1 ሌወ አደ ናይት ገድሶና፥ ቃሃታነ ማራራ።

2 ቃሃታ አደ ናይት አምራማ፥ ይስሃራ፥ ከብሮናነ ኡዝኤላ።

3 አምራማ አደ ናይት አሮና፥ ሙሰነ ማይራሞ።

አሮና አደ ናይት ናዳባ፥ አብዮዳ፥ አላዛራነ እታማራ።

4 አላዛር ፕንሃሳ የልስ፤ ፕንሃስ አብሱ የልስ፤ አብሱይ ቡቃ የልስ፤ 5 ቡቅ ኦዛ የልስ፤ 6 ኦዝ ዛራ የልስ፤ ዛራህ ማራዮታ የልስ፤ 7 ማራዮት አማረ የልስ፤ አማረይ አክፆባ የልስ፤ 8 አክፆብ ሳዶቃ የልስ፤ ሳዶቅ አክማሳ የልስ፤ 9 አክማስ አዛርያሳ የልስ፤ አዛርያስ ዮሃና የልስ፤ 10 ዮሃን አዛርያሳ የልስ። ሶሎሞነይ የሩሳላመን ኬፅስዳ ፆሳ ኬꬃን ኦꬅዳ ካህነይ አዛርያሳ። 11 አዛርያስ አማረ የልስ፤ አማረይ አክፆባ የልስ፤ 12 አክፆብ ሳዶቃ የልስ፤ ሳዶቅ ሳሉማ የልስ፤ 13 ሳሉም ካልቀ የልስ፤ ካልቀይ አዛርያሳ የልስ፤ 14 አዛርያስ ሳራያ የልስ፤ ሳራይ እዮሳደቃ የልስ። 15 ጎዳይ ይሁዳነ የሩሳላመ ናቡካዳናፆራን ድኤታና መላ ኦꬅዳ ዎደ እዮሳደቅ ድኤትድ ብስ።

16 ሌወ አደ ናይት ገድሶና፥ ቃሃታነ ማራራ። 17 ገድሶና አደ ናይታ ሱንꬃይ ልብናነ ሳመአ። 18 ቃሃታ አደ ናይት አምራማ፥ ይስሃራ፥ ከብሮናነ ኡዝኤላ። 19 ማራራ አደ ናይት ማህላነ ሙሰ። ባንታ ሶ አሳን አሳን ፃፈትዳ ሌወ ያራይ ሀይሳ።

20 ገድሶና ናአይ ልብና፤ ልብና ናአይ ያሃታ፤ ያሃታ ናአይ ዛማታ። 21 ዛማታ ናአይ ዮኣካ፤ ዮኣካ ናአይ አዶ፤ አዶ ናአይ ዛራ፤ ዛራ ናአይ ያትራ።

22 ቃሃታ ናአይ አምናዳበ፤ አምናዳበ ናአይ ቆረ፤ ቆረ ናአይ አሴራ፤ 23 አሴራ ናአይ ሄልቃና፤ ሄልቃና ናአይ አብሳፋ፤ አብሳፋ ናአይ አሴራ፤ 24 አሴራ ናአይ ታሀታ፤ ታሀታ ናአይ ኡርኤላ፤ ኡርኤላ ናአይ ኦዝያና፤ ኦዝያና ናአይ ሳዉላ።

25 ሄልቃና አደ ናይት አማሳነ አክሞታ። 26 አክሞታ ናአይ ሄልቃና፤ ሄልቃና ናአይ ፆፋያ፤ ፆፋያ ናአይ ናሃታ፤ 27 ናሃታ ናአይ ኤልያባ፤ ኤልያባ ናአይ ይሮሃማ፤ ይሮሃማ ናአይ ህልቃና።

28 ሳሜላ ባይራ ናአይ እዩኤላ፤ ካሎይ አብያ።

29 ማራራ አደ ናይት ማህላ፤ ማህላ ናአይ ልብና፤ ልብና ናአይ ሳመአ፤ ሳመአ ናአይ ኦዛ፤ 30 ኦዛ ናአይ ሳምአ፤ ሳምአ ናአይ ሀግያ፤ ሀግያ ናአይ አሳያ።

31 ዳዊቲ ታቦትያ የሩሳላመ ኤህዳፐ ጉየ፥ ጎዳ ኬꬃን ሹምዳ ዛማረታ ሀላቃት ሀይሳፈ ካልድ ፃፈትዳይሳታ። 32 ሶሎሞነይ የሩሳላመን ጎዳ ፆሳ ኬꬃ ኬፃና ጋካናዉ፥ ጎዳ ታቦተይ ደእያ ዱንካንያ ስንꬃን እሶይ እሶይ ባ ማራን ማራን ማዝሙረ የፅሸ ጎዳስ ኦꬅዶሶና። 33 ባንታ አደ ናይታራ የፅዳይሳት ሀይሳፈ ካልድ ፃፈትዳይሳታ።

ቃሃታ ያራፐ ዛማርያ ሄማና፤ ሄማን እዩኤላ ናአ፤ እዩኤላ ሳሜላ ናአ፤ 34 ሳሜል ሄልቃና ናኣ፤ ህልቃን ይሮሃማ ናአ፤ ይሮሃም ኤልኤላ ናአ፤ ኤልኤል ቶሀ ናአ፤ 35 ቶህ ፆፋያ ናአ፤ ፆፋያ ሄልቃና ናአ፤ ህልቃን ማሃታ ናአ፤ ማሃት አማሳያ ናአ፤ 36 አማሳይ ሄልቃና ናአ፤ ሄልቃን እዩኤላ ናአ፤ እዩኤላ አዛርያሳ ናአ፤ አዛርያስ ሶፎንያሳ ናአ፤ 37 ሶፎንያስ ታሀታ ናአ፤ ታሀት አሴራ ናአ፤ አሴር አብሳፋ ናአ፤ አብሳፍ ቆረ ናአ፤ 38 ቆረይ ይሳራ ናአ፤ ይሳር ቃሃታ ናአ፤ ቃሃት ሌወ ናአ፤ ሌወይ እስራኤለ ናአ።

39 ሄማና ዳቦይ አሳፍ እያ ኡሻቻ ባጋራ ኤቅድ ኦꬄስ። አሳፍ ባራካ ናአ፤ ባራካ ስምአ ናአ፤ 40 ሽምእ ምካኤላ ናአ፤ ምካኤል ባአሳያ ናአ፤ ባኣስ ማልክያ ናአ፤ 41 ማልከይ ኤታና ናአ፤ ኤታን ዛራ ናአ፤ ዛር አዳያ ናአ፤ 42 አዳይ ኤታና ናአ፤ ኤታን ዛማታ ናአ፤ ዛማት ሳመአ ናአ፤ 43 ሳመእ ያሃታ ናአ፤ ያሃት ገድሶና ናአ፤ ገድሶን ሌወ ናአ።

44 ኤንታፈ ሀድርሳ ባጋራ ኤንታ ዳቦት፥ ማራራ ያራት ኤቆሶና። ኤታን ቂሳ ናአ፤ ቂስ አብድ ናአ፤ አብድ ማሉካ ናአ፤ 45 ማሉክ ሀሻባያ ናአ፤ ሀሻባያ አማስያሳ ናአ፤ አማስያስ ካልቀ ናአ፤ 46 ክልቀይ አሜሳ ናአ፤ አሜስ ባና ናአ፤ ባን ሳማራ ናአ፤ 47 ሳማር ማህላ ናአ፤ ማህል ሙሰ ናአ፤ ሙስ ማራራ ናአ፤ ማራር ሌወ ናአ። 48 ኤንታ ዳቦ ግድዳ ሌወት ፆሳ ዱንካንያን ኦꬃናዉ ሱንትዶሶና።

49 ሽን አሮንነ እያ ኮቻት እፃነ ጩይሶሶና፤ ያርሾ በሳን ፁሳ ያርሾ ያርሾሶና። ፆሳ አይለይ ሙሰይ ኪትዳይሳዳ ኡባፈ ጌሻ በሳን ጎይንያ ጎይኖ ኡባስነ ፆሳይ እስራኤለ ናጋራ አቶ ያግስያ ያርሹዋ ያርሻናዉ አዋተꬅ ኤንታዉ ደኤስ።

50 አሮና የለታይ ሀይሳፈ ካልድ ፃፈትዳይሳታ። አሮና ናአይ አላዛራ፤ አላዛራ ናአይ ፕንሃሳ፤ ፕንሃሳ ናአይ አብሱ፤ 51 አብሱ ናአይ ቡቃ፤ ቡቃ ናአይ ኦዛ፤ ኦዛ ናአይ ዛራሀ። 52 ዛራሀ ናአይ ማራዮታ፤ ማራዮታ ናአይ አማረ፤ አማረ ናአይ አክፁባ፤ 53 አክፁባ ናአይ ሳዶቃ፤ ሳዶቃ ናአይ አክማሳ።

54 አሮና ኮቻት ዳና መላ ኤንታዉ እመትዳ በሳት ሀይሳፈ ካልድ ፃፈትዳይሳ።

ኮይሮ ሳማይ ቃሃታ ያራስ ከይዳ ግሾ 55 ይሁዳን ደእያ ከብሮና ካታማነ እያ ዩሹዋን ደእያ ሄንꬃ በሳታ ኤንታዉ እምዶሶና። 56 ሽን ከብሮና ጎሻ ጋደታነ እያ ዩሹዋን ደእያ ጉታታ ዮፎነ ናኣ ካለባስ እምዶሶና። 57 አሮና ናይታስ ባቃትድ አትያ ካታማታ፥ ከብሮና፥ ያትራ፥ ልብና፥ ኤሽታሞአነ ኤንታ ሄራን ደእያ ሄንꬃ በሳታ። 58 ሆሎና፥ ዳብራነ ኤንታ ሄራን ደእያ ሄንꬃ በሳታ፥ 59 አሳና፥ ቤት-ሳሜሳነ ኤንታ ሄራን ደእያ ሄንꬃ በሳታ እምዶሶና። 60 ቃስ ብንያመ ቢታ ዛዋፐ ግብአ፥ ጋለማታ፥ አናቶተነ ኤንታ ሄራን ደእያ ሄንꬃ በሳታ ኤንታዉ እምዶሶና። አሮና ናይታስ እመትዳ ካታማት ኩመꬅ ታማነ ሄꬓ። 61 ምናሰ ያራ ባጋ ቢታፈ ታሙ ካታማታ አትዳ ቃሃታ ያራስ እምዶሶና።

62 ይሳኮራ፥ አሴራ፥ ንፍታለመነ ባሳነን ደእያ ምናሰ ያራ ቢታ ዛዋፐ ታማነ ሄꬑ ካታማታ ገድሶና ያራስ እምዶሶና።

63 ሮቤላ፥ ጋደነ ዛብሎና ቢታ ዛዋፐ ታማነ ናምኡ ካታማታ ማራራ ያራስ እምዶሶና።

64 ሄሳዳ ኦꬅድ፥ እስራኤለ አሳይ ሌወታስ ሀ ካታማታነ ኤንታ ሄራን ደእያ ሄንꬃ ቢታ እምዶሶና። 65 ይሁዳፐ፥ ስሞናፐነ ብንያመ ቢታ ዛዋፐ ሀይሳፈ ቆሞን ፃፈትዳ ካታማታ ኤንታዉ እምዶሶና።

66 ቃሃታ ያራፐ ጉꬃት ኤፍሬማ ቢታ ዛዋፐ ካታማታነ ኤንታ ሄራን ደእያ ሄንꬃ በሳታ ኤክዶሶና። 67 ኤንታዉ አሳይ ባቃትድ አትያ ካታማታ፥ ደረይ ዳርያ ኤፍሬማ ቢታን ደእያ ሴከማ፥ ገዘራ፥ 68 ዮቅምኣማ፥ ቤት-ሆሮና፥ 69 ኤሎና፥ ጋት-ርሞናነ ኤንታ ሄራን ደእያ ሄንꬃ በሳታ እምዶሶና። 70 ምናሰ ኮቻ ባጋፈ አኔራ፥ ብልኣማነ ኤንታ ሄራን ደእያ ሄንꬃ በሳታ፥ አትዳ ቃሃታ ያራስ እምዶሶና።

71 ምናሰ ኮቻ ባጋፈ ባሳነን ደእያ ጎላና፥ አስታሮታነ ኤንታ ሄራን ደእያ ሄንꬃ በሳታ ገድሶና ያራስ እምዶሶና። 72 ይሳኮራ ኮቻፈ ቃደሳ፥ ዳብራተነ ኤንታ ሄራን ደእያ ሄንꬃ በሳታ፥ 73 ራሞታ፥ አነማናነ ኤንታ ሄራን ደእያ ሄንꬃ በሳታ እምዶሶና። 74 አሴራ ኮቻፈ ማሻላ፥ አብዶና፥ 75 ሁቆቃ፥ ረሆባነ ኤንታ ሄራን ደእያ ሄንꬃ በሳታ እምዶሶና። 76 ንፍታለመ ኮቻፈ ጋልላን ደእያ ቃደሳ፥ ሀሞና፥ ቅራታይማነ ኤንታ ሄራን ደእያ ሄንꬃ በሳታ እምዶሶና።

77 አትዳ ማራራ ያራስ ዛብሎና ኮቻፈ እርሞና፥ ታቦረነ ኤንታ ሄራን ደእያ ሄንꬃ በሳታ እምዶሶና። 78 ሮቤላ ኮቻፈ እያርኮፈ ሄፍንꬃን ዮርዳኖሰፐ ዶሎሀ ባጋራ፥ ꬎቃ ደንባን ደእያ ቦሶራ፥ ያሳነ፥ 79 ቅድሞታ፥ መፋታነ ኤንታ ሄራን ደእያ ሄንꬃ በሳታ እምዶሶና። 80 ጋደ ኮቻፈ ጋላዳን ደእያ ራሞታ፥ ማሀናይማ፥ 81 ሀሰቦና፥ እያዜራነ ኤንታ ሄራን ደእያ ሄንꬃ በሳታ እምዶሶና።

<- 1 ታርከ ማፃፋ 51 ታርከ ማፃፋ 7 ->