1 ሙሰ ህገይ ያናዉ ደእያ ሎኦባታስ ኩያፐ አትሽን፥ ባ ሁጰን ዋና ግደና። ሄሳ ግሾ፥ ላይꬃን ላይꬃን ፓጨይ ባይና ያርሸትያ ያርሾይ ጎይናናዉ ሺቅያ አሳ ፖሎ ኦꬃናዉ ዳንዳኤና። 2 ህገይ ኤንታ ፖሎ ኦꬃናዉ ዳንዳእዳባ ግድያኮ ኤንቲ ያርሾ ያርሸይሳ አጋናሽን። ቃስ ጎይናናዉ ሺቅያ አሳይ ባንታ ናጋራፐ ጌያና፤ ኤንታ ካሀይካ ኤንታና ባላ ግድ ሞተና። 3 ሽን ሄ ያርሾት ላይꬃን ላይꬃን ናጋራ ቆፍሶሶና። 4 አይስ ጊኮ፥ ኮርማ ሱꬅነ ዴሻ ሱꬅ ናጋራ ድጋናዉ ዳንዳኤና።
5 ሄሳ ግሾ፥ ክርስቶስ ሀ አላምያ ይዳ ዎደ ሀይሳዳ ያግስ:[a]
11 ካህነ ኡባይ፥ ናጋራ ድጋናዉ ዳንዳኦና ሄ ያርሾታ ጋላስ ጋላስ ያርሽሸ ኤቅድ ባ ኦሱዋ ኦꬄስ።[b] 12 ሽን ክርስቶስ ኡባ ዎደስ ግድያ እስ ናጋራ ያርሹዋ ያርሽድ፥ ፆሳፈ ኡሻቻ ባጋን ኡትስ። [c] 13 ሄ ዎድያፐ ዶምድ እያ ሞርከት እያ ቶሆይ የꬍያባ ኦꬃና ጋካናዉ ናጌስ። 14 እ ዛረꬆና ኦገን እስ ቶሆ ባና ያርሽዳ ያርሹዋን ጌሻታ መርናዉ ፖሎ ኦꬅስ።
15 ቃስ ጌሻ አያናይ ኑስ ሀይሳ ማርካቴስ። ኮይሮ ሀይሳዳ ያግስ፦
23 ኑስ ኡፋይሳ ቃላ እምዳ ፆሳይ አማነትዳይሳ ግድያ ግሾ ኑ ማርካትያ ኡፋይሳ ኡሻች ሀድርስ ጎና ምንꬅድ ኦይኮስ። 24 እሶይ እሱዋ ሲቆስነ ሎኦ ኦሶስ ዋት ደንꬃነኮ አነ ቆፖስ። 25 እሶት እሶት ሜዘ ኦꬅድ ሺቀይሳ አግዳይሳዳ ኑኒ እስፈ ሺቀይሳ አጎኮ። ሽን ጎዳ ጋላሳይ ማታትዳይሳ ህንተ በእያ ግሾ ሄሳ ካሰይሳፈ አꬅድ ኦꬅተ።
26 ኑኒ ቱማ ኤራተꬃ ኤክዳፐ ጉየ ኤርሸ ናጋራ ኦꬅኮ፥ ህዛፐ ኑ ናጋራ ግሾ ያርሸታና ያርሾይ ባዋ። 27 ሽን ህዛ አትዳይ ያሽያ ፕርዳነ ፆሳ ሞርከታ ፁጋናዉ ጊግዳ ዎልቃማ ታማ። [g] 28 ሙሰ ህግያ ኪተቶና እፅዳ ኦንካ ናምኡ ዎይኮ ሄꬑ አስ እያ ቦላ ማርካትኮ ቃይ ባይናሽን ሀይቄስ። [h] 29 ያትን፥ ፆሳ ናኣ ካꬍዳ ኡራይ፥ ባና ጌሽዳ ፆሳ ጫቆ ሱꬃ ቱናባዳ ቆፕዳ ኡራይ፥ ቃስ አꬎ ኬሀተꬃ አያና ጫይዳ ኡራይ፥ አይ መላ ኢታ ፕርዳ ኤካናዉ በሲያኮ አነ ቆፕተ።
30 ህዛ፥ “ሀሎ ከሶይ ታባ፥ ታ ኩሸ ዛራና” ግዳይሳ ኑ ኤሮስ። ቃስካ፥ “ጎዳይ ባ አሳ ፕርዳና” ያግስ። 31 ደኦ ፆሳ ኩሸን ኩንደꬅ ዳሮ ያሼስ።
32 ህንተዉ ፆሳ ፖኦይ ፖእዳፐ ጉየ ህንተ ዳሮ ዋየን፥ ግታ ባፀን ገንጭዳ በን ዎድያ ቆፕተ። 33 እስ እስ ቶሆ ህንተ አሳ ስንꬃን ጫየትደታ፤ ጎደትደታ፤ እስ እስ ቶሆ ሄሳ መላ ዋየይ ጋክዳ አሳራ እስፈ ዋይደታ። 34 ቃሾን ደእያ አሳስካ ቃትደታ። ህንተዉ ሎኦነ ꬋዮና ሻሎይ ሳሎን ደኤይሳ ህንተ ኤርዳ ግሾ ህንተ ሻሎይ ቦንቀትያ ዎደ ኡፋይሳን ዳንዳእደታ።
35 ሄሳ ግሾ፥ ግታ ዎይቶይ ደእያ ህንተ ምኖተꬃ የጎፍተ። 36 ፆሳ ሸንያ ፖልድ፥ እ ህንተዉ እማና ግዳ ኡፋይሳ ኤካና ጋካናዉ ገንጫናዉ ኮሼስ። 37 ህዛ፥ ጌሻ ማፃፋን፥