1 ሂዛ፥ ጎዳ ጊሾ ቃሼቲዳ ታኒ፥ ሂንቴ ፄጌቲዳ ፄሳስ ቤሲያ ዴዖ ዳና ሜላ ሂንቴና ዎሳይስ። 2 ሂንቴ ኡባ ዎዴ ኣዳኔ ሃዮ ጊዲቴ፤ ኢሶይ ኢሱዋ ዳንዳዒቴኔ ሲቆን ዴዒቴ። [a] 3 ሳሮቴꬃን ቃሼቲዲ ኣያናይ ኢሚያ ኢሲፌቴꬃ ናጋናው ሚኒቴ። 4 ፆሳይ ሂንቴና ፄጊዳ ዎዴ ኢሲ ኡፋይሳስ ፄጊዳይሳዳ ኢሲ ኣሳቴꬂኔ ኢሲ ኣያኒ ዴዔስ። 5 ኢሲ ጎዳይ፥ ኢሲ ኣማኖይኔ ኢሲ ፂንቃቴይ ዴዔስ። 6 ኡባፌ ቦላ ጊዲዳ፥ ኡባ ባጋራ ኦꬂያኔ ኡባ ጊዶን ዴዒያ ኢሲ ፆሳይ፥ ኡባ ኣዋይ ዴዔስ።

7 ሺን ኪሪስቶሲ ኢማናው ኮዪዳይሳዳ ኑ ኢሶይ ኢሶይ ዱማ ዱማ ኢሞታ ኤኪዳ። 8 ሄሳ ጊሾ፥ ፆሳ ቃላይ፥

17 ሄሳ ጊሾ፥ ታኒ ሃይሳ ሂንቴው ጎዳ ሱንꬃን ኦዳይሲኔ ማርካታይስ። ጎዒ ባይና ቆፋ ቆፒያ ኣይሁዴ ጊዶና ኣሳታዳ ዴዖፒቴ። 18 ኤንታ ቆፋይ ꬉሚስ፤ ባንታ ዎዛና ሙሚሲዶሶና። ኤንቲ ኤራቴꬃ ꬋዮኒኔ ኢፃስ ጊዲ ፆሳይ ኢሚያ ዴዑዋፔ ሃኪዶሶና። 19 ኤንቲ ዬላ ጊያባ ኤሮኮና፤ ኤንቲ ላይማቴꬃስ ባንታና ኣꬂ ኢሚዶሶና፤ ቃሲ ቱናባ ኡባ ጉዬ ጎና ኦꬆሶና።

20 ሺን ሂንቴ ኪሪስቶሳ ኤሪዳይ ሄሳ ሜላ ኦጌን ጊዴና። 21 ኢያባ ቱማ ሲዒዴታ። ቃሲ ዬሱሳን ዴዒያ ቱማ ሜላ ኢያፔ ታማሪዴታ። 22 ሂንቴ ካሴ ዴዒያ ዴዖ ኦጊያ ኣጊቴ። ቃሲ ባ ጪሚያ ኣሞን ꬋያ ሂንቴ ጬጋ ኣሳቴꬃ ዲጊቴ። [d] 23 ሂንቴ ዎዛና ቆፋን ኦራፂቴ። 24 ቱማ ፂሎቴꬃኒኔ ጌሻቴꬃን ፆሳ ሌሚሶን ሜꬌቲዳ ኦራꬃ ኣሳቴꬃ ማዒቴ። [e]

25 ሂዛ፥ ዎርዶ ኦዴቶፊቴ። ኑኒ ኡባይ ኪሪስቶሳ ኣሳቴꬃ ቢሊቴታ ጊዲያ ጊሾ ኣሳ ኡባራ ቱማ ኦዴቲቴ። [f] 26 ሃንቄቲቴ፥ ሺን ሂንቴ ሃንቁዋን ናጋራ ኦꬆፊቴ። ሂንቴ ሃንቄቲ ዴዒሺን ኣዊ ዉሎፎ። [g] 27 ፃላሄስ ቤሴ ኢሞፊቴ። 28 ካይሲያ ኡራይ ሂዛፔ ጉዬ ካይሶቶፖ። ሺን ማንቆታ ማዲያባይ ኢያው ዳና ሜላ ባ ኩሼን ሎዖባ ኦꬆ።

29 ሂንቴ ዶናፔ ኢታ ቃሊ ኬዮፖ። ሺን ሲዔይሳታ ጎዓና ሜላኔ ሃራታ ሚንꬄꬂያ ኮሺያ ሎዖ ቃሊ ሂንቴ ዶናፔ ኬዮ። 30 ፆሳይ ሂንቴና ዎዚያ ጋላሳስ ሂንቴና ኣታሚዲ ዎꬂዳ ፆሳ ኣያና ኣዛንꬆፊቴ። 31 ጫሜቴꬂ፥ ዪሎ፥ ሃንቆ፥ ዋሶ፥ ጫሼኔ ኢታ ኡባ ሂንቴፌ ሃሲቴ። 32 ኣꬂዲ ኢሶይ ኢሱዋስ ኬሃኔ ቃꬌቴይሳታ ጊዲቴ። ፆሳይ ኪሪስቶሳ ባጋራ ሂንቴው ኣቶ ጊዳይሳዳ ሂንቴካ ዎሊስ ኣቶ ጊቴ። [h]