran de7iya hentha biitta immidosona. 65 Yihudape, Simoonapenne Biniyaame biitta zawape haysafe qommon xaafetida katamata entaw immidosona.

66 Qahaata yaraape guuthati Efreema biitta zawape katamatanne enta heeran de7iya hentha bessata ekidosona. 67 Entaw asay baqatidi attiya katamata, derey dariya Efreema biittan de7iya Seekema, Gezera, 68 Yoqim7aama, Beet-Horona, 69 Eloona, Gaat-Rimoonanne enta heeran de7iya hentha bessata immidosona. 70 Minaase kocha baggaafe Aneera, Bil7aamanne enta heeran de7iya hentha bessata, attida Qahaata yaraas immidosona.

71 Minaase kocha baggaafe Baasanen de7iya Goolana, Astarootanne enta heeran de7iya hentha bessata Gedisoona yaraas immidosona. 72 Yisakoora kochaafe Qaadesa, Dabiraatenne enta heeran de7iya hentha bessata, 73 Raamota, Anemananne enta heeran de7iya hentha bessata immidosona. 74 Aseera kochaafe Mashala, Abdoona, 75 Huqooqa, Rehoobanne enta heeran de7iya hentha bessata immidosona. 76 Niftaaleme kochaafe Galilan de7iya Qaadesa, Hamoona, Qirataymanne enta heeran de7iya hentha bessata immidosona.

77 Attida Maraara yaraas Zabloona kochaafe Irmoona, Taaborenne enta heeran de7iya hentha bessata immidosona. 78 Robeela kochaafe Iyaarkofe hefinthan Yordaanosepe doloha baggara, dhoqa denban de7iya Boosora, Yaasane, 79 Qidimoota, Mefaatanne enta heeran de7iya hentha bessata immidosona. 80 Gaade kochaafe Galadan de7iya Raamota, Mahanayma, 81 Haseboona, Iyazeeranne enta heeran de7iya hentha bessata immidosona.

<- 1 Taarike Maxaafa 51 Taarike Maxaafa 7 ->