35
ብፃትዳ አሳ ዎሳ
ዳዊታ ማዝሙረ
1 ጎዳዉ፥ ታራ ባፀተይሳታራ ነ ባፀታ፤
ታና ኦለይሳታ ነ ኦላ።
2 ጎንዳለነ ቶራ ኦይካዳ፥
ታና ማዳናዉ ደንዳ።
3 ታና ጎደይሳታ ቦላ
ነ ቶራነ ማሻ ደንꬃ፤
ታኮ “ታ ነና አሸይሳ” ያጋ።
4 ታ ሸምፑዋ ዎꬋናዉ ኮየይሳት፥
ዬላቶ፤ ካዉዮ።
ታ ቦላ ኢታባ ማቀተይሳት፥
ካዉይድ ጉየ ስሞ።
5 ጎዳ ኪታንቾይ ኤንታ የደꬅያ ዎደ፥
ኤንቲ ጫርኮን ላለትያ ሱላዳ ሀኖ።
6 ጎዳ ኪታንቾይ ኤንታ ጎድያ ዎደ፥
ኤንታ ኦገይ ꬉማነ ሀልꬅ ግዶ።
7 ጋሶይ ባይና ታና ኦይካናዉ ፅሄ ዎꬆሶና፤
ታና ኩንድሳናዉ ኦላ ቦኮሶና።
8 ኤሮና ደእሽን ኤንታ ቦላ ꬋዮይ ዮ፤
ኤንቲ ዎꬅዳ ፅሄይ ኤንታ ኦይኮ፤
ኤንቲ ቦክዳ ኦላን ኩንድድ ꬋዮ።
9 ሄ ዎደ ታኒ ጎዳን ኡፋይታና፤
እ አሽዳ ግሾ ሀሹ ጋና።
10 ታ ኩመꬃ አሳተꬃይ ነና፥
“ጎዳዉ፥ ነ መል ኦኔ?
ማንቁዋ ዎልቃማ ኩሽያፐ ከሳ ኤካሳ፤
መቶታንቹዋነ ኡንኤትዳይሳ፥
ቦንቀይሳታ ኩሸፐ አሻሳ” ያጋና።
11 ዎርዶ ማርካተይሳት ታ ቦላ ደንዶሶና፤
ታ ኤሮናባን ታና ሞቶሶና።
12 ታ ሎኦ ኦꬅዳ ግሾ ኢታ ዛርዶሶና፤
ታና ብዛ ኦꬅዶሶና።
13 ሽን ኤንቲ ሀርግዳ ዎደ ታኒ ካዮ ማኦ ማአስ፤
ታ አሳተꬃ ፆማን ዳቡርሳስ፤
ታ ዎሳይ ዛሮ ደሞና አትስ።
14 ታና ካዉሻዳ
ዳቦስ ዎይኮ እሻስ ዬከይሳዳ ዬካስ።
እስ አስ ባ አየስ ካዮተይሳዳ
ታ ሁጵያ ኦይካዳ ዬካስ።
15 ሽን ታኒ ꬉበትዳ ዎደ ኡፋይትድ ሺቅዶሶና፤
ጋሶይ ባይና ታና ዋꬍድ፥
አጎና እፅዶሶና።
16 ኢታ አሳት ኦይሳዳ ኤንቲ ታና ቀልቅስዶሶና፤
ይሎትድ ባንታ አቻ ጋርጭዶሶና።
17 ጎዳዉ፥ ኔኒ አዉደ ጋካናዉ፥
ስእ ጋዳ ፄላይ?
ኤንታ ኢታ ኦሱዋፐ ታና አሻ፤
ታ አልኦ ሸምፑዋ ሀ ጋሞታፐ ዎስሳ ኤካ።
18 ሄ ዎደ ግታ ሺቆን ታ ነና ጋላታና፤
ዳሮ አሳይ ደእያ በሳን ነና ቦንቻና።
19 ጋሶይ ባይና ታና ሞርከይሳት ኡፋይቶፎ፤
ታና ጮ እፀይሳት ታ ቦላ ቃምኦቶፖ።
20 ኤንቲ ሳሮባ ሃሳዮኮና፤
ስእ ግድ ደእያ አሳ ቦላ ኦዳ ፃፆሶና።
21 ኤንቲ ባንታ ዶና ታ ቦላ ዶይድ፥
“ሀይሳ በአ፥ ነ ኦꬅዳይሳ
ኑኒ ኑ አይፈን በእዳ” ያጎሶና።
22 ጎዳዉ፥ ኔኒ ሄሳ በአዳሳ፤
ስእ ጎፓ።
ጎዳዉ፥ ታፐ ሃኮፋ።
23 ታ ፆሳዉ፥ ታ ጎዳዉ ታ ግሾ፥
ደንዳ፤ ባርካ፤
ታ ዶና ግዳዳ ሞተታ።
24 ታ ጎዳዉ፥ ታ ፆሳዉ፥ ፅሎተꬃን ታዉ ፕርዳ፤
ታ ሞርከታ ኡፋይሶፋ።
25 ኤንቲ ባንታ ዎዛናን፥ “ሀሹ፥ ኑ አሞይ ፖለትስ፤
ኑኒ እያ ምትዳ” ጋና መላ ኦꬆፋ።
26 ታ ዋያን ኡፋይተይሳት፥ ዬላቶ፥ ካዉዮ፤
ታ ቦላ ጬቀተይሳት ዬላነ ካዉሸ ማኦ።
27 ታ ፆኑዋ ዶሰይሳት ኡፋይቶ፤
እልሎ፤ ሀሹ ያጎ።
“ኡባ ዎደ ባ አይልያ ሳሮተꬃን፥
ኡፋይትያ ጎዳይ ꬎቁ ꬎቁ ጎ” ያጎ።
28 ታ እንፃርሳይ ነ ፅሎተꬃነ ነ ጋላታ፥