ዮሃንስ ፃፍዳ ናምአንꬆ ኪታ ጋꬃ ቆፋ ዮሃንስ ፃፍዳ ናምአንꬆ ኪታ፥ የሱሳ ሀዋረ ግድዳ ጭማይ፥ ዮሃንስ ፃፍስ። ሀ ኪታይ ፃፈትዳይ ዶረትዳ ጎዳተሳነ እ ናይታሳ። ሀ ቃንꬃ ኪታይ ፃፈትዳይ፥ 1. ኤንቲ እሶይ እሱዋራ ሲቀታና መላ አኬክሳናሳ፤ 2. ዎርዶ አስታማረታፐነ ኤንታ ትምርትያፈ ናገታና መላ ቆፍሳናሳ። ማፃፋ አይፈ ቆፋታ ሳሮꬆነ ዎሳ (1-3) ሲቆነ ቱማተꬅ (4-6) ዎርዶ ትምርተፈ ናገተꬅ (7-11) ሳሮꬆ (12-13)
1 ታ ጭማይ ዶረትዳ ጎዳተስነ እ ናይታስ ኪትዳ ኪታ። ታ ፃላላ ግዶናሽን፥ ቱማ ኤርያ ኡባይ ህንተና ዶሶሶና። 2 ሀ ቱማይ ኑናን ደእያ ግሾነ መርናዉ ኑራ ዳና ግሾ ታኒ ህንተና ቱማ ዶሳይስ።
3 ፆሳ ኑ አዋነ እያ ናኣ የሱስ ክርስቶሳ አꬎ ኬሀተꬃይ፥ ማሮተꬃይነ ሳሮተꬃይ ቱማንነ ሲቆን እስፈ ኑራ ግዶ።
ቱማነ ሲቆ 4 አዋይ ኑና ኪትዳይሳዳ፥ ነ ናይታፐ ባጋት፥ ቱማስ ኪተተይሳ በአዳ ታኒ ዳሮ ኡፋይታስ። 5 ጎዳተ፥ ሀእካ ኑኒ ኡባይ እሶይ እሱዋ ሲቃና መላ ታኒ ነና ዎሳይስ። ሀ ኪታይ ኮይሮፐ ኑራ ደእያ ኪታፐ አትሽን፥ ታኒ ነዉ ኦራꬃ ኪታ ፃፍከ። [a] 6 ቱማ ሲቆይ ኑኒ ፆሳ ኪታ ናግድ ዳናይሳ። ቃስ ኮይሮፐ ህንተ ስእዳይሳዳ እያ ኪታይ፥ ህንተ ኡባይ ሲቆን ዳና መላሳ።7 የሱስ ክርስቶሲ አሰ ግድድ ይዳይሳ አማኖና፥ ዳሮ ባለꬅያ አሳት፥ አላመን ደንድዶሶና። ሄሳ መላ አስ ኦንካ ባለይሳነ ክርስቶሳ ሞርከ። 8 ህንተ ኦꬅዳ ኩመꬃ ዎይቱዋ ኤካናዉ ምንተ። ህንተ ኦꬅዳይስ ꬋዮና መላ ናገትተ።
9 ክርስቶሳ ትምርትያን ዶናይሳስነ እያፐ ሃክያ ኡራስ ፆሳይ ባዋ። ክርስቶሳ ትምርትያን ደእያ ኡራስ አዋይነ ናአይ ደኦሶና። 10 ኦንካ ህንተኮ ይሸ ሀ ትምርትያ ኤሆና እፅኮ፥ ህንተ ሶ ገልሶፍተ፤ ሳሮካ ጎፕተ። 11 እያ ሳሮ ግያ ኦንካ እያ ኢታ ኦሱዋን እያራ ሻከቴስ።
ሳሮꬆ 12 ታኒ ህንተዉ ፃፋናዉ ኮይዳ ዳሮባይ ደኤስ፥ ሽን ዎርቃተንነ ቃላመን ፃፋናዉ ኮይከ። ኑ ኡፋይሳይ ፖለታና መላ ህንተራ ሶምኦን ጋሄታዳ ኦደታናዉ ህንተኮ ባና ጋዳ ቆፓይስ።13 ፆሳይ ዶርዳ ነ ምቸ ናይት ነና ሳሮ ያጎሶና።
- a ዮሀ 13:34፤ 15:12፥ 17.
1 ታ ጭማይ ዶረትዳ ጎዳተስነ እ ናይታስ ኪትዳ ኪታ። ታ ፃላላ ግዶናሽን፥ ቱማ ኤርያ ኡባይ ህንተና ዶሶሶና። 2 ሀ ቱማይ ኑናን ደእያ ግሾነ መርናዉ ኑራ ዳና ግሾ ታኒ ህንተና ቱማ ዶሳይስ።
3 ፆሳ ኑ አዋነ እያ ናኣ የሱስ ክርስቶሳ አꬎ ኬሀተꬃይ፥ ማሮተꬃይነ ሳሮተꬃይ ቱማንነ ሲቆን እስፈ ኑራ ግዶ።
7 የሱስ ክርስቶሲ አሰ ግድድ ይዳይሳ አማኖና፥ ዳሮ ባለꬅያ አሳት፥ አላመን ደንድዶሶና። ሄሳ መላ አስ ኦንካ ባለይሳነ ክርስቶሳ ሞርከ። 8 ህንተ ኦꬅዳ ኩመꬃ ዎይቱዋ ኤካናዉ ምንተ። ህንተ ኦꬅዳይስ ꬋዮና መላ ናገትተ።
9 ክርስቶሳ ትምርትያን ዶናይሳስነ እያፐ ሃክያ ኡራስ ፆሳይ ባዋ። ክርስቶሳ ትምርትያን ደእያ ኡራስ አዋይነ ናአይ ደኦሶና። 10 ኦንካ ህንተኮ ይሸ ሀ ትምርትያ ኤሆና እፅኮ፥ ህንተ ሶ ገልሶፍተ፤ ሳሮካ ጎፕተ። 11 እያ ሳሮ ግያ ኦንካ እያ ኢታ ኦሱዋን እያራ ሻከቴስ።
13 ፆሳይ ዶርዳ ነ ምቸ ናይት ነና ሳሮ ያጎሶና።
- a ዮሀ 13:34፤ 15:12፥ 17.