DEUTERONOMY

Guyaŋinyamirriyama yukurra ḻakarama Godku rom nhanukalayŋumirriwu yolŋu'‐yulŋuwu

Dhuwalana malanha ŋunhi dhäruktja ŋunhi ŋayi [a]Mawtjitjthu waŋana yukurrana ḻakaraŋala bukmakku ŋurikiyi [b]Yitjuralpuyŋuwu yolŋu'‐yulŋuwu, ŋunhi walala yukurrana nhinana ŋunhala ŋanhdharkŋura wäŋaŋura wiraŋŋura, dhimurru'ŋura gali'ŋura [c]Djodanŋura mayaŋ'ŋura. Yo, 40‐na dhuŋgarranydja liŋguna djuḻkthurruna ŋuliŋurunydja ḏaykun'ŋuru ŋunhi walala gonha'yurrunana [d]Yetjip wäŋa, ga ŋunhiliyinydja wäŋaŋura walala yukurrana nhinana, galkurruna yukurrana marrtjinyarawu gulŋiyinyarawuna bala [e]Gaynanlilina. Bala ŋayi Mawtjitjthu ḻakaraŋala yukurrana bitjarrana walalambala, dhunuk‐dhunukmirriyaŋalana Godku romnha malanha. 6 Ŋayi waŋananydja bitjarra, “Ŋunhala ŋunhi bukuŋuranydja [f]Djäniyanydja yäkuŋura Garrayyu ŋilimurruŋgala Godthu waŋana bitjarra, 'Dhiyalanydja bukuŋura ŋunhi nhuma yukurrana nhinana märr‐weyinnha. 7 Gonha'yurrana dhuwalayi wäŋanhanydja, ga marrtjiya mukthurrana‐wala yana. Wekaŋalanydja ŋarra ŋunhi ŋunhiyinydja wäŋa Gaynanbuynydja nhumalaŋguway, bukmak ŋunhi ŋarra dhawu'‐nherrara yukurrana ŋäthili nhumalaŋgalaŋuwala märi'muwala. 8 Ŋunhiyi wäŋanydja nhumalaŋguway yana. Marrtjiyana‐wala yana, bala gulŋiyiyana ŋunhiwalayi wäŋalilinydja. Djaw'yurrana yana ŋuliŋuruyi miriŋuwalanydja, bala nhiniyana wäŋaraŋana yukirriya, märr yurru ŋunhiyi wäŋanydja goŋŋura nhumalaŋgalaynha yana.’ ” Ga bitjarra ŋayi yukurrana God waŋananydja.

GUYAŊINYAMIRRIYAMA YUKURRA ROMDHU 2 ->