1 ሄሳፌ ጉዬ፥ ታኒ ሳሎ ፄሊያ ዎዴ ዶዬቲዳ ፔንጌ ቤዓስ። ቃሲ ታ ካሴ ሲዒዳ ሞይዜ ጊርሳ ሜላይ ታኮ፥ «ሃ ኬያ፤ ሃይሳፌ ጉዬ፥ ሃናናው ዴዒያባ ታ ኔና ቤሳና» ያጊስ። 2 ሄ ዎዴ ታ ኣያናን ሃሬታዳ ዴዓይስ። ሄኮ፥ ሳሉዋን ኣራታ ቦላ ኢሶይ ኡቲዳይሳ ቤዓስ። [a] 3 ሄ ኡቲዳይሳ ማላይ ኢያስጴዴኔ ሳርዲዮና ጊያ ኣልዖ ሹቻ ሜላ። ኢያ ኣራታ ዩሹዋን ኣልዖ ሹቺ ዳኒያ ዙላይ ዴዔስ። 4 ሄ ኣራታ ዩሹዋን ላታማኔ ኦይዱ ኣራታቲ ዴዖሶና፤ ኤንታ ቦላ ቦꬃ ማዖ ማዒዲ፥ ሁዔን ዎርቃ ካላቻ ዎꬂዳ ላታማኔ ኦይዱ ጪማቲ ኡቲዶሶና። 5 ኣራታፔ ዎልዓንꬂ፥ ጉንꬂኔ ዴሾይ ኬዬስ። ኣራታ ሲንꬃን ላፑን ፖዒያ ፆምፔቲ ዴዖሶና፤ ኤንቲ ላፑን ፆሳ ኣያናታ። [b] 6 ኣራታ ሲንꬃን ቢሪሌ ዳኒያ ጶሊያ ቡርጩኮ ኣባይ ዴዔስ። [c][d]

ሲንꬃራኔ ጉዬራ ኣይፌይ ዴዒያ ኦይዱ ዴዖራ ዴዒያ ሜꬌቴꬃቲ ኣራታ ዩሹዋኒኔ ኣራታ ጊዶን ዴዖሶና። 7 ኮይሮ ሜꬌቴꬃ ሜꬎይ ጋሞ ዳኔስ፤ ናምዓንꬆይ ቦሪ ዳኔስ፤ ሄꬓንꬆይ ኣሴ ዳኔስ፤ ቃሲ ኦይዳንꬆይ ፒራꬊያ ኣርጋንꬂ ዳኔስ። 8 ኦይዱ ሜꬌቴꬃታ ኡባስ ኡሱፑን ቄፌይ ዴዔስ፤ ኤንታ ኣሳቴꬃ ኡባይ ኣይፌን ኩሚስ። [e] ኤንቲ ቃማኔ ጋላስ ቃንፆና፥