1 Ŋuliŋurunydja dhäŋuru walala yolŋu'‐yulŋunydja Yitjuralpuyŋunydja marrtjina bala Yiprunlilina, ga waŋana Daypitnhana, “Ŋilimurrunydja dhuwala gurruṯu'mirri walala, ŋanapurru Yitjuralpuyŋu ga nhuma Djuda walala. 2 Ŋäthilinydja ŋunhi Djol yukurrana walŋaŋga yana nhinana ya', ŋunhinydja ŋuli nhepiŋga ŋurru‐warryuna ŋanapurrunha marilili, ga Garraynydja waŋana nhena yurru ŋanapurruŋgu ŋurruŋuyirri.” 3 Bala yana walala Yitjuralpuyŋuyunydja waṉa‐nherrara Daypitnhana, ŋayina yurru ŋurruŋu walalaŋgunydja, bala ŋunhinydja bitjarra Yitjuralpuyŋu ga Djuda walala bäpurru' biyapul waŋgany‐manapanminayi, ga ŋayipi yurru Daypit yukurra dharraynydja walalaŋgu bukmakku.
4-25 Ŋulinyaramirriyunydjayi waluyu ŋunha *5:4–25 JerusalemDjurutjalamŋuranydja wäŋaŋura yukurrana nhinana bäpurru yolŋu †5:4–25 JebusDjepatjpuy, ga Djepatjtja ŋunhi bäpurru' yolŋu'‐yulŋu yukurranha ŋuli ḻakaranhaminya ŋunhi walalanydja biyapulnha wal'ŋu wuṉḏaŋarrmirri yolŋu'‐yulŋu, ganydjarr‐ḏilkurruna biyapul'nha dhika. Yurru ŋayi Daypitthunydja ga nhanukalanydja malayu märraŋalana yana ŋunhiyi wäŋa Djurutjalam, bala ŋayi Daypittja marrtjinana, bala nhinanana ŋunhili wäŋaŋura, ga yolŋuyunydja ŋuli ḻakaranha ŋunhayi wäŋanydja Daypitkuna wäŋa bitjana. Daypitthu dhuḻ'yurrunanydja ŋunhayi wäŋanydja ga wuṉḏaŋarrnha dhikana, ga bitjarrayi liŋgu ŋayi dhuḻ'yurrunayi nhanŋuwaynydja ŋayi wäŋa ḻatju'na dhikana ŋanyana. Yo, Godthu guŋga'yurruna yukurrana Daypitnhanydja, liŋgu ŋayi yukurrana malthurruna nhanŋuway yana Godku, ga bitjanayi ŋayi ŋuli djäka yukurranha yolŋu'‐yulŋuwu Godkalaŋuwunydja miṯtjiwu ŋamathanha yana.
Ga ŋunhala Djurutjalam Daypitthu märraŋala wiripunha miyalknha, ga yumurrku'nha walalaŋguway ḏarramuwurrunha ga dhäykawurrunha, ga ŋayi ‡5:4–25 SolomonDjalamandja yäku dhawal‐wuyaŋina ŋunhalana Djurutjalamnha wäŋaŋura.
Yo, walala ŋuriŋi Bilitjiyapuyŋuyunydja ŋäkulana ŋunhi walala nherrara Daypitnha giŋguŋala, walalanydja marrtjinana lili Daypitku nyäṉ'thurrunana bunharawuna, walala bini bunanha ŋanya Daypitnha, yurru Garrayyu guŋga'yurruna warray ŋanya Daypitnhanydja. Ga Daypitkalanydja miriŋuyu ŋuparana ŋunhinydja walalanha miriŋunha, ŋuparana yana liŋgu‐u‐u ga ŋurrkaŋala bena‐wala barrkulilina.
<- 2 DJAMIYULWALAŊUWUY DHÄWU 42 DJAMIYULWALAŊUWUY DHÄWU 6 ->