1 ሲቆ ካልተ። አያና እሞታታ ምንꬅድ ኮይተ፤ ኡባፈ አꬅድ፥ ትንብተ እሞታ ምንꬅድ ኮይተ። 2 ዱማ ዱማ ዶናን ኦደትያ አስ ፆሳስ ኦዴስፐ አትሽን፥ አሳስ ኦደና። ሽን አሳስ ቆንጭቦና ፁራ አያና ዎልቃን ኦደትያ ግሾ፥ ኦንካ እ ኦደተይሳ አኬከና። 3 ሽን ትንብተ ኦደይሳት አሰ ድቻናዉ፥ ምንꬃናዉነ ምንꬃናዉ አሳስ ኦዴስ። 4 ዱማ ዱማ ዶናን ኦድያ አስ ባና ድቼስ። ሽን ትንብተ ኦድያ አስ ዎሳ ኬꬃ ድቼስ።

5 ህንተ ኡባይ ዱማ ዱማ ዶናን ኦደትያኮ ታ ዶሳይስ፥ ሽን ትንብተ ኦዳናይሳ አꬃዳ ዶሳይስ። ዱማ ዱማ ዶናን ኦደተይሳ ዎሳ ኬꬅ ድቻናዉ ብርሽያ አስ ꬋይኮ፥ ዱማ ዱማ ዶና ኦደተይሳፈ ትንብተ ኦደይስ አꬌስ።

6 ሽን ታ እሻቶ፥ ታኒ ህንተኮ ባዳ፥ ቆንጨꬃን ዎይኮ ኤራተꬃን ዎይኮ ትንብተ ኦዶን ዎይኮ ትምርተን ግዶናሽን፥ ዱማ ዱማ ዶናን ኦደትኮ ህንተና አይ ማዳኔ? 7 ዱማ ዱማ የꬃ ሚሸታስ እስ ቆሞ ግርስ ደእኮ፥ ሱሱልኤ ግርስነ ዲꬃ ግርስ ዋትድ ሻክ ኤራኔ? 8 ቃስ ሞይዘ ፑኖይ ጌይድ ኤረቶና እፅኮ ኦላስ ጊገተይ ኦኔ? 9 ሄሳዳካ፥ ዱማ ዱማ ዶናን ህንተ ኦደተይስ ቆንጨ ግዶና እፅኮ ህንተ ኦደይሳ ኦን ኤራኔ? ሄስ ጫርኮስ ኦድያ መላ።

10 ሀ አላምያን ዳሮ ዶናት ደኦሶና፤ ሄ ኡባስ ብርሸꬅ ደኤስ። 11 ሽን እስ አስ ኦደትያ ዶና ታኒ ኤሮና እፅኮ እ ታዉ እማ ግዴስ፤ ታካ እያዉ እማ ግዳይስ። 12 ሄሳዳካ፥ ጌሻ አያና እሞታ ህንተ ኤካናዉ ምንꬅድ ኮይኮ፥ ዎሳ ኬꬅ ድቻናዉ ኡባፈ አꬍያ እሞታ ኮይተ።

13 ዱማ ዱማ ዶናን ኦደትያ አስ ባ ኦዳ ብርሻናዉ ብርሸꬃ እሞታይ እመታና መላ ፆሳ ዎሶ። 14 ታኒ ዱማ ዱማ ዶናን ፆሳ ዎስኮ፥ ታ አያናይ ዎሴስ፥ ሽን ታ ዎዛናይ አይኮካ ጎኤተና። 15 ያትን፥ ታ አይ ኦꬃናዉ ኮሺ? ታኒ ታ አያናን ዎሳይስ፤ ታ ዎዛናንካ ዎሳይስ። ታኒ ታ አያናን የፃይስ፤ ታ ዎዛናንካ የፃይስ። 16 ሄሳ ግዶና እፅኮ ኔኒ ነ አያናን ፆሳ ጋላትያ ዎደ ሄ በሳን ኔኒ ገይሳ ኤሮና አስ ነ ጋላተይሳ ዎይግድ፥ “አምንእ” ጋኔ? 17 ኔኒ ፆሳ ጋላተይስ ሎኦ፥ ሽን ሀራ አስ ማደና።

18 ታ ህንተ ኡባፈ አꬃዳ ዱማ ዱማ ዶናን ኦደትያ ግሾ ፆሳ ጋላታይስ። 19 ሽን ታኒ ዎሳ ኬꬃን ሀራታ ታማርሳናዉ ዱማ ዱማ ዶናን ታሙ ሙኩሉ ቃላ ኦደታናፐ እቻሹ ቃላ ኤረትያ ዶናን ኦደታናዉ ዶሳይስ።

20 ታ እሻቶ፥ ህንተ ቆፋን ናይታዳ ሀኖፕተ። ህንተ ኢታባስ ናይታዳ ሀንተፐ አትሽን፥ ህንተ ቆፋን ካሃማታ ግድተ። 21 ጎዳይ፥ ጌሻ ማፃፋን፥

26 ታ እሻቶ፥ ኑ ዎይግኖ? ህንተ እስፈ ሺቅያ ዎደ እሱዋስ ማዝሙረይ ደኤስ፤ እሱዋስ ታማርሶ እሞት ደኤስ፤ እሱዋስ ቆንጨꬅ ደኤስ፤ እሱዋስ ዱማ ዱማ ዶናን ሃሳዮይ ደኤስ፤ እሱዋስ ብርሸꬃ እሞት ደኤስ። ሄ ኡባይ ዎሳ ኬꬅ ድችያባ ግዳናዉ በሴስ። 27 ዱማ ዱማ ዶናን ኦደትያ አሳት ደእኮ፥ ናምአ ዎይኮ ዳርኮ ሄꬓ ግድድ ማራን ማራን ኦደታናዉ በሴስ። ኤንቲ ኦደተይሳ ሀራ አስ ብርሾ። 28 ሽን ብርሽያ አስ ꬋይኮ፥ ዱማ ዱማ ዶናን ኦደተይስ ዎሳ ኬꬃን ስእ ጎ። ባዉነ ባ ፆሳስ ኦዶ።

29 ትንብተ ኦደይሳት ናምአ ዎይኮ ሄꬓ ግድድ ኦዶ። ቃስ ሀራት ኤንቲ ግያባ ፕርዶና። 30 ሄ ሺቁዋን ደእያ ሀራ አሳስ እስባይ ቆንጭኮ ካሰ ኦደተይስ ስእ ጎ። 31 ኡባይ ታማራና መላነ ኡባይ ምናና መላ ማራን ማራን ትንብተ ኦዳናዉ ዳንዳኤታ። 32 ናበታ አያናይ ናበታስ ኪተቴስ። 33 ጌሻታ ዎሳ ኬꬃ ኡባይ ሜዘትዳይሳዳ ፆሳይ ሳሮተꬃ ፆሳፈ አትሽን፥ ቡቀꬅ መꬍያ ፆሲ ግደና።

34 ማጫስ ዎሳ ኬꬃን ስእ ጎ። ሙሰ ህገይ ገይሳዳ ኤንቲ ሃረቶፈ አትሽን፥ ዎሳ ኬꬃን ኦዳናዉ ኤንታዉ ማት ባዋ። 35 ማጫስ ዎሳ ኬꬃን ሃሳዮይ ቦርሶ ግድያ ግሾ እስባ ኤራናዉ ኮይኮ ሶን ባንታ አዝናታ ኦይቾና።

36 ፆሳ ቃላ ኮይሮ ህንተ ኤህደቲ? ዎይኮ ፆሳ ቃላይ ህንተ ፃላላኮ ይዴ? 37 ኦንካ ባና ናበ ዎይኮ ባና ፆሳ አስ ግድ ቆፕኮ፥ ታኒ ህንተዉ ፃፈይስ ጎዳ ኪታ ግደይሳ አኬኮ። 38 ሽን ኦንካ አኬኮና እፅኮ እካ አኬከቶፎ።

39 ሄሳ ግሾ፥ ታ እሻቶ፥ ትንብተ ኦዳናዉ ምንꬅድ አሞትተ፤ ቃስ ዱማ ዱማ ዶናን ኦደተይሳካ ድጎፍተ። 40 ሽን ኡባይካ ዎጋንነ ማራን ግዶ።

<- 1 ቆሮንቶሳ ኪታ 131 ቆሮንቶሳ ኪታ 15 ->