1 እስራኤለ አደ ናይት ሀይሳታ፤ ሮቤላ፥ ስሞና፥ ሌወ፥ ይሁዳ፥ ይሳኮራ፥ ዛብሎና፥ 2 ዳነ፥ ዮሰፋ፥ ብንያመ፥ ንፍታለመ፥ ጋደነ አሴራ።

3 ካናነ ማጫሰ ሰዋፐ ይሁድ የልዳ ሄꬑ አደ ናይት ኤራ፥ ኦናናነ ሴላ። ይሁዳ ባይራ ናአይ ኤር ጎዳ ስንꬃን ኢታባ ኦꬅዳ ግሾ ጎዳይ እያ ዎꬍስ። 4 ይሁድ ባ ናኣ ማቸ ትማርፐ ፋረሳነ ዛራ የልስ። ይሁዳስ እቻሹ አደ ናይት ደኦሶና።

5 ፋረሳ አደ ናይት ሄስሮማነ ሀሙላ።

6 ዛራ አደ ናይት ዝምራ፥ ኤታና፥ ሄማና፥ ካልኮላነ ዳራ፤ ኤንቲ ኩመꬅ እቻሻ። 7 ዛራ ኮቸ ግድዳ ካርማ ናአይ አካን ፆሳስ ዱማትዳ ድኡዋፐ ካይሶትድ እስራኤለ አሳ ኡንኤꬅዳይሳ። 8 ኤታና ናአይ አዛራ።

9 ሄስሮን የልዳ ናይት ይራምኤላ፥ አራመነ ካለባ። 10 አራም አምናዳበ የልስ። አምናዳበይ ይሁዳ ኮቻታ ሀላቃ ናአሶና የልስ። 11 ናአሶን ሳልሞና የልስ፤ ሳልሞን ቦኤዛ የልስ፤ 12 ቦኤዝ እዮበዳ የልስ፤ እዮበድ እሰየ የልስ። 13 እሰየይ ባ ባይራ ናኣ ኤልያባ፥ ካሎ ናኣ አምናዳበ፥ ሄꬓንꬆ ናኣ ሳማ፥ 14 ኦይዳንꬆ ናኣ ናትናኤላ፥ እቻሻንꬆ ናኣ ራዳያ፥ 15 ኡሱፑንꬆ ናኣ አሳማ፥ ላፑንꬆ ናኣ ዳዊታ የልስ። 16 እሰየ ማጫ ናይት ፃሩዮነ አብግያ። ፃሩይ ናይት ሄꬓት አብሳያ፥ እዮኣባነ አሳሄላ። 17 አብግያ አማሳ የላሱ፤ አማሳ አዋይ እስማኤላ አድያ የተራ።

18 ሄስሮና ናኣ ካለባስ አዙቦነ ይርኦቶ ጌተትያ ናምኡ ማቸት ደኦሶና። እ አዙብፐ የሳራ፥ ሶባባነ አርዶና የልስ። 19 አዙብ ሀይቅን፥ ካለብ ኤፍራቶ ኤክስ፤ ኤፍራታ ሁራ የላሱ። 20 ሁር ኡረ የልስ፤ ኡረይ ባስልኤላ የልስ።

21 ሄስሮናስ ላይꬅ ኡሱፑን ታሙ ግድን፥ ጋላዳ አዋ ማክራ ናእዉ ኤክድ ሳጉባ የልስ። 22 ሳጉብ ያእራ የልስ። ያእር ጋላዳ ቢታን ደእያ ላታማነ ሄꬑ ካታማታ ሃርስ። 23 ሽን ገሹራነ ሶረ ካዎት ያእራ ካታማታ ቃናታነ እያ ዩሹዋን ደእያ ኡሱፑን ታሙ ካታማታ ኦልድ ኦይክዶሶና፤ ያን ደእያ አሳ ኡባይ ጋላዳ አዋ ማክራ ኮቸ። 24 ሄስሮን ካለባ ኤፍራታ ጌተትያ በሳን ሀይቅዳፐ ጉየ፥ ሄስሮና ማችያ አብያ ተቁሄ አዋ አሽሁራ የላሱ።

25 ሄስሮና ባይራ ናኣ ይራማኤላ ባይራ ናአይ ራማ፤ ካሎት ቡና፥ ኦረና፥ ኦፄማነ አክያ። 26 ይራህምኤላስ አታሮ ጌተትያ ሀራ ማቻ ደአዉሱ፤ አታራ ኦናማ አይዉ።

27 ይራማኤላ ባይራ ናኣ ራማ ናይት ማአሳ፥ ያምናነ ኤቀራ።

28 ኦናማ ናይት ሻማያነ ያዳ።

ሳማየ ናይት ናዳበነ አብሱራ። 29 አብሱራ ማችያ አብካላ አህባናነ ሞልዳ የላሱ። 30 ናዳባ አደ ናይት ሰልዳነ አፋይማ፤ ሰልድ ናአ የሎና ሀይቅስ። 31 አፋይማ ናአይ ይሽአ፤ ይሽአ ናአይ ሶሳና፤ ሶሳና ናአይ አህላያ።

32 ሻማያ እሻ ያዳ ናይት የተራነ ዮናታና፤ የተር ናአ የሎና ሀይቅስ። 33 ዮናታና ናይት ፈልታነ ዛዛ።

ሀይሳቲ ይራማኤላ ኮቻታ።

34 ሶሳናስ ማጫ ናአፐ አትሽን፥ አደ ናእ ባዋ። ሶሳናስ እዮሄላ ጌተትያ ግብፀፈ አይለይ ደኤስ። 35 ሶሳን ባ ናእዉ ባ አይልያ እዮሄላስ እምን፥ አታያ ናአ የላሱ። 36 አታይ ናታና የልስ፤ ናታን ዛባዳ የልስ፤ 37 ዛባድ ኤፍላላ የልስ፤ ኤፍላል ኦቤዳ የልስ፤ 38 ኦቤድ እዩ የልስ፤ እዩይ አዛራ የልስ፤ 39 አዛርያስ ከለሳ የልስ፤ ከለስ ኤልኣሳ የልስ፤ 40 ኤልኣስ ስስማያ የልስ፤ 41 ስስማይ ሳሎማ የልስ፤ ሳሎም ይቃማ የልስ፤ ይቃም ኤልሳማ የልስ።

42 ይራማኤላ እሻ ካለባ ባይራ ናአይ ሞሳ። ሞሳ ናአይ ዚፋ፤ ዚፋ ናአይ መሬሳ፤ መሬሳ ናአይ ከብሮና። 43 ከብሮና ናይት ቆራሀ፥ ተፉዋ፥ ረቄማነ ሻማያ። 44 ሻማየይ ዮርቃኣማ አዋ ራሃማ የልስ። ረቄም ሻማያ የልስ። 45 ሻማያ ናአይ ማኦና። ማኦን ቤት-ፁራ የልስ።

46 ካለባ ላገꬅያ ኤፋ፥ ሀራና፥ ሞዳነ ጋዜዛ የላሱ፤ ሀራን ጋዜዛ ጌተትያ ሀራ አደ ናአ የልስ።

47 ያህዳያ ናይት ረገማ፥ እዮአታማ፥ ገሻና፥ ፋለፃ፥ ኤፋነ ሻፋ።

48 ካለባ ላገꬅያ ማእካ ሸበራነ ትርሃና የላሱ። 49 ቃስካ መድማና አዋ ሻፋነ ማክቤናነ ግብአ አዋ ሱሳና የላሱ።

ካለባ ማጫ ናኤ ሱንꬃይ አክሶ።

50 ካለባ ናይት ሀራት ሀይሳፈ ካልድ ፃፈትዶሶና። ካለብ ባ ባይራ ናኣ ሁራ ባ ማቸ ኤፍራታፐ የልስ። ሁራ ናይት ቅርያት-ይኣርማ አዋ ሶባላ፥ 51 ቤተለመ አዋ ሳልሞናነ ቤት-ጋደራ አዋ ሀሬፋ። 52 ቅርያት-ይኣርማ አዋ ሶባላ ያራት ሀሮኤታታነ ማኑሆታ ያራታፐ ባጋታ። 53 ቅርያት-ይኣርማ ያራት ያትረታ፥ ፑተታ፥ ሹማተታነ ምሽረታ። ፆርአትነ ኤሽታኦለት ሀይሳታፐ የለትዶሶና። 54 ቤተለመ አዋ ሳልሞና ያራት ናፆፋታ፥ አፅሮት-ቤተዮአበታ፥ ማኑሆታ ያራታፐ ባጋታነ ፆርአታ። 55 ያበፃ ካታማን ደእያ ፃፈታ ያራት ትርኤታ፥ ሽምአታነ ሱካታ። ሀይሳቲ ረካባታ አዋ ሀማታፐ የለትዳ ቄናታ።

<- 1 ታርከ ማፃፋ 11 ታርከ ማፃፋ 3 ->