7 ኑ ሲቆ እሻይ ትክቆስ፥ ታራ እስፈ ጎዳ ኦሱዋን አይለ ግድዳ፥ አማነትያ ኦሳንቾይ፥ ታ ደኡዋባ ህንተዉ ኦዳና። [c][d] 8 ታኒ እያ ህንተኮ ኪትዳይ፥ ኑ ዋንድ ደእያኮ ህንተዉ ኦድድ ህንተና ምንꬃና መላሳ። 9 አናስሞስ፥ አማነትያ ሲቆ እሻይ፥ ህንተ ባጋይ፥ እያራ ህንተኮ ቤስ። ኤንቲ ሀይሳን ሀንያባ ኡባ ህንተዉ ኦዳና። [e]

10 ታራ ቃሸትዳ አርስፅሮኮስነ ባርናባሳ እሻ ናአይ ማርቆስ፥ ህንተና ሳሮ ያጎሶና። ታ ህንተዉ ካሰ ኦድዳይሳዳ ማርቆስ ህንተኮ ቢኮ እያ ሞክተ። [f] 11 የሱሳ ጌተትያ ያስፆስ ህንተና ሳሮ ሳሮ ያጌስ። ፆሳ ካዎተꬃ ግሾ ታራ ኦꬅያ አሳታ ግዶፈ አይሁደ ግድዳይሳት ሀ ሄꬓታ፤ ኤንቲ ታና ዳሮ ምንꬅዶሶና።

12 ህንተ ባጋይ፥ ክርስቶስ የሱሳ አይለይ፥ ኤጳፍር ህንተና ሳሮ ሳሮ ያጌስ። እ ህንተ ፆሳ ስንꬃን ምንድ ኤቃናዳነ ፆሳ ሸንያ ኤርድ ፖላና መላ ኡባ ዎደ ፆሳ ህንተ ግሾ ዎሴስ። [g] 13 እ ህንተ ግሾነ ሎዶቀንነ ህራፖልሳ ካታማን ደእያ አሳ ግሾ ዳሮ ዳቡርዳይሳ ታ ማርካታይስ።

14 ኑ ሲቆ እሻይ ዶቶረይ ሉቃስነ ዴማስ፥ ህንተና ሳሮ ሳሮ ያጎሶና። [h] 15 ሎዶቀን ደእያ ኑ እሻታስ፥ ንምፋስነ እ ኬꬃን ሺቅያ አሳስ ኑ ሳሮꬁዋ ኦድተ።

16 ሀ ዳብዳብያ ህንተ ናባብዳፐ ጉየ፥ ሎዶቀ ዎሳ ኬꬃን ናባብስተ። ህንተካ ሎዶቀ ዎሳ ኬꬃይ ህንተዉ የድያ ዳብዳብያ ናባብተ። 17 ቃስ አርክጳሳ፥ “ጎዳይ ነዉ እምዳ ኦሱዋ ፖላናይሳ ዶጎፓ” ያግድ ቆፍስተ። [i]

18 ታኒ፥ ጳዉሎስ፥ ሀ ሳሮꬁዋ ታ ኩሸን ፃፋስ። ታ ቃሹዋ ቆፕተ።

ፆሳ አꬎ ኬሀተꬃይ ህንተራ ግዶ።

<- ቆላስያሳ ኪታ 3