1 አማኖን ዳቡርዳ ኦናካ ሺሽ ኤክተፐ አትሽን፥ እያ ቆፋ ቦላ ፕርዶፍተ። [a] 2 ሌምሶስ፥ አማኖን ምንዳ እስ አስ አይ ካꬅካ ማናዉ ዳንዳኤስ። ሽን አማኖን ዳቡርያ አስ አታክልተ ፃላላ ሜስ። 3 ኡባባ ምያ አስ ሞና ኡራ ካꬎፖ። ኡባባ ሞና አስ ምያ ኡራ ቦላ ፕርዶፎ። ፆሳይ ኡባ ምያ ኡራ ሺሽ ኤክስ። 4 ሀራ አሳ አይለ ቦላ ፕርደይ ኔኒ ኦኔ? እ ዳቡርን ዎይኮ ምንን ባ ጎዳሳ። ጎዳይ እያ ኤሳናዉ ዳንዳእያ ግሾ እ ምንድ ኤቃና።

5 ቃስ “እስ ጋላሳይ ሀራ ጋላሳፐ አꬌስ” ያግድ ቆፕያ አስ ደኤስ። ሀራይ ቃስ፥ “ጋላሳት ኡባይ እስ መላ” ግድ ቆፔስ። ሽን እሶይ እሶይ ባ ቆፋ አኬክድ ቃቾ። 6 እስ ጋላሳ ሀራ ጋላሳታፐ አꬅድ ቦንችያ ኦንካ ጎዳ ቦንቾስ ግድ ኦꬄስ። ኡባ ካꬅ ምያ አስ ጎዳ ቦንቾስ ግድ ሜስ። እ ምያ ሄ ካꬃ ግሾ፥ ፆሳ ጋላቴስ። ኡባ ካꬅ ሞና አስ ጎዳ ቦንቾስ ሞና አጌስ፤ ቃስ ሞና አጎን ፆሰ ጋላቴስ። 7 ኑፐ ኦንካ ባዉ ዴና፤ ቃስ ኑ ግዶፈ ኦንካ ባዉ ሀይቀና። 8 ኑ ደኦን ደእኮ ጎዳስ ደኦስ፤ ቃስ ሀይቅኮካ ጎዳስ ሀይቆስ። ህዛ፥ ኑ ደኦን ደእን ዎይኮ ሀይቅን ጎዳሳ።

9 ክርስቶስ ሀይቅድ ሀይቆፐ ደንድዳይ፥ ደኦን ደኤይሳታስነ ሀይቅዳይሳታስ ጎዳ ግዳናሳ። 10 ያትን፥ ኔኒ ነ እሻ ቦላ አይስ ፕርዳይ? ዎይኮ ኔኒ ነ እሻ አይስ ካꬋይ? ኑኒ ኡባይ ፆሳ ፕርዳ አራታ ስንꬃን ኤቃና። [b]

11 ጌሻ ማፃፋን ጎዳይ፥

13 ሄሳ ግሾ፥ ኑኒ እሶይ እሱዋ ቦላ ፕርደይሳ አጎስ። ሽን ህንተ እሻ ꬉብስድ ዎይኮ ቃፅድ ናጋራን ገልስያባ ኦꬆናዳ ናገትተ። 14 ጎዳ የሱሳ አማንያ አሳዳ፥ ባ ሁጰን ቱና ግድዳ ካꬅ ባይናይሳ ታኒ ጌሻዳ ኤራይስ። ሽን እስ አስ እስባ ቱና ግድ ቆፕኮ ሄስ እያዉ ቱና ግዴስ። 15 ነ ምያ ካꬃ ግሾ ነ እሻ ꬉብያባ ግድኮ፥ ክርስቶሳን ደእያ ነ እሻ ሲቃካ። ክርስቶስ እያ ግሾ ሀይቅዳ ኡራ ነ ምያ ካꬃን እያ አያና ደኡዋ ꬋይሶፋ። 16 ህዛ፥ ህንተዉ ደእያ ላአተꬃ ሀራት ቦራና መላ ኦꬆፍተ። 17 ፆሳ ካዎተꬃይ ጌሻ አያናይ እምያ ፅሎተꬅ፥ ሳሮተꬅነ ቱማ ኡፋይስፈ አትሽን፥ ሙሳባነ ኡሻባ ግደና። 18 ሄሳዳ ክርስቶሳስ ኦꬅያ አስ ፆሳ ኡፋይሴስ፤ አሳንካ አንጀቴስ።

19 ሄሳ ግሾ፥ አነ ኑኒ ሳሮተꬅ በንትያ ኦግያነ እሱዋ እሱዋ አማኖን ምንꬅያ ኦግያ ኮዮስ። 20 ካꬃ ግሾ ጋዳ ፆሳ ኦሱዋ ꬋይሶፋ። ኡባ ካꬅ ሜተቴስ፥ ሽን ሀራ አስ ናጋራን ꬉብስያ ካꬅ ሙስ ኢታ። 21 ነ እሻይ ꬉበቶና መላ አሾ ሞና ዎይኮ ኡሹ ኡዮና ዎይኮ ነ እሻ ꬉብያ ሀራባ ኦꬆና አጎይ ሎኦ።

22 ህዛ፥ ሀ ነ አማኑዋ ነ ግዶንነ ነ ፆሳ ግዶን ናጋ። ልከ ግድ ቆፕዳባ ኦꬅያ ዎደ እያ ካሀይ ሞቶና ኡራይ አንጀትዳይሳ። 23 ሽን ስꬍሸ ምያ ኡራስ እያ ሙሳይ አማኖን ግዶና ግሾ ፕርደቴስ። አማኖይ ባይና ኦሰትዳ ኦሶ ኡባይ ናጋራ።

<- ሮመ ኪታ 13ሮመ ኪታ 15 ->