1 ሄሳፈ ጉየ፥ ታዉ ዋꬋ ፃምአ እምድ፥ “ባዳ ፆሳ ኬꬃነ ያርሾ በሳ ዋꬋ፤ ያን ጎይንያ አሳታካ ፓይዳ። [a] 2 ሽን ፆሳ ኬꬃ ካረ ዳባባይ አይሁደ ግዶና አሳስ እመትዳ ግሾ ዋꬎና አጋጋ። አይሁደ ግዶና አሳይ ጌሻ ካታማ ኦይታማነ ናምኡ አጌና ሃራና። [b] 3 ታኒ ካዮ ማኦ ማእዳ ታ ናምኡ ማርካታ ኪታና፤ ኤንቲ 1,260 ጋላስ ትንብተ ኦዳና” ያግስ።

4 ሄ ናምኡ ማርካት አላምያ ጎዳ ስንꬃን ኤቅያ ናምኡ ሻማሆ ምꬃታነ ናምኡ ፆምፐ ዎꬅያ ኮጫታ። [c] 5 ኦንካ ኤንታ ቆሀናዉ ኮይኮ ኤንታ ዶናፐ ታም ከይድ፥ ኤንታ ሞርከታ ꬋይሴስ። ኤንታ ቆሀናዉ ኮይያ ኦንካ ሄሳዳ ሀይቃና። 6 ኤንቲ ትንብተ ኦድያ ዎደ እር ቡኮና መላ ሳሉዋ ጎርዳናዉ ኤንታዉ ማት ደኤስ። ኤንታዉ ሃ ሱꬅ ከሳናዉ፥ ቃስ ኤንቲ ኮይዳ መላ ቢታ ዱማ ዱማ ጋዶን ꬋይሳናዉ ኤንታዉ ማት ደኤስ። [d]

7 ኤንቲ ባንታ ማርካተꬃ ኦንግዳፐ ጉየ፥ ኦላፈ ከይያ ዶአይ ኤንታና ኦላና። ሄ ዶአይ ኤንታ ፆናና፤ ዎꬋና።[e] 8 ኤንታ ጎዳይ ማስቃልያ ቦላ ካቀትዳ ግታ ካታማ ኦግያ ቦላ ኤንታ አሀይ የገታና። ሄ ካታማይ ሌምሶን ሶዶመ ዎይኮ ግብፀ ጌተትድ ፄገቴስ። [f] 9 ቃስ ኮቸ ኡባፈ፥ ያራ ኡባፈ፥ ዱማ ዱማ ዶናፐነ ካዎተꬅ ኡባፈ ይዳ አሳይ ኤንታ አሀ ሄꬑ ጋላስነ ባጋ ጋካናዉ በአና። ኤንታ አሀይ ሞገቶና መላ አሳይ ድጋና። 10 ሀ ናምኡ ናበት ሳአን ደእያ አሳ ዋይስዳ ግሾ አሳይ ኤንታ ሀይቁዋን ኡፋይታና። ባንታ ኡፋይሳ በሳናዉ እሶይ እሱዋስ እሞታ እማና።

11 ሄꬑ ጋላስነ ባጋፈ ጉየ፥ ደኦ አያናይ ፆሳ ማታፐ ይድ ኤንታን ገልን፥ ኤንቲ ደንድ ኤቅዶሶና። ኤንታ በእዳ ኡባይ ግታ ያሽ ያይዶሶና። [g] 12 ሄሳፈ ጉየ፥ ሄ ናምኡ ናበት፥ “ሃ ፑደ ከይተ” ግያ ቃላ ሳሎፐ ስእዶሶና። ኤንታ ሞርከት ኤንታና በእሽን፥ ኤንቲ ሻራን ገልድ ፑደ ሳሎ ብዶሶና። [h]

13 ሄ ሳትያን ቢታይ ዎልቃማ ቃፆ ቃፅን፥ ካታማፐ ታማንꬆ ኩሸይ ꬋይስ። ቃስ ቢታ ቃፆን ላፑን ሙኩሉ አሳይ ሀይቅስ። አትዳ አሳይ ዳሮ ኮኮርድ ባብድ፤ ሳሎ ፆሳስ ቦንቾ እምዶሶና። [i]

14 ናምአንꬆ አየይ አꬍስ፥ ሽን ሄኮ ሄꬓንꬆ አየይ ኤሶን ያና።

15 ላፑንꬃ ኪታንቾይ ባ ሞይዝያ ፑንስ። ሳሎፐ፥ “ሳኣ ካዎተꬃይ ኑ ጎዳስነ ክርስቶሳስ ግድስ፤ እ መርናፐ መርና ጋካናዉ ሃራና” ግያ ዎልቃማ ቃላይ ስኤትስ። [j] 16 ያትን፥ ፆሳ ስንꬃን፥ ባንታ አራታን ኡትዳ ላታማነ ኦይዱ ጭማት ጉፋንድ፥ ፆሳስ ጎይንድ፥