4 ታኒ፥ ናቡካዳናፆር ታ ኬꬃን እንጀትን፥ ታ ካዎ ጋꬎን ሚኮትን ደአይስ። 5 እስ ጋላስ ታኒ ያሽያ አሙሆ በአስ። ታኒ ታ አርሳን ዝንአዳ፥ በእዳ አሙሆይነ ቆንጨꬃይ ታና ዳጋንꬅስ። 6 ሄሳ ግሾ፥ አሙሁዋ ብርሸꬃ ታና ኤርሳና መላ ባብሎነን ደእያ ጭንጫታ ኡባ ታኮ ኤሀና መላ ኪታስ። 7 ሄ ዎደ ማሮት፥ ሙራንቾት፥ ፆልንቶ ታይበይሳትነ ብታንቾት ታኮ ይን፥ ታ አሙሁዋ ኤንታዉ ኦዳስ፤ ሽን ኤንቲ ብርሸꬃ ታና ኤርሳናዉ ዳንዳእቦኮና። 8 ዉርሰꬃን ታ ፆሳ ሱንꬃን ብልፃሶራ ጌተትድ ፄገትያ፥ ጌሻ ፆሳታ አያን እያን ደእያ፥ ዳነል ታኮ ገልን፥ እያዉ ታ አሙሁዋ ኦዳስ።
9 ጭንጫታ ሀላቃ ግድዳ ብልፃሶራ፥ ጌሻ ፆሳታ አያን ነናን ደኤይሳነ አይባ ፁርካ ኔፐ ጌሞናይሳ ታኒ ኤራይስ። ታኒ በእዳ አሙሆይ ሀይሳ፤ አነ ታዉ እያ ብርሸꬃ ኦዳ። 10 ታኒ ታ አርሳን ዝንአዳ፥ ቢታስ ግድ ዛዋን እስ ግታ ምꬅ ኤቅዳይሳ ቆንጨꬃን በአስ። 11 ሄ ምꬃይ ድጭድ ግታትስነ ምንስ። እያ ፄራይ ሳሎ ጋኬስ፤ ሳኣ ጋፃፐ ጋፃ ጋካናዉ በንቴስ። 12 ሄ ምꬃ ሀይꬃይ ፄላናዉ ሎኤስ፤ እያ አይፈይካ ዳሮ፤ እያ ቦላ ኡባስ ሜተትያባይ ደኤስ። ሳአ ዶአት እያ ኩያን ሸምፖሶና፤ ሳሎ ካፎት እያ ታሽያ ቦላ ኬፅድ ደኦሶና። ደኦራ ደእያ ኡባይ እያፐ ሜስ።
13 “ታኒ ታ አርሳን ዝንአዳ፥ ጌሻ ኪታንቾይ ሳሎፐ ዎꬍሽን ቆንጨꬃን በአስ። 14 እካ ባ ቃላ ꬎቁ ኦꬅድ፥ ሀይሳዳ ያግስ፦ ‘ሀ ምꬃ ቃንፅተ፤ እያ ታሽያ ካርተ፤ እያ ሀይꬃ ዱꬅተ፤ እያ አይፍያ ላልተ። እያ ጋርሳን ደእያ ዶአትነ እያ ታሽያን ኡትያ ካፎት ኡባይ ባቃቶ። 15 ሽን ዱሩማነ እያ ፃጱዋ ብራታንነ ናሰ ብራታ ሳንꬃላታን ቃችድ፥ ቢታን፥ ማታ ግዶን አጋግተ። ሳሎ አካን ላኮ፤ ባዞን ማታ ግዶን ዶአራ ደኦ። 16 እያ ካሀይ አሳፐ ዶአይሳን ላመቶ፤ ሄሳዳ ሀንድ ላፑን ላይꬅ ደኦ። 17 ኡባፈ ꬎቃ ፆሳይ አሳ ናይታ ካዎተꬃ ኡባ ሃረይሳ፥ ካዎተꬅ ኮይያ አሳስ እመይሳነ ሀር አቶሽን ቦረትዳይሳ ሹመይሳ ደኦን ደእያ አስ ኡባይ ኤራና መላ፥ ሄሳ ኪታንቾት አዋጅዶሶና፤ ጌሻት ፕርዳ ኤህዶሶና’ ” ያግስ።
18 “ታኒ፥ ካዎይ ናቡካዳናፆር በእዳ አሙሆይ ሀይሳ፦ ሀእ፥ ብልፃሶራ፥ ታዉ እያ ብርሸꬃ ኦዳ። ታ ካዎተꬃን ደእያ ጭንጫታፐ እሶይካ ታና ብርሸꬃ ኤርሳናዉ ዳንዳእቤና። ሽን ጌሻ ፆሳታ አያን ነናን ደእያ ግሾ፥ ኔኒ ዳንዳኣሳ” ያጋስ።
31 እ፥ ባ ኦዳ ዉርሶና ደእሽን፥ ሳሎፐ ሀይሳዳ ግያ ቃል ይድ፥ “ካዋ ናቡካዳናፆራ፥ ነ ቦላ ፕርደትዳ ፕርዳይ ሀይሳ፦ ነ ካዎተꬃይ ኔፐ ኤከትስ። 32 ኔኒ አሳ ግዶፈ ጎደታዳ፥ ባዞ ዶአታራ ዳና፤ ነ ቦራዳ ማታ ማና። ኡባፈ ꬎቃ ፆሳይ አሳ ናይታ ካዎተꬃ ኡባ ሃረይሳነ እ ባ ኮይዳ አሳስ ካዎተꬅ እመይሳ ኔኒ ኤራና ጋካናዉ ላፑን ላይꬅ ነ ቦላራ አꬋና” ያግስ።
33 ናቡካዳናፆራ ቦላ ጌተትዳባይ ኤለስድ ፖለትስ። አሳ ግዶፈ ጎደትድ፥ ቦራዳ ማታ ምስ። እያ አሳተꬃይ ሳሎ አካን ላክስ። እያ ብናናይ አንኮ ባለዳ፥ እያ ፁጉንꬃይካ ካፎ ፁጉንꬃዳ ድጭስ።
34 “ሄ ላፑን ላይꬃይ ዉርዳፐ ጉየ፥ ታኒ ናቡካዳናፆር ꬎቁ ጋዳ ሳሎ ፄላስ። ታ ካሀይ ስምን፥ ኡባፈ ꬎቃ ፆሳ ጋላታስ፤ መርና ፆሳ ቦንቻስ፤ ሳባስ።
36 ታ ካሀይ ስምን፥ ታ ካዎተꬃ ቦንቾይነ ታ ቴማይ ታዉ ስምስ። ካሰ ታና ዞረይሳትነ ታ ሞርናት ታና ኮይዶሶና። ታኒ ታ አራታን ምናስ፤ ታዉ ካሰይሳፈ አꬍያ ግታተꬅ ጉዠትስ። 37 ህዛ፥ ታኒ ናቡካዳናፆር ሳሎ ካዋ ጋላታይስ፤ እያ ꬎቁ ꬎቁ ኦꬃይስ፤ እያ ቦንቻይስ። እ ኦꬅያባ ኡባይ ልከ፤ እያ ኦገ ኡባይ ሱረ፤ እ ኦቶሮን ሄመተይሳታ ካዉሻናዉ ዳንዳኤስ” ያግስ።
<- ዳነላ ማፃፋ 3ዳነላ ማፃፋ 5 ->