46
ፆሳይ ኑራ ደኤስ
ቆረ ናይት ዛማረታ ሀላቃስ ፃፍዳ ማዝሙረ
“ጌላኦ ናይታ የꬅ” ጌተትያ ጩꬃን የፀትዳ ማዝሙረ
1 ፆሳይ ኑ ቆሰትድ አትያ፥
በሰነ ኑ ዎልቃ።
ኑና መቶይ ጋክያ ዎደ፥
እ ኑና ማዳናዉ ኡባ ዎደ ኑ ማታን ደኤስ።
2 ሄሳ ግሾ፥ ቢታይ ቃፅያኮካ፥
ደረት አባን ኩንድያኮካ፥
ኑኒ ያዮኮ።
3 አባይ ጉምድ ጎፖንትኮካ፥
እያ ዎልቃማ ዙልያን ደረት ኮኮርያኮካ፥
ኑኒ ዳጋሞኮ።
ሳላሀ።
4 ኡባፈ ꬎቃ ፆሳይ ደእያ፥ ፆሳ ካታማ፥
ጌሻ በሳ፥ ኡፋይስያ እስ ሻፍ ደኤስ።
5 ፆሳይ እያ ግዶን ደእያ ግሾ፥
ሄ ካታማይ ቃፀና፤
ዎንታ ጉራ ፆሳይ እያ ማዳና።
6 ደረይ ዳጋምስ፤ ካዎተꬃት ቃፆሶና፤
ፆሳይ ባ ቃላ ስስስ፤ ቢታይ ትልእስ።
7 ኡባፈ ዎልቃማ ጎዳይ ኑራ ደኤስ፤
ያይቆባ ፆሳይ ኑ ቆሰትድ አትያ በሰ።
ሳላሀ
8 ሃ ዪተ፤ ጎዳ ኦሱዋ ፄልተ፤
ቢታ ዋትድ ꬋይስዳኮ በእተ።
9 እ ቢታ ቦላ ደእያ ኦላ ኡባ ተቄስ፤
ዶንገነ ቶራ መንꬄስ፤
ጎንዳልያ[a] ታማን ፁጌስ።
10 ዎፑ ጊተ፤ ታኒ ፆሰ ግደይሳ ኤርተ፤
ታኒ ካዎተꬃታ ግዶን ꬎቁ ꬎቁ ጋና፤
ቢታ ቦላካ ꬎቁ ꬎቁ ጋና።
11 ኡባፈ ዎልቃማ ጎዳይ ኑራ ደኤስ፤
ያይቆባ ፆሳይ ኑ ቆሰትድ አትያ በሰ።
ሳላሀ።
- a ጎንዳልያ፦ እብራወꬆ ዶናን ሀረ ጋረ ጌተቴስ።