5 ሃዋሬቲ ጎዳኮ፥ «ኣማኖ ኑስ ጉጃርኪ» ያጊዶሶና።
6 ጎዳይ፥ «ጋሼ ኣይፌ ሜላ ኣማኖይ ሂንቴው ዴዒኮ ‹ሃይሳ ዎላ ሾዴታዳ ኣባ ጊዶን ቶኬታ› ያጊኮ ሂንቴው ኪቴታና» ያጊስ።
7 ጉጂዲካ ዬሱሲ፥ «ሂንቴ ጊዶፌ ኢሱዋስ ጎሻንቾይ ዎይኮ ዶርሴ ሄሚያ ኣይሌይ ዴዒኮ ኦሶ ጋዴፔ ዎይኮ ዉዴፔ ሶ ሲሚያ ዎዴ ‹ኤሌ ሃያዳ ካꬂ ማናው ኡታ› ያጌይ ዴዒ? 8 ዴና፥ ‹ታው ካሆ ጊጊሳ፤ ታኒ ማዳ፥ ኡያዳ ኣጋና ጋካናው ኤቃዳ ሙዛ። ሄሳፌ ጉዬ፥ ኔኒ ቃሲ ማሳኔ ኡያሳ› ያጌኔዬ? 9 ሂዛ፥ ጎዳይ፥ ኣይሌይ ኪታ ፖሊዳ ጊሾ ኣንጂዬ? 10 ሄሳ ጊሾ፥ ሂንቴካ ኪቴቶይሳ ኡባ ፖሊዳ ዎዴ ‹ኑ ፓꬆና ኣይሌታ፤ ኦꬃናው ቤሲያ ኦሱዋ ፖሊዳ› ያጊቴ» ያጊስ።
14 ኢ ኤንታ ቤዒዳ ዎዴ «ቢዲ ሂንቴናቴꬃ ኣይሁዴ ካሂኔ ቤሲቴ» ያጊስ። ኤንቲ ኦጊያ ቦላ ቢሼ ፓፂዶሶና። [b]
15 ኤንታፌ ኢሶይ ባ ፓፁዋ ቤዒዳ ዎዴ ꬎቁ ጊዳ ቃላን ፆሳ ቦንቺሼ ዬሱሳኮ ሲሚስ። 16 ኢ ሳማሬ ቢታ ኣሲ፥ ሺን ዬሱሳ ቶሁዋ ቦላ ጉፋኒዲ ኢያ ጋላቲስ።
17 ዬሱሲ፥ «ፓፂዳይ ታሙ ኣሳታ ጊዶኮናዬ? ያቲን፥ ኡዱፉናቲ ኣው ቢዶና? 18 ሃ ኣላጋ ኡራፔ [c] ኣቲን ሃሪ ሲሚዲ ፆሳ ጋላቴይ ዴና ጉሴዬ?» ያጊዲ ኦይቺስ። 19 ኡራኮ፥ «ኔ ኣማኖይ ኔና ፓꬂስ፤ ዴንዳዳ ባ» ያጊስ።
20 ፋሪሳዌቲ፥ «ፆሳ ካዎቴꬃይ ኣዉዴ ያኔ?» ጊዲ ዬሱሳ ኦይቺዶሶና። ኢ፥ «ፆሳ ካዎቴꬃይ ቤንቲያ ማላን ዬና። 21 ቃሲካ ኢዮ፥ ‹ሃኒና ዎይኮ ሂኒና ያጋናው ዳንዳዔና። ኣይስ ጊኮ፥ ፆሳ ካዎቴꬃይ ሂንቴ ጊዶን ዴዔስ› » ያጊዲ ዛሪስ።
22 ዬሱሲ ባ ታማሬታኮ፥ «ኣሳ ናዓ ጋላሳታፔ ኢሱዋ ቤዓናው ሂንቴ ኣሞቲያ ዎዴይ ያና፥ ሺን ሂንቴ ቤዔኬታ። 23 ኣሳይ፥ ‹ኢ ያን ዴዔስ› ዎይኮ፥ ‹ሃይሳን ዴዔስ› ያጋና፥ ሺን ኤንታና ካሊዲ ቦፒቴ። 24 ዎልዓንꬂ ዎልዓሚዲ ሳሉዋ ጋፃፔ ጋፃ ፖዒሲያ ሜላ ኣሳ ናዓ ዩሳ ጋላሳይ ሄሳዳ ሃናና። 25 ሺን ሄሲ ሃናናፔ ሲንꬄ ኣሳ ናዓይ ዳሮ ዋያናዉኔ ሃ ዬሌቴꬃን ኢፄታናው ቤሴስ። 26 ኖሄ ዎዴ ሃኒዳይሳ ሜላ ኣሳ ናዓ ዎዲያንካ ሄሳዳ ሃናና። [d] 27 ኖሄይ ማርካቢያን ጌሊዳ ቃማ ጋካናው ኣሳይ ሚሼኔ ኡዪሼ፥ ኤኪሼኔ ጌሊሼ ዴዒሺን ꬋዮ ሃꬃይ ዪዲ ኡባ ꬋይሲስ።[e] 28 ሎፄ ላይꬃንካ ሄሳꬆ ሃኒስ። ኣሳይ ሚሼኔ ኡዪሼ፥ ሻሚሼኔ ባይዚሼ፥ ቶኪሼኔ ኬፂሼ፥ ጋምዒዶሶና። [f] 29 ሎፄይ ሶዶሜፔ ኬዪዳ ጋላስ ዲኔ ጌቴቲያ ፁጊያባይ ሳሎፔ ቡኪዲ ኡባ ꬋይሲስ። 30 ኣሳ ናዓይ ቆንጪያ ዎዴካ ሄሳዳ ሃናና።
31 «ሄ ጋላሳን ኦኒካ ካሬን ዴዔይ ኬꬃ ጊዶን ዴዒያባ ኤካናው ሶ ጌሎፖ። ሄሳዳካ፥ ጋዴን ዴዒያ ኣሲ ኣይኮስካ ሶ ሲሞፎ። [g] 32 ሎፄ ማቺው ኣኬኪቴ፤ [h] 33 ባ ሼምፒው ኣሻናው ኮያ ኣሲ ኦኒካ ꬋይሳና፤ ባ ሼምፒው ኣꬂ ኢሚያ ኦኒካ ኢ ኣሻና። [i] 34 ታ ሂንቴው ኦዳይስ፤ ሄ ጋላሳን ናምዑ ኣሳቲ ኢሲ ኣርሳን ዚንዓና። ኢሶይ ኤኬታና፥ ሃንኮይ ኣታና። 35 ናምዑ ማጫሳቲ ዎላ ጋጪሺን ኢሲያ ኤኬታና፥ ሃንኪያ ኣታና። 36 ናምዑ ኣሳቲ ዎላ ጋዴን ጎዬይሳታፔ ኢሶይ ኤኬታና፥ ሃንኮይ ኣታና» [j] ያጊስ።
37 ኤንቲ፥ «ጎዳው ኣው ኤኬታኔ?» ያጊዲ ኦይቺዶሶና።