1 ታኒ ነና ፆሳ ስንꬃንነ፥ ካዎ ግድድ ሃራናዉ ቆንጭያ ዎደ ፓፃታነ ሀይቅዳይሳታ ፕርዳናዉ ደእያ ክርስቶስ የሱሳ ስንꬃን ዞራይስ። 2 ቃላ ኦዳ፤ ዎደይ እንጀትን እንጀቶና እፅን ምናዳ ኦዳ። ዳሮ ዳንዳአንነ ታማርሶን አሳ ዞራ ሴራነ ደንꬃ። 3 አሳይ ቱማ ትምርትያ ስኦና እፅያ ዎደይ ያና። ኤንቲ ባንታ አሙዋ ካልድ፥ ባንታዉ ስአናዉ ኡፋይስያባ ኦድያ አስታማረታ ሺሾሶና። 4 ኤንቲ ቱማ ትምርትያ አግድ፥ ቱማ ግዶና ኦዳ ስአናዉ ባንታ ሀይꬃ ዛሮሶና። 5 ሽን ኔኒ ኡባባን ነና ሃራ። መቶ ዳንዳአ። ዎንገላ ማርካተꬃ ኦሱዋ ኦꬃ። ነዉ እመትዳ ፆሳ ኦሶ ኡባ ፖላ።
6 ታኒ ያርሸትያ ዎደይ ጋክስ፤ ሀ አላምያ አጋዳ ብያ ዎደይ ማትስ። 7 ታኒ ሎኦ ኦላ ኦለታስ፤ ታ ጋድያ ዎፃዳ ዉርሳስ፤ አማኑዋ ናጋስ። 8 ስንꬃፈ ፅሎተꬃ ካላቻይ [a] ታና ናጌስ። ሄሳ ፅሎ ፕርዳ ፕርድያ ጎዳይ ሄ ጋላስ ታዉ እማና። ሄሳ ታ ፃላላስ ግዶናሽን፥ እያ ቆንጨꬃ አሞትያ ኡባስ እማና።
14 ብራታ ቆፅያ እስክንድረይ ታና ዳሮ ቆህስ፤ ጎዳይ እያ ኦሱዋዳ እያዉ ዛራና። [e] 15 እ ኑ ትምርትያ ዳሮ እፅያ ግሾ እያፐ ነና ናጋ።
16 ኮይሮ ታ ሞተትያ ዎደ ኡባይ አግድ ብዶሶናፐ አትሽን፥ ኦንካ ታና ማድቤና። ፆሳይ ሄ ናቁዋ ኤንታዉ ታይቦፖ። 17 ሽን ታኒ ኩመꬃ ኪታ አይሁደ ግዶና አሳ ኡባስ ማርካትን፥ ኤንቲ ስአና መላ ጎዳይ ታ ማታን ኤቅድ ታዉ ዎልቃ እሚስ። ቃስ ኮሻትዳ ጋሞዳ ዶና ዶይዳ ሀይቁዋፐ ታና አሽስ። 18 ጎዳይ ታና ኢታ ኡባፈ አሽድ ባ ሳሎ ካዎተꬃ ሳሮን ኤፋና። እያዉ መርናፐ መርና ጋካናዉ ቦንቾይ ግዶ። አምንእ።
22 ጎዳይ የሱስ ክርስቶሲ ነ አያናራ ግዶ።