1 ሄ ጋላስ የሱሲ ሶፐ ከይድ አባ ጋፃን ኡትስ። 2 ዳሮ ደረይ እያ ዩሹዋን ሺቅን አሳ አባ ጋፃን አጋግድ ዎጎሎን ገልድ ኡትስ። [a] 3 አሳስ ዳሮባ ሌምሶን ያግድ ኦድስ፦
10 የሱሳ ታማረት እያኮ ሺቅድ፥ “አይስ ኔኒ ደርያስ ሌምሶን ኦዳይ?” ያግድ ኦይችዶሶና።
11 እ ዛሪድ፥ “ህንተዉ ሳሎ ካዎተꬃ ፁራ ኤራይ እመትስ፥ ሽን ኤንታዉ እመትቤና። 12 ደእያ ኡባስ ጉዠታና፥ እያዉ ዳራና፥ ሽን ባይናይሳፈ ሀር አቶሽን እያዉ ደእያራካ ኤከታና። [b] 13 ሄሳ ግሾ፥ ታኒ ኤንቲ፥ ፄልሸ ደሞና መላ፥ ስእሸ ስኦና መላ ዎይኮ አኬኮና መላ ኤንታዉ ሌምሶን ኦዳይስ።
14 “እሳያስ ባ ማፃፋን ኦድዳይስ ኤንታ ቦላ ፖለትስ። እ ኦድሸ፥
16 “ሽን ህንተ አይፈት በእያ ግሾነ ህንተ ሀይꬃት ስእያ ግሾ ህንተ አንጀትዳይሳታ። [c] 17 ታ ህንተዉ ቱማ ኦዳይስ፤ ዳሮ ናበትነ ፅሎት ህንተ በኤይሳ በአናዉነ ህንተ ስኤይሳ ስአናዉ አሞትዶሶና፥ ሽን ኤንታዉ ሀንቤና።
18 “ህዛ፥ ሀ ዘረꬅ ዘርያ ኡራ ሌምሱዋ ስእተ። 19 ኦገ ጋፃን ዎꬍዳ ዘረꬃ ሌምሶይ ሀይሳ፦ ሳሎ ካዎተꬃ ቃላ ስእድ አኬኮና ኡራ ዎዛናፐ ፃላሄይ ይድ እያ ዎዛናን ደእያ ዘረꬃ ማፅ ድጌስ። 20 ሻሎይ ጋርሳን ደእያ ቢታ ቦላ ዘረትዳይስ ቃላ ስእድ ኤለስድ ኡፋይሳን ኤከይሳታ። 21 ሽን ፃጶ የዳናዉ ዳንዳኦና ግሾ ዳሮ ጋምኦኮና። ቃላ ጋሶን መቶይ ዎይኮ ጎደተꬅ ያ ዎደ ኤለስ ꬉበቶሶና። 22 አጉንꬃ ጋꬃን ዘረትዳይስ ቃላ ስእስ፥ ሽን ሀ አላምያ ዱሳ ህርጋይነ ዱረተꬃ ቆፋይ ቃላ ጩልያ ግሾ አይፈ አይፎና አቴስ። 23 ሽን አራዳ ቢታን ዘረትዳ ዘረꬃይ አኬካን ቃላ ስእያ ኡራ። እ አይፈ አይፌስ፤ እሶይ ፄታ፥ እሶይ ኡሱፑን ታማ እሶይ ቃስ ሀስታማ አይፌስ” ያግስ።
27 “ጋድያ ጎዳ አይለት ጎዳኮ ብድ፥ ‘ጎዳዉ፥ ነ ጎሻን ነ ሎኦ ዘረꬅ ዘራብክሾ? ያትን፥ ሌሾይ አዉፐ ይዴ?’ ያግዶሶና።
28 “እ ኤንታኮ፥ ‘ሄሳ ሞርከይ ኦꬅስ’ ያግስ።
29 “ሽን እ፥ ‘አቶ ቦቾፍተ፤ ህንተ ሌሹዋ ሾዳይስ ግሽን ግስተይ ሾደታና። 30 ቦቾፍተ፤ ጫካ ዎደይ ጋካናዉ እስፈ ድጮ። ሄ ዎደ ጫክያ አሳታ ሌሹዋ ስንꬃትድ ማፅድ ታማን ፁጋናዉ ምርቀን ምርቀን ቃችተ። ሽን ግስትያ ሺሽድ ታ ሻልያን ቆልተ’ ያጋና” ያግስ።
31 ቃስ ሀራ ሌምሶ ያግድ ኦድስ፤ “ሳሎ ካዎተꬃይ እስ አስ ባ ጎሻን ባክዳ ጉꬃ ምꬄ አይፈ ዳኔስ። 32 ሄ ምꬄ አይፈይ ሀራ ምꬃ አይፈታፐ ጉꬃ፥ ሽን እያ ዶላ ድጭዳ ሀራ ምꬃታ ኡባፈ አꬋዳ ግታታዉሱ። እ ታሽያን ካፎት ኬፅድ ኡታና ጋካናዉ ዎልቃማ ምꬅ ግዳዉሱ” ያግስ።
33 ካልድካ፥ የሱሲ ሀራ ሌምሶ ኦድስ፤ “ሳሎ ካዎተꬃይ እስ ማጫስ ሄꬑ ጋባተ ꬊለ ኤካ ሙኑቃዳ፥ ሙኑቃይ ደንዳና መላ እያን ጉጅዳ እርሾ ዳኔስ” ያግስ።
34 የሱሲ ደርያስ ሄ ሌምሱዋ ኡባ ኦድስ። ሌምሶይ ባይና እስባካ ኦድቤና። 35 ናበይ ባ ማፃፋን፥
37 እ ዛሪድ፥ “ሎኦ ዘረꬃ ዘርዳይ አሳ ናአ። 38 ጎሻይ ሀ አላምያ። ሎኦ ዘረꬃይ ሳሎ ካዎተꬃ ናይታ። ሌሾይ ፃላሄ ናይታ። 39 ሌሹዋ ዘርዳይ ሞርክያ ፃላሄ። ጫካ ዎደይ፥ ዎደ ዉርሰꬅ፤ ጫከይሳት ኪታንቾታ።
40 “ሌሾይ ማፀትድ ታማን ፁገተይሳ መላ ዎድያ ዉርሰꬃን ሄሳዳ ሀናና። 41 አሳ ናአይ ባ ኪታንቾታ ኪታና። ኤንቲ ናጋራስ ጋሶ ግደይሳታነ ኢታ ኦꬅያ ኡባ ማፅድ እያ ካዎተꬃፈ ከሳና። 42 ማፅ ሺሽድ ዬሆይነ አቻ ጋርጨꬅ ደእያ ቶኦና ታማን የጋና። 43 ሄ ዎደ ፅሎት ባንታ አዋ ካዎተꬃን አዋዳ ፖአና። ስእያ ሀይꬅ ደኤይ ስኦ!
44 “ፆሳ ካዎተꬃይ ጎሻን ሞገትዳ ሚሸ ዳኔስ። እስ አስ ሄ ሚሽያ ደምድ ዛር ሞግስ። ዳሮ ኡፋይትድ ብድ ባዉ ደእያባ ኡባ ባይዝድ ሄ ጎሻ ጋድያ ሻምስ።
45 “ሄሳዳካ፥ ቃስ ሳሎ ካዎተꬃይ እንቁ ጌተትያ አልኦ ሹቻታ ኮይያ ዛልአንቾ ዳኔስ። 46 ዳሮ አልኦ እንቁዋ ደምድ ብድ ባዉ ደእያባ ኡባ ባይዝድ እያ ሻምስ።
51 “ሀ ኡባይ ህንተዉ ገልዴ?” ያግድ ኤንታ ኦይችስ።
52 የሱሲ፥ “ህዛ፥ ሳሎ ካዎተꬃ ኤራ ኤክድ ህግያ ታማርስያ ኡባይ፥ ባ ምንጅዳ ሻሉዋፐ ኦራꬃነ ጋልአ ከስያ አሰ ዳኔስ” ያግስ።
53 የሱሲ ሀ ሌምሱዋ ኦድ ዉርስዳፐ ጉየ ያፐ ደንድድ ብስ። 54 ባ የለትዳ ቢታ ብድ አይሁደ ዎሳ ኬꬃን ደርያ ታማርስስ። ኤንቲ ማላለትድ፥ “ሀ ኡራይ ሀ ጭንጫተꬃነ ሀ ማላታታ ኦꬅያ ዎልቃ አዉፐ ኤክዴ? 55 ሀይስ አናፅያ ናኣ ግደነዬ? እያ አየ ሱንꬃይ ማይራሞ ግደኔ? እያ እሻት ያይቆባ፥ ዮሰፋ፥ ስሞናነ ይሁዳ ግዶኮናዬ? 56 እያ ምቸት ኑራ ደኦሶና ግዶኮና? ያትን፥ ሀ ኡራይ ሀ ኡባ አዉፐ ኤክዴ?” ያግዶሶና። 57 ሄሳ ግሾ፥ እ ግያባ ኤኮና እፅዶሶና። [e]