1 ህዛ፥ ጎዳ ግሾ ቃሸትዳ ታኒ፥ ህንተ ፄገትዳ ፄሳስ በሲያ ደኦ ዳና መላ ህንተና ዎሳይስ። 2 ህንተ ኡባ ዎደ አዳታነ ሀዮ ግድተ፤ እሶይ እሱዋ ዳንዳእተነ ሲቆን ደእተ። [a] 3 ሳሮተꬃን ቃሸትድ አያናይ እምያ እስፈተꬃ ናጋናዉ ምንተ። 4 ፆሳይ ህንተና ፄግዳ ዎደ እስ ኡፋይሳስ ፄግዳይሳዳ እስ አሳተꬅነ እስ አያን ደኤስ። 5 እስ ጎዳይ፥ እስ አማኖይነ እስ ፅንቃተይ ደኤስ። 6 ኡባፈ ቦላ ግድዳ፥ ኡባ ባጋራ ኦꬅያነ ኡባ ግዶን ደእያ እስ ፆሳይ፥ ኡባ አዋይ ደኤስ።

7 ሽን ክርስቶስ እማናዉ ኮይዳይሳዳ ኑ እሶይ እሶይ ዱማ ዱማ እሞታ ኤክዳ። 8 ሄሳ ግሾ፥ ፆሳ ቃላይ፥

17 ሄሳ ግሾ፥ ታኒ ሀይሳ ህንተዉ ጎዳ ሱንꬃን ኦዳይስነ ማርካታይስ። ጎእ ባይና ቆፋ ቆፕያ አይሁደ ግዶና አሳታዳ ደኦፕተ። 18 ኤንታ ቆፋይ ꬉምስ፤ ባንታ ዎዛና ሙምስዶሶና። ኤንቲ ኤራተꬃ ꬋዮንነ እፃስ ግድ ፆሳይ እምያ ደኡዋፐ ሃክዶሶና። 19 ኤንቲ ዬላ ግያባ ኤሮኮና፤ ኤንቲ ላይማተꬃስ ባንታና አꬅድ እምዶሶና፤ ቃስ ቱናባ ኡባ ጉየ ጎና ኦꬆሶና።

20 ሽን ህንተ ክርስቶሳ ኤርዳይ ሄሳ መላ ኦገን ግደና። 21 እያባ ቱማ ስእደታ። ቃስ የሱሳን ደእያ ቱማ መላ እያፐ ታማርደታ። 22 ህንተ ካሰ ደእዳ ደኦ ኦግያ አግተ። ቃስ ባ ጭምያ አሞን ꬋይያ ህንተ ጬጋ አሳተꬃ ድግተ። [d] 23 ህንተ ዎዛና ቆፋን ኦራፅተ። 24 ቱማ ፅሎተꬃንነ ጌሻተꬃን ፆሳ ሌምሶን መትዳ ኦራꬃ አሳተꬃ ማእተ። [e]

25 ህዛ፥ ዎርዶ ኦደቶፍተ። ኑኒ ኡባይ ክርስቶሳ አሳተꬃ ብልተታ ግድያ ግሾ አሳ ኡባራ ቱማ ኦደትተ። [f] 26 ሀንቀትተ፥ ሽን ህንተ ሀንቁዋን ናጋራ ኦꬆፍተ። ህንተ ሀንቀት ደእሽን አው ዉሎፎ። [g] 27 ፃላሄስ በሰ እሞፍተ። 28 ካይሶትያ ኡራይ ህዛፐ ጉየ ካይሶቶፖ። ሽን ማንቆታ ማድያባይ እያዉ ዳና መላ ባ ኩሸን ሎኦባ ኦꬆ።

29 ህንተ ዶናፐ ኢታ ቃል ከዮፖ። ሽን ስኤይሳታ ጎአና መላነ ሀራታ ምንꬅያ ኮሽያ ሎኦ ቃል ህንተ ዶናፐ ከዮ። 30 ፆሳይ ህንተና ዎዝያ ጋላሳስ ህንተና አታምድ ዎꬅዳ ፆሳ አያና አዛንꬆፍተ። 31 ጫመተꬅ፥ ይሎ፥ ሀንቆ፥ ዋሶ፥ ጫሸነ ኢታ ኡባ ህንተፈ ሃስተ። 32 አꬅድ እሶይ እሱዋስ ኬሀነ ቃተይሳታ ግድተ። ፆሳይ ክርስቶሳ ባጋራ ህንተዉ አቶ ግዳይሳዳ ህንተካ ዎልስ አቶ ጊተ። [h]