ታኒ ኔኮ ዋስያ ዋሱዋ ሀይዛ።

ዎስያ ዎሳ ዛራ።

ነ አይፈይ ቱማ ፄሎ።

ታ ዎዛና ፓጫዳሳ።

ታ እንፃርሳይካ ባለትቤና።

ታኒ ነ ቃላ ናግያ ግሾ፥ ገነ ኦግያ ካላብከ።

ታ ታንጎይ ነ ኦግያፐ ጋፃ ከይቤና።

ታኒ ነና ዎሳይስ።

ታ ቃላ ስአ።

ነ ኡሻቻ ኩሸን ቆታዳ አሸይሶ፥

ነ ኬሀተꬃ ማላልስያ ኦገን በሳ።

ነ ቀፍያ ጋርሳን ታና ቆሳ።

ተቅድ ኦይክዳ ሞርከታፐ አሻ።

ኦቶሮን ሃሳዮሶና።

ታና ቢታን ሆልድ የጋናዉ ፄሎሶና።

ቆሰትድ ናግያ ዎዳላ ጋሞ መላ።

ታ ሞርከታራ ኤቀታዳ ኤንታ ሳአን የጋ፤

ነ ማሻን ኢታታ ኩሸፐ ታና አሻ።

ኤንታ ቃዳይ ሳአባ ግድዳ አሳፐ

ነ ኩሸን ታና አሻ።

ሄ ሴራይ ኤንታ ናይታስ ግድድ፥

ኤንታ ናይታ ናይታስ ፓላሆ።

ታ ባርክያ ዎደ ነ ማላ በአዳ ኡፋይታና።

<- ማዝሙረ ማፃፋ 16ማዝሙረ ማፃፋ 18 ->