1 ሳኦል እስፅፋኖሰ ሀይቁዋን ኡፋይትስ። ሄ ጋላስ የሩሳላመን ደእያ ዎሳ ኬꬃን ግታ ጎድ ደንድስ። ሀዋረት አትሽን፥ አማነይሳት ኡባይ ይሁዳ ቢታንነ ሳማረ ቢታን ላለትዶሶና። 2 እስ እስ ፆሳ አሳት እስፅፋኖሰ ሞግዶሶና፤ ቃስ እያዉ ዳሮ ዬክዶሶና። 3 ሽን ሳኦል ዎሳ ኬꬃ ꬋይሳናዉ ኮዬስ። ሶ ሶ ዩይ ገልድ፥ አማንያ አደታነ ማጫሳታ ጎች ጎች ከስድ ቃሾ ኬꬅ ገልሴስ። [a]

4 ላለትዳ አማነይሳት ብዳ በሳ ኡባን ቃላ ኦድዶሶና። 5 ፍልጶስ ሳማረ ካታማ ብድ ክርስቶሳባ አሳስ ኦድስ። 6 ዳሮ አሳይ ፍልጶስ ኦድዳይሳ ስእዳ ዎደነ እ ኦꬅያ ማላታታ በእዳ ዎደ እያ አኬክድ ስእዶሶና። 7 ቱና አያናት ዋስድ ዳሮ አሳፐ ከይዶሶና፤ ቃስ ዳሮ ጉንዳትነ ዎበት ብለትዶሶና። 8 ሄ ካታማን ደእያ አሳይ ዳሮ ኡፋይትዶሶና።

9 ሽን ስሞና ጌተትያ እስ ኡራይ ሄ ካታማን ደኤስ። እ፥ “ባና ግታ” ግድ ሳማረ አሳ ማሮተꬃን ማላልስሸ ጋምእስ። 10 ጉꬃፈ ግታ ጋካናዉ ደእያ አሳ ኡባይ፥ “ግታ ፆሳ ዎልቃይ ሀይሳ” ግድ እያባ ስኦሶና። 11 ዳሮ ዎደፐ ዶምድ ማሮትሸ ሳማረ አሳ ማላልስዳ ግሾ አሳይ እያባ ስኦሶና። 12 ሽን ፍልጶስ ፆሳ ካዎተꬃባነ የሱስ ክርስቶሳ ሱንꬃባ አደታስነ ማጫታስ ኦድን፥ ኤንቲ እያባ አማንድ ፃማቀትዶሶና። 13 ቃስ ስሞንካ ባ ሁጰን አማንድ ፃማቀትስ። ፍልጶሳራ እስፈ ብዳ በሳ ኡባን ኦሰትያ ግታ ማላታታ በእድ ማላለትስ።

14 የሩሳላመን ደእያ ሀዋረት ሳማረ አሳይ ፆሳ ቃላ ኤክዳይሳ ስእዳ ዎደ ጰፅሮሳነ ዮሃንሳ ኤንታኮ የድዶሶና። 15 ጰፅሮስነ ዮሃንስ ብድ፥ አማነይሳት ጌሻ አያና ኤካና መላ ኤንታዉ ፆሳ ዎስዶሶና። 16 አይስ ጊኮ፥ ሳማረ አሳት ጎዳ የሱሳ ሱንꬃ ፃላላን ፃማቀትዶሶናፐ አትሽን፥ ኤንታፈ እሱዋ ቦላካ ጌሻ አያናይ ዎꬍቤና። 17 ሄ ዎደ ጰፅሮስነ ዮሃንስ ባንታ ኩሸ ኤንታ ቦላ ዎꬅን፥ ኤንቲ ጌሻ አያና ኤክዶሶና።

18 ሀዋረት ባንታ ኩሸ ኤንታ ቦላ ዎꬅን፥ ኤንታዉ ጌሻ አያናይ እመትዳይሳ ስሞን በእዳ ዎደ ጰፅሮሳስነ ዮሃንሳስ ሚሸ ኤህድ፥ 19 “ታንካ ታ ኩሸ ዎꬅያ ኡባይ ጌሻ አያና ኤካና መላ ሀ ማታ ታዉ እመርከት” ያግስ።

20 ሽን ጰፅሮስ እያኮ፥ “ኔኒ ፆሳ እሞታ ሚሸን ሻማናዉ ቆፕዳ ግሾ ነ ሚሸይ ኔራ ꬋዮ። 21 ነ ዎዛናይ ፆሳ ስንꬃን ሱረ ግዶና ግሾ፥ ነዉ ሀይሳን ግሾይ ዎይኮ ቃድ ባዋ። 22 ህዛ፥ ሀ ነ ዎዛና ኢታተꬃ ግሾ ናጋራፐ ስማ። ነ ዎዛናን ደእያ ኢታ ቆፋ ፆሳይ አቶ ጋና መላ ፆሳ ዎሳ። 23 ጋሶይካ፥ ኔኒ ኢታ ቃናተንነ ናጋራ ቃሾን ደኤይሳ ታኒ በአይስ” ያግስ።

24 ስሞን ዛሪድ፥ “ህንተ ግዳይሳፈ እሶይካ ታና ጋኮና መላ ታዉ ፆሳ ዎስተ” ያግስ።

25 ጰፅሮስነ ዮሃንስ ማርካትዳፐነ ጎዳ ቃላ ኦድዳፐ ጉየ የሩሳላመ ስምዶሶና። ሳማረን ደእያ ዳሮ ጉታታን ዎንገላ ኦድዶሶና።

26 ጎዳ ኪታንቾይ ፍልጶሳኮ፥ “ደንዳዳ የሩሳላመፐ ጋዛ ኤፍያ መላ ቢታ ኦግያኮ ባ። ሄ ኦገይ ዱገሀ ባጋራ ደኤስ” ያግስ። 27 ፍልጶስ ደንድድ ብስ። ህንደከ ጌተትያ ቶጰ ካዌስ እ ሚሸ ኡባ ናግያ ቶጰ አስ ደኤስ። እካ ጎይናናዉ የሩሳላመ ብስ። 28 ፓራ ጋረን ኡትድ፥ የሩሳላመፐ ባ ቢታ ስምሸ ናብያ እሳያሳ ማፃፋ ናባቤስ።

29 ጌሻ አያናይ ፍልጶሳኮ፥ “ሄ ጋርያኮ ባዳ እያ ማት ሺቃ” ያግስ።

30 ያትን ፍልጶስ ዎፅ ብድ ጋክያ ዎደ ሞርናይ ናብያ እሳያሳ ማፃፋፐ ናባብሽን ስእድ፥ “ነ ናባበይስ ነዉ ገሊ?” ያግስ።

31 ሞርናይ፥ “ታዉ ኦድ ገልስያ አስ ባይና ዋንድ ገላኔ?” ያግስ። ባራ ጋርያን ከይድ ኡታና መላ ፍልጶሳ ዎስስ። 32 ሞርናይ ናባብያ ማፃፋ ክፍለይ፥ [b]

እ ዛሪድ፥ “የሱስ ክርስቶሲ ፆሳ ናኣ ግደይሳ ታኒ አማናይስ” ያግስ።

38 ጋረይ ኤቃና መላ ሞርናይ ኪትን፥ ናምአይ ዎꬍድ ሃꬃን ገልዶሶና፤ ፍልጶስ እያ ፃማቅስ። 39 ኤንቲ ሃꬃፈ ጋፃ ከይዳ ዎደ ጎዳ አያናይ ፍልጶሳ ቆፖና ኤክስ። ናምአንꬆ ሞርናይ ፍልጶሳ በእቤና፥ ሽን ባ ኦግያ ኡፋይትሸ ብስ። 40 ፍልጶስ አዛፆናን ባና ደምስ። ቃስ ቅሳረ ያና ጋካናዉ ካታማታን ዩይድ ዎንገላ ማርካትስ።

<- ሀዋረታ ኦሶ 7ሀዋረታ ኦሶ 9 ->