1 ሄሳፈ ጉየ፥ እስ እስ ፋርሳወትነ ህገ አስታማረት የሩሳላመፐ የሱሳኮ ይድ፥ 2 “ነ ታማረት አይስ ኑ አዋታ ዎጋ መንꬆና? ኤንቲ ካꬅ ማናፐ ስን ባንታ ኩሽያ ሜጨቶኮና” ያግድ ኦይችዶሶና።

3 የሱሲ ዛሪድ፥ “ህንተ፥ ህንተ ዎጋ ግሾ፥ ፆሳ ኪታ ፖለይሳ አይስ እፄቲ? 4 አይስ ጊኮ፥ ፆሳይ፥ ‘ነ አዋነ ነ አይዉ ቦንቻ። እ ባ አዋ ዎይኮ ባ አይዉ ጫየይስ ሀይቆ ግቤኔ?’ ያግስ። [a] 5 ሽን ህንተ፥ እስ አስ ባ አዋ ዎይኮ ባ አይዉ ማዳናባይ ደእሽን፥ ‘ሀይሳ ታ ፆሳስ ያርሻስ ጊኮ፥ 6 ባ አዋ ዎይኮ ባ አይዉ ቦንቻናዉ በሰና’ ያጌታ። ያትድ ህንተ፥ ህንተ ዎጋ ፖላናዉ ፆሳ ቃላ መንታ። 7 ህንተኖ፥ ጩቦቶ፥ እሳያስ ህንተባ ልከ ኦድስ፥

10 የሱሲ ዳሮ አሳ ባኮ ፄግድ፥ “ስእተ! አኬክተ! 11 አሰ ቱንስያባይ ዶናራ ገልያባ ግዶናሽን ዶናፐ ከያባ” ያግስ።

12 ሄሳፈ ጉየ፥ የሱሳ ታማረት እያኮ ይድ፥ “ፋርሳወት ኔኒ ግዳይሳ ስእድ ꬉበትዳይሳ አኬካይ?” ያግዶሶና።

13 ሽን የሱሲ ዛሪድ፥ “ሳሎን ደእያ ታ አዋይ ቶክቦና ምꬅ ኡባይ ሾደታና። 14 ኤንታባ ህርጎፍተ፤ ኤንቲ ቆቀ ካለꬅያ ቆቀታ። ቆቀይ ቆቀ ካለꬅኮ፥ ናምአይካ ኦላን ኩንዳና” ያግስ። [b]

15 ጰፅሮስ ዛሪድ፥ “ሀ ሌምሱዋ ብርሸꬃ ኑስ ኦዳርኪ” ያግስ።

16 የሱሲ ኤንታኮ፥ “ህንተዉካ ሀእ ጋካናዉ ገልቤኔ? 17 ዶናራ ገልያባ ኡባይ ኡሎ ገልድ ካረ ከየይሳ ኤረከቲ? 18 ሽን ዶናራ ከያባይ ዎዛናፐ ከዬስ። አሰ ቱንስያባት ሄሳታ። [c] 19 ኤንትካ፦ አሳ ዎዛና ግዶፈ ከይያ ኢታ ቆፋ፥ ዎꬎ፥ ላይማተꬅ፥ ኢታ ኦሶ፥ ካይሶ፥ ዎርዶ ማርካተꬅ፥ ጫሸ። 20 ሄሳ ዳንያባት አሰ ቱንሴስፐ አትሽን፥ ሜጨቶና ኩሸራ መይስ ቱንሰና” ያግስ።

21 ሄሳፈ ጉየ፥ የሱሲ ያፐ ከይድ ፅሮሳነ ስዶና ካታማት ደእያ ቢታ ብስ። 22 እስ ካናነ ቢታ ማጫስ የሱሳኮ ያዳ፥ ባ ቃላ ꬎቁ ኦꬃዳ፥ “ጎዳዉ፥ ዳዊታ ናአዉ፥ ታዉ ቃታርክ፤ ታ ናእዉ ቱና አያናይ ኦይክድ ኢታ ዋይሴስ” ያጋሱ።

23 ሽን የሱሲ እስ ቃላካ ዛሮና ስእ ግስ። የሱሳ ታማረት እያኮ ይድ፥ “ሀ ማጫስያ ኑ ጌዶ ካላ ካላዳ፥ ዎሳዉሱ። ሄሳ ግሾ፥ ኔኒ እዮ ሞይዛርክ” ያግድ ዎስዶሶና።

24 የሱሲ ዛሪድ፥ “ታኒ ዉደፐ ꬋይዳ ዶርሳዳ እስራኤለ ኬꬃፈ ꬋይዳ አሳታ ፃላላስ ኪተታስ” ያግስ።

25 ሽን እያ፥ እያ ስንꬃን ኩንዳዳ፥ “ጎዳዉ፥ ታና ማዳርኪ?” ያጋሱ።

26 እ ዛሪድ፥ “ናይታ ካꬅ ኤክድ ካናታስ የገይስ ሎኦ ግደና” ያግስ።

27 ማጫስያካ፥ “ጎዳዉ፥ ሄስ ቱማ፥ ሽን ሀር አቶሽን ካናት ባንታ ጎዳት ምሽን፥ ጋይታፐ ዎꬍያ ቲፍያ ሞሶና” ያጋሱ።

28 የሱሲ ዛሪድ፥ “ሀ ማጫሰተ፥ ነ አማኖይ ግታ፤ ነ ኮይዳይሳዳ ነዉ ሀኖ” ያግስ። እ ናእያ ኢራካ ፓፃ አጋሱ።

32 የሱሲ ባ ታማረታ ባኮ ፄግድ፥ “ሀ ዳሮ አሳይ ታራ ሄꬑ ጋላስ ጋምእዳ ግሾነ ኤንታዉ ሀእ ምያባይ ባይና ግሾ ታኒ ኤንታዉ ቃታይስ። ኤንቲ ኦገን ዳቡርድ ኩንዶና መላ አይኮ ሙዞና ኤንታ መላ የዳናዉ ኮይከ” ያግስ።

33 እያ ታማረት ዛሪድ፥ “ኑኒ ሀ ባዙዋን ሀይሳ ኬና አሳስ ግድያ ካꬅ አዉፐ ደማኔ?” ያግዶሶና።

34 የሱሲ ኤንታኮ፥ “ህንተዉ አፑን ኡይꬅ ደኢ?” ያግድ ኦይችስ።